Spezialist d'hotellaria e d'economia da chasa AFQ
Spezialista d'hotellaria e d'economia da chasa AFQ
![[object Object],[object Object]](https://media.sdbb.ch/transform/3d4a07ef-720c-4489-ad81-385222829fb2/gestionnaire_hotellerie_int_T-G_011-jpg?io=transform:fill,width:740,height:490)
1. onn d’emprendissadi: CHF 1020.–
2. onn d’emprendissadi: CHF 1300.–
3. onn d’emprendissadi: CHF 1550.–
Las spezialistas ed ils spezialists d'hotellaria e d'economia da chasa retschaivan e tgiran giasts en hotels, en albierts u en instituziuns dals fatgs da sanadad. Ella s'occupa da l'alloschi, da l'alimentaziun, da la logistica e da la laschiva. Uschia pussibilitescha ella in segiurn agreabel als giasts.
Incumbensas
- beneventar e tgirar giasts
- prender encunter cudeschaziuns
- elavurar arrivadas e partenzas
- registrar resuns da giasts
- sa barattar cun giasts en la lingua materna ed en linguas estras, per exempel en englais u en franzos
- cumprar, lavar, stirar e depositar laschiva, per exempel laschiva da letg e da bogn
- sin dumonda lavar laschiva da giasts
- far ir e nettegiar maschinas da lavar
- tgirar, nettegiar ed endrizzar locals e surfatschas
- cultivar plantas e tegnair en urden decoraziuns
- nettegiar locals e mobiglias
- empustar e preparar vivonda e bavrondas
- emplenir buffets
- gidar giasts a tscherner pasts
- servir empustaziuns
- nettegiar e mantegnair apparats, per exempel maschinas da café
- optimar andaments organisatorics
- administrar victualias e rauba en il manaschi
- preparar documents che garanteschan la qualitad da la lavur
- surdar incumbensas ed ordinaziuns a collavuraturas e collavuraturs
- observar las prescripziuns da segirezza e d'igiena
Ambient da lavur
Las spezialistas ed ils spezialists d'hotellaria e d'economia da chasa lavuran savens sulets, dentant mintgatant en teams. Tut tenor la grondezza da l'interpresa surpiglian els differentas lavurs ch'èn cumbinadas cun differents lieus da lavur. Er il temp da lavur variescha tut tenor il gener dal manaschi, inqual giada lavuran els la saira u durant fins d'emna. Il pensum da lavur variescha tenor la stagiun.
Spezialistas e spezialists d'hotellaria e d'economia da chasa lavuran en hotels, en albierts, en ospitals u en clinicas. Cun las furmaziuns supplementaras correspundentas po els surpigliar posiziuns da management e da direcziun.
Pretensiuns e interess
- Senn per l'ospitalitad
- Abilitad da lavurar en in team
- Prontezza da lavurar durant uras irregularas u servetschs da notg
- Curtaschia e sensibilitad
- Moda da lavurar sistematica
- Apparientscha cultivada
- Resistenza corporala
- Senn per igiena e per nettezza
- Lavurar cun ils mauns
- Planisar, organisar
- Avair contact cun persunas
- Cussegliar
Scolaziun
En hotels, en albierts u en instituziuns dals fatgs da sanadad
1 di per emna a la scola professiunala spezialisada
Emprender la lavur pratica, approfundar ed exercitar las basas professiunalas, 19 dis durant 3 onns.
3 onns
Terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Spezialist / Spezialista d'hotellaria e d'economia da chasa AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da federaziuns professiunalas, per exempel la furmaziun supplementara «Textile Care Spezialist/in STF & VST»
Examen professiunal (EP)
p.ex. cun attestat professiunal federal:
- manader/-dra dal sectur hotellaria-tegnairchasa
- manader/-dra da tegnairchasa
- spezialist/a da mantegniment
- manader/-dra dal sectur tecnica da nettegiament
- manader/-dra dal sectur restauraziun
- manader/-dra da gastronomia
- schef/-fa da recepziun
Examen professiunal superiur (EPS)
p.ex. cun diplom federal:
- manader/-dra d'hotellaria e d'economia da chasa
- manader/-dra da la restauraziun collectiva
- manader/dra da facility management e maintenance
- nettegiader/-dra d'edifizis
- manader/-dra da restauraziun
Scola spezialisada superiura (SSS)
Scolaziuns en secturs specifics parentads, p.ex. mainagestiun en facility management dipl. SSS u hotelier/a-gastronom/a dipl. SSS.
Scola auta spezialisada (SAS)
Studis en secturs parentads, p.ex. bachelor of science en facility management u en hospitality management. Tut tenor la scola auta spezialisada valan differentas cundiziuns d'admissiun.
Professiuns sumegliantas
