Construider da clavazins AFQ
Construidra da clavazins AFQ
![[object Object],[object Object]](https://media.sdbb.ch/transform/d76ce50f-a388-40b9-84f0-6c7751ae7420/KlavierbauerIn-FD-128-jpg?io=transform:fill,width:740,height:490)
1. onn d’emprendissadi: CHF 600.–
2. onn d’emprendissadi: CHF 800.–
3. onn d’emprendissadi: CHF 1000.–
4. onn d’emprendissadi: CHF 1200.–
Sco construidra u construider da clavazins fabritgas e reparas ti clavazins e clavazins a cua. Ti accordas ils instruments e procuras ch'els tunian bain. Ultra da quai cusseglias ti las clientas ed ils clients.
Incumbensas
- cussegliar la clientella, p.ex. da cumprar in nov clavazin u da laschar reparar in vegl
- infurmar, tge che vegn tut fatg tar la reparatura e far in'offerta
- planisar ils pass da lavur necessaris cun il temp respectiv
- empustar tocs da reserva, elements supplementars u guaffens
- prender dapart instruments e controllar las singulas parts
- remplazzar u reparar la tocca, p.ex. ils chaus dals martels, ils pedals u las tastas
- allontanar e remplazzar cordas
- reparar il fund da resonanza, pia la platta da lain ch'è impurtanta per il volumen dal tun
- nettegiar e pulir las tastas
- eruir, pertge ch'in clavazin na funcziuna betg pli endretg
- reglar tocs dal clavazin, pia giustar fin, p.ex. sch'in sbagl da la mecanica u da la claviatura chaschuna tuns fauss
- accordar clavazins, cun strenscher las cordas
- far la controlla finala ed examinar il tun da l'instrument
Ambient da lavur
Sco construidra u construider da clavazins lavuras ti en lavuratoris u ateliers. Ti vas er tar la clientella per accordar ils instruments.
Ti lavuras en ateliers da construcziun d'instruments u en fatschentas spezialisadas. Il martgà da lavur en Svizra è pitschen, ma la dumonda suenter glieud spezialisada talentada resta stabila. Circa 17 manaschis en Svizra prendan emprendistas ed emprendists.
Pretensiuns e interess
- Inschign manual
- Udida musicala
- Moda da lavurar independenta
- Prontezza d'esser savens sin viadi
- Imaginaziun tridimensiunala
- Moda da lavurar conscienziusa ed exacta
- Moda da lavurar sistematica
- Lavurar cun ils mauns
- Lavurar en moda exacta
- Elavurar lain
- Elavurar metal
Scolaziun
Furmaziun pratica en in atelier da construcziun d'instruments u en ina fatschenta spezialisada
Curs da bloc da 10 emnas per onn en la Scola professiunala spezialisada Arenenberg a Salenstein (TG)
Scola professiunala spezialisada Arenenberg a Saleinstein (TG): 58 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Construider / Construidra da clavazins AFQ
Furmaziun cuntinuonta
Curs
Curs da l'associaziun Cuminanza d'interess per ils construiders d'instruments da musica (IGMIB)
Scola spezialisada superiura (SSS)
- Designer / Designra da products SSS
Scola auta spezialisada (SAS)
- Bachelor of arts en design da products e design industrial
Tut tenor la scola auta spezialisada valan differentas cundiziuns d'admissiun.
Furmaziuns supplementaras a l'exteriur
Construider / Construidra da clavazins e da cembalos en la Scola Oscar-Walcker per la construcziun d'instruments da musica a Ludwigsburg (Germania).
Professiuns sumegliantas
