![[object Object],[object Object]](https://media.sdbb.ch/transform/c7853040-4637-4008-85b8-785ca9bc39fa/06_Geigenbauer_FS-jpg?io=transform:fill,width:740,height:490)
Sco construidra u construider da gìas construeschas, reparas e restaureschas ti instruments ad artg sco gìas, cellos u cuntrabass. Silsuenter accordas ti ils instruments e procuras er ch'els tunian bain. Ultra da quai vendas e affittas ti instruments ed accessoris.
Incumbensas
- far il preventiv dals custs, tscherner la laina adattada
- dissegnar conturas da mintga part cun agid da schablonas
- resgiar ed elavurar ordavant la laina tenor ils dissegns, p.ex. splanar e glimar
- duvrar il lain d'ischi, p.ex. per il fund, per il culiez u per las rischlas, pia per las paraids lateralas
- elavurar lain da pign, p.ex. per il plafond cun foras da resonanza u l'olma
- furmar differents tocs, p.ex. elavurar cun iseglia u storscher els en la vapur
- collar singulas parts cun cola chauda ch'è solvibla en l'aua, per ch'ils instruments possian puspè vegnir prendids dapart per la reparatura
- glimar en moda fina e tractar ils instruments, p.ex. cun lac u ieli
- inserir las cordas ed accordar l'instrument, per ch'el tunia bain
- documentar lavurs
- remplazzar differentas parts, p.ex. il culiez u l'olma
- renovar las claviglias, collar ils lieus d'ur averts ed inserir novas cordas
- lavurar tut tenor l'orientaziun da l'atelier er cun instruments a pizzico sco ghitarras u lautas
- controllar, sch'ils instruments tunan bain, uschiglio accordar da nov
- cussegliar clientas e clients davart lavurs da service e da reparaturas
- dar en locaziun instruments ad artg ed accessoris
Ambient da lavur
Sco construidra u construider da gìas es ti tant mastergnanta u mastergnant sco er musicista u musicist. Per regla lavuras ti suletta u sulet en il lavuratori.
Ti lavuras en in atelier da construcziun da gìas u en ina chasa da musica. Tut tenor l'atelier datti differentas spezialisaziuns. Cun in'experientscha professiunala correspundenta pos ti er far expertisas ed avrir in'atgna fatschenta.
Pretensiuns e interess
- Inschign manual
- Udida musicala
- Moda da lavurar independenta
- Moda da lavurar conscienziusa ed exacta
- Moda da lavurar sistematica
- Plaschair da vender e da cussegliar
- Lavurar cun ils mauns
- Lavurar en moda exacta
- Elavurar lain
- Dissegnar, decorar, crear
Scolaziun
Furmaziun pratica en in atelier da construcziun da gìas
Curs da bloc dad 11 fin 12 emnas per onn a la Scola da gìas svizra a Brienz (BE) ed a la Scola per sculptura en lain a Brienz
Scola da gìas svizra a Brienz (BE): 41 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Construider / Construidra da gìas AFQ
Furmaziun cuntinuonta
Curs
Curs da la Scola da gìas a Brienz
Examen professiunal superiur (EPS)
- Experta concepidra u expert concepider en l'artisanat EPS
Scola auta spezialisada (SAS)
- Bachelor of arts en design da products e design industrial
Tut tenor la scola auta spezialisada valan differentas cundiziuns d'admissiun.
Furmaziuns supplementaras a l'exteriur
Construider / Construidra da clavazins e da cembalos en la Scola Oscar-Walcker per la construcziun d'instruments da musica a Ludwigsburg (Germania).
Professiuns sumegliantas
