Fabritgader da tschivlots d'orglas AFQ
Fabritgadra da tschivlots d'orglas AFQ
![[object Object],[object Object]](https://media.sdbb.ch/transform/4c944ead-2e50-4fb4-831f-58b2d48e2c35/Zinnpfeifenmacher-GS-106-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco fabritgadra u fabritgader da tschivlots d'orglas fas ti tschivlots da zin che dattan a las orglas lur tun. Ti elimineschas disturbis e mancanzas ed accordas tschivlots da zin, per ch'els tunian puspè bain. Ultra da quai cusseglias ti constructuras e constructurs d'orglas.
Incumbensas
- prender encunter ils giavischs da la clientella e decider, tge tschivlots da zin ch'èn adattads per l'orgla
- planisar la lavur, p.ex. la durada, il material u l'utensil
- far preventivs
- luar il zin ed il plum en in furn da luentar e far or da tals in liament
- cular dal liament ina tola
- tagliar la tola tenor il plan ed ils dissegns
- storscher las parts da tola a bischens
- producir differentas parts dals tschivlots da zin
- buglir ensemen las parts a tschivlots da zin
- tagliar ils tschivlots da zin en differenta lunghezza, tut tenor la lunghezza vegn producì in auter tun
- accordar tschivlots da zin, per ch'els tunian bain
- preparar tschivlots da zin per la spediziun u per la surdada a la clientella
- nettegiar ils tschivlots da zin e guardar, en tge stadi ch'els èn
- definir, co ch'els ston vegnir reparads
- reparar, glimar e pulir tschivlots da zin
- curreger il tun dals tschivlots da zin
Ambient da lavur
Sco fabritgadra u fabritgader da tschivlots d'orglas lavuras ti en lavuratoris u als lieus da las orglas, p.ex. en baselgias u en salas da concert.
Suenter experientschas professiunalas da plirs onns e cun l'engaschament necessari has ti la pussaivladad d'avrir in agen manaschi. Il martgà da lavur en Svizra è pitschen, ma la dumonda suenter glieud spezialisada talentada resta stabila.
Pretensiuns e interess
- Inschign manual
- Moda da lavurar independenta
- Udida musicala
- Imaginaziun tridimensiunala
- Moda da lavurar conscienziusa ed exacta
- Moda da lavurar sistematica
- Lavurar cun ils mauns
- Dissegnar, decorar, crear
- Elavurar metal
- Elavurar lain
Scolaziun
Furmaziun pratica en in lavuratori da tschivlots u en in manaschi da construcziun d'orglas cun in lavuratori da tschivlots.
Curs da 9 emnas per onn en la Scola professiunala spezialisada Arenenberg a Salenstein (TG)
Scola professiunala spezialisada Arenenberg a Saleinstein (TG): 28 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Fabritgader / Fabritgadra da tschivlots d'orglas AFQ
Furmaziun cuntinuonta
Curs
Curs da l'associaziun Cuminanza d'interess per ils construiders d'instruments da musica (IGMIB)
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design da products e design industrial
Tut tenor la scola auta spezialisada valan differentas cundiziuns d'admissiun.
Professiuns sumegliantas
