Spezialist da la gastronomia da sistem AFQ
Spezialista da la gastronomia da sistem AFQ

Nahrung, Gastronomie

Durada

3 onns

Terminaziun

Eidgenössisches Fähigkeitszeugnis EFZ

Indicaziuns davart il salari

1. onn d’emprendissadi: CHF 1020.–
2. onn d’emprendissadi: CHF 1300.–
3. onn d’emprendissadi: CHF 1550.–

Sco spezialista u spezialist da la gastronomia da sistem lavuras ti en interpresas che mainan plirs restaurants tenor il medem concept, p.ex. chadainas da restaurants en centers da cumpra, en pausadis d'autostrada, sin plazzas aviaticas, en restaurants da manaschi u en take-aways. Ti preparas differentas spaisas sco menus dal di, salatas, snacks u desserts e preschentas quellas sin tecas u en vitrinas.

Tips

Lehrstellenbewerbung Candidarsi per un posto di apprendistato

Incumbensas

Organisar andaments

planisar ils engaschaments da lavur per il team ed infurmar las collavuraturas ed ils collavuraturs davart ils andaments
preparar localitads per ils giasts
endrizzar plazzas da lavur per preparar spaisas
analisar indicaturs sco il preventiv, la svieuta, ils custs da rauba, ils ruments da victualias ed il dumber da la clientella
meglierar la planisaziun cun agid dals indicaturs
planisar activitads da vendita e da reclama

S'occupar da products e servetschs

empustar victualias necessarias e material necessari, sco p.ex. meds da nettegiament, serviettas u tavlas da reclama
prender encunter, controllar ed endatar rauba
magasinar il material e las victualias observond las prescripziuns d'igiena e da qualitad
controllar, sch'i dat avunda victualias e material
organisar activitads da vendita e servetschs, p.ex. degustaziuns u chastels-trampolin
dumandar e cumparegliar offertas e preventivs

Preparar spaisas e bavrondas

preparar las victualias tenor recept
metter sin in plat las spaisas e las bavrondas per la clientella
nettegiar ils apparats ed il plaz da lavur
controllar e documentar la qualitad da las spaisas e da las bavrondas

Vender products ed assister giasts

preschentar en moda attractiva las spaisas ed ils products, p.ex. cun agid da vitrinas, tablets u cuppas
retschaiver, servir e dar adia a giasts
vender e pachetar products
incassar cumpras
realisar mesiras da reclama: infurmar activamain ils giasts davart acziuns u far tavlas da preschentaziun
prender encunter ed elavurar resuns e reclamaziuns da giasts

Ambient da lavur

Sco spezialista u spezialist da la gastronomia da sistem lavuras ti en chadainas da restaurants cun lungas uras d'avertura. Ti has uras da lavur irregularas e lavuras er la saira, la fin d'emna u ils firads. Ti has bler contact cun giasts ed es èn la gronda part dal temp en pe. L'ambient da lavur è savens canerus e hectic.

Ti lavuras en restaurants cun clers andaments che sa chattan cunzunt en citads u vi da las axas da traffic. Latiers tutgan tranter auter chadainas da fast food e da take-away, restaurants en centers da cumpra, sin plazzas aviaticas u sin pausadis d'autostrada sco er cantinas da manaschis. Perquai ch'il sectur take-away è creschì fermamain ils ultims onns, has ti bunas schanzas sin il martgà da lavur. Ti pos svelt surpigliar responsabladad per in tschert sectur, lavurar sco manadra d'in team, scolar collavuraturas e collavuraturs u daventar manader d'in restaurant.