Construidra d'orglas AFQ
Construider d'orglas AFQ
![[object Object],[object Object]](https://media.sdbb.ch/transform/39414d93-7a87-4e11-81aa-cf875c702abd/OrgelbauerIn-AVS-117-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco construidra u construider d'orglas construeschas ti orglas e reparas ellas. Ti mantegnas ils instruments ed elimineschas disturbis. Ti monteschas accessoris ed accordeschas las orglas, procuras pia ch'ellas tunan puspè bain. Ultra da quai cusseglias ti las clientas ed ils clients.
Incumbensas
- infurmar la clientella davart las reparaturas
- cussegliar la clientella, p.ex. en connex cun cumpras u cun la construcziun d'orglas
- dissegnar plans da construcziun e planisar singuls pass da lavur per construir l'orgla
- empustar il material
- construir parts d'orgla, p.ex. la suflera che reparta l'aria sin ils tschivlots, la chascha da lain massiv u tocs pitschens per registers u tschivlots da lain
- metter ensemen parts d'orgla e montar quellas en la chascha da l'orgla
- integrar parts electronicas en la regulaziun da l'orgla
- demontar e transportar l'orgla, p.ex. en ina baselgia u sala da concert
- montar l'orgla
- intunar il tschivlots da l'orgla, per ch'els tunian bain
- analisar il tun da l'orgla cun spezialistas e spezialists e far correcturas vi da l'intunaziun
- demontar l'orgla
- nettegiar las parts da l'orgla
- tractar la surfatscha e controllar l'instrument areguard disturbis e mancanzas, p.ex. miffa, infestiun d'insects u ruina
- controllar ils conducts d'aria e reparar lieus permeabels
- metter puspè ensemen ed accordar l'orgla
- controllar e reglar la mecanica
Ambient da lavur
Sco construidra u construider d'orglas lavuras ti en lavuratoris u tar la clientella. Per il pli es ti activa u activ en baselgias, nua che ti lavuras en l'autezza.
Ti lavuras en manaschis da construcziun d'orglas u instruments ubain en fatschentas spezialisadas. Il martgà da lavur en Svizra è pitschen, ma la dumonda suenter glieud spezialisada talentada resta stabila. Var 8 manaschis da construcziun d'orglas porschan plazzas d'emprendissadi.
Pretensiuns e interess
- Inschign manual
- Moda da lavurar independenta
- Imaginaziun tridimensiunala
- Prontezza d'esser savens sin viadi
- Udida musicala
- Moda da lavurar sistematica
- Moda da lavurar conscienziusa ed exacta
- Lavurar cun ils mauns
- Lavurar en moda exacta
- Elavurar lain
- Elavurar metal
Scolaziun
Furmaziun pratica en in atelier da construcziun d'instruments u en ina fatschenta spezialisada
Curs da bloc da 9 emnas per onn en la scola professiunala spezialisada Arenenberg a Salenstein (TG)
Scola professiunala spezialisada Arenenberg a Saleinstein (TG): 41 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Construider / Construidra d'orglas AFQ
Furmaziun cuntinuonta
Curs
Curs da l'associaziun Cuminanza d'interess per ils construiders d'instruments da musica (IGMIB)
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design da products e design industrial
Tut tenor la scola auta spezialisada valan differentas cundiziuns d'admissiun.
Furmaziuns supplementaras a l'exteriur
Construider / Construidra da clavazins e da cembalos en la Scola Oscar-Walcker per la construcziun d'instruments da musica a Ludwigsburg (Germania).
Professiuns sumegliantas
