Construidra d'instruments da flad AFQ
Construider d'instruments da flad AFQ
![[object Object],[object Object]](https://media.sdbb.ch/transform/a7339dfe-a07e-435b-b963-a5ff692e8636/Blasinstrumentenbau-MS-114-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco construidra u construider d'instruments da flad produceschas ti instruments da flad da lain e da metal. Latiers tutgan flautas, saxofons, clarinettas, corns u trumbettas. Ti cusseglias la clientella tar la tscherna d'in instrument e vendas u affittas el. Sche instruments rumpan, als reparas ti.
Incumbensas
- dumandar tge che la clientella giavischa e discutar ils giavischs
- planisar las lavurs e far offertas
- declerar a las clientas ed als clients, co ch'els pon tgirar lur instruments
- scriver rapports da lavur
- far skizzas
- crear parts d'instruments u tocs da reserva, p.ex. artgs, ventils e clappas
- buglir tocs instrumentals, pia colliar in cun l'auter
- tractar las surfatschas d'instruments da lain e da tola, p.ex. pulir u glimar
- demontar ils instruments e controllar, sch'els han donns
- reparar parts da metal cun bottas, bischens sturschids u parts da lain donnegiadas
- sfunsar instruments da tola en in bogn chemic per allontanar ils fastizs da l'oxidaziun, pia da la ruina
- nettegiar instruments e remplazzar las parts donnegiadas
- controllar e configurar da nov la mecanica da l'instrument
- accordar ils instruments da flad
Ambient da lavur
Sco construidra u construider d'instruments da flad lavuras ti en la vendita u en lavuratoris da reparatura ed has contact cun la clientella.
Ti lavuras en lavuratoris, ateliers e fatschentas spezialisadas per instruments da musica. Il martgà da lavur en Svizra è pitschen, ma la dumonda suenter glieud spezialisada talentada resta stabila.
Pretensiuns e interess
- Inschign manual
- Udida musicala
- Moda da lavurar independenta
- Moda da lavurar conscienziusa ed exacta
- Imaginaziun tridimensiunala
- Moda da lavurar sistematica
- Plaschair da vender e da cussegliar
- Lavurar cun ils mauns
- Lavurar en moda exacta
- Elavurar metal
- Elavurar lain
Scolaziun
Furmaziun pratica en in atelier da construcziun d'instruments u en ina fatschenta spezialisada
Curs da bloc da 10 emnas per onn en la scola professiunala spezialisada Arenenberg a Salenstein (TG), instrucziun en tudestg u en franzos
Scola professiunala spezialisada Arenenberg a Saleinstein (TG): 42 dis durant 4 onns
4 onns
- Construcziun d'instruments da flad
- Reparatura d'instruments da flad
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Construider / Construidra d'instruments da flad AFQ
Furmaziun cuntinuonta
Curs
Curs da l'associaziun Cuminanza d'interess per ils construiders d'instruments da musica (IGMIB)
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design da products e design industrial
Tut tenor la scola auta spezialisada valan differentas cundiziuns d'admissiun.
Furmaziun supplementara a l'exteriur
Examen professiunal superiur en la Scola Oscar-Walcker per la construcziun d'instruments da musica a Ludwigsburg (Germania).
Professiuns sumegliantas
