Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Pictur / Pictura AFQ

Picturs e picturas pictureschan bajetgs dadens e dador cun colurs, dattan si liadiras e tapezeschan stanzas. Els preparan il fund ed elegian per la colurada la dretga tecnica da lavur.

Lavurs

Picturs e picturas mainan tras lavurs da colurada en l’interiur ed en il spazi exteriur. Els pictureschan fatschadas, paraids, palantschieus sura, funs, portas, fanestras ed autras parts dal bajetg cun colurs e lacs. Uschia gidan els da proteger e mantegnair ils bajetgs. Sin il plazzal vegnan els savens vidlonder a la fin, cura che la cuschina è gia montada e las plattas da fund tschentadas. Els guardan da betg donnegiar la lavur dad auters spezialists da construcziun.

Avant che picturs cumenzan cun la colurada, calculeschan els il basegn da material, preparan il material ed ils apparats, endrizzan in magazin sin il plazzal e plazzeschan stgalas e puntanadas rullantas. Elements da construcziun che na vegnan betg colurads cuvran els cun bindel da tatgar e folia da plastic.

Ils differents funs pretendan in tractament preliminar. Picturs enconuschan las raschuns che pon effectuar tar betun, crap, gip, lain, materia sintetica u metal ina colurada manglusa e preparan il funs correspundentamain: cun glimar, grundar, spategliar, prender davent la ruina, isolar, sclerir etc. Tar renovaziuns vegn latiers l’eliminar da coluradas veglias.

Per dar si las colurs ed ils lacs applitgeschan picturs differentas tecnicas: dar colur cun il penel, colurar cun la zulla e squittar cun la pistola. Objects angulars sco barcuns tractan els en il lavuratori ed als sfunsan en in bogn da colur. Els san er applitgar fitg bain tecnicas decorativas sco tampunar, marmorisar u mascherar.

Durant lur lavur dovran picturs dissolvents e meds da rarificaziun, material d’isolar e da cuvrir, massas da spategliar e material d’emplenir, meds da bugadar e meds da mular, collas etc. Els elegian ils dretgs products, als applitgeschan a moda adequata e guardan per ina dismessa da rests ch’è adattada a l’ambient. Els nettegian e tgiran lur utensils, apparats e maschinas.

Picturs èn er responsabels per trair si tapetas, liar giu fatschadas sco er montar isolaziuns. Las lavurs terminadas nodan els en in rapport. Tar tut las lavurs resguardan els las prescripziuns en connex cun la prevenziun d’accidents, da malsognas professiunalas, da tissientadas e da brischaments.

Scolaziun

Basa legala

Ordinaziun federala 22-7-2014

Durada

3 onns

Furmaziun en la pratica

En in manaschi da picturs

Furmaziun en scola

1 di per emna a la scola professiunala

Roms professiunals

  • planisar, preparar e rapportar davart lavurs
  • tractar preliminar e surtrair funds
  • garantir la segirezza da la lavur, segirar la protecziun da la sanadad e da l’ambient
  • decorar e crear
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "pictur / pictura AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha pratica
  • movibilitad corporala
  • sanadad robusta
  • senn per colurs
  • senza sturnizi
  • naginas allergias sin dissolvents
  • abilitad da lavurar en in team

Furmaziun supplementara

Curs

purschidas da scolas spezialisadas e professiunalas sco er dal Schweiz. Maler- und Gipserunternehmer-Verbands

Furmaziun da basa scursanida

stuccatur e constructur cun materialias sitgas / stuccatura e constructura cun materialias sitgas AFQ

Diplom da l’associaziun

manader / manadra da plazzal, pictur / pictura da Service, vernischader / vernischadra a squitta, tapezader / tapezadra

Examen professiunal (EP)

manader / manadra da project colur cun certificat professiunal federal, mastergnant / mastergnanta per la tgira da monuments cun certificat professiunal federal, creader / creadra en l’artisanat cun certificat professiunal federal

Examen professiunal superiur (EPS)

maister pictur / maistra pictura

Scola spezialisada superiura (SSS)

curs da furmaziun en roms parentads, designer / designra da colurs dipl. SSS

Scola auta spezialisada (SAS)

percurs da studi en il champ spezial fatgs da construcziun, p. ex. Bachelor of Arts en architectura, Bachelor of Science (SAS) en fatgs d’inschigneria da construcziun

Cundiziuns da lavur

Picturs lavuran en manaschis da picturs. I sa tracta per regla da manaschis pitschens u mesauns. Sco zona d’acziun vegn plinavant en dumonda l’industria da colurs e da lacs.

Picturs han bunas schanzas da chattar suenter l’emprendissadi ina plazza da lavur.

Ulteriuras infurmaziuns

Schweiz. Maler- und Gipser-unternehmer-Verband SMGV
Grindelstr. 2
Postfach 73
8304 Wallisellen
Tel: 043 233 49 00
URL: www.maler-werden.ch

Revista professiunala:
"applica"



berufsberatung.ch