Spezialista da products da charn AFQ
Spezialist da products da charn AFQ
Correspunda questa professiun a mai?![[object Object],[object Object]](https://media.sdbb.ch/transform/e737d025-721c-4f30-b290-ded5ccac327f/02_Fleischfachfrau_TPO-jpg?io=transform:fill,width:740,height:490)
1. onn d’emprendissadi: CHF 1000.–
2. onn d’emprendissadi: CHF 1300.–
3. onn d’emprendissadi: CHF 1600.–
Sco spezialista u spezialist da products da charn produceschas e commerzialiseschas ti differents products da charn, p.ex. bov, vadè, portg u giaglinom. Ti cumpras e mazzas il muvel ed al staglias. Suenter taglias e manizzas ti la charn che vegn alura vendida.
Incumbensas
- planisar la lavur, procurar per materias primas ed ingredienzas, administrar ils inventaris da rauba
- tagliar ils tocs da charn cun utensils e maschinas, allontanar l'ossa sco er pachetar e magasinar la charn
- allontanar la pel, las tarscholas ed il grass, per che la charn possia vegnir vendida en butia
- producir products mezfinids e pronts per servir, p.ex. pastas, charn fraida u liongias, e dismetter ruments
- calcular ils pretschs da vendita, etichettar ils emballadis ed endatar en il sistem
- installar e demontar maschinas ed apparats, nettegiar sco er far simplas lavurs da mantegniment
- cumprar e valitar muvel da maz
- tscherner la metoda da maz e narcotisar animals tenor la Lescha federala davart la protecziun dals animals
- mazzar, scurtgar, prender or il dadens e pasar animals
- emplenir formulars e resguardar las prescripziuns, p.ex. la derivanza da la charn
- elavurar u dismetter tocs charn e beglia
- preparar charn, spezarias ed autras ingredienzas e producir liongias tenor recept
- producir terrinas e pastetas
- preparar liongias e products da charn sco charnpiertg, charn setga, schambun e spezialitads regiunalas: fimentar, setgentar u coier
- preparar products pronts e tratgas dal di ed als pachetar per la vendita
- preparar garnituras per fondue e tratgas da gril, p.ex. plattas da charn e da liongias preparadas bellas
- crear canapés, sandwichs ed auters products
- preschentar products en moda attractiva en butia
- beneventar e cussegliar la clientella
- preparar la charn per la vendita, p.ex. tagliar e pasar sco er calcular il pretsch
- far reclama per il servetsch da catering, registrar e exequir empustaziuns
Ambient da lavur
Sco spezialista u spezialist da products da charn lavuras ti davos la teca da mazlarias u en hallas da producziun da fabricas. Ti lavuras en teams. L'ambient da lavur è savens frestg ed umid. Quai vala en spezial per locals da sfradentar e da schelentar. Ils temps da lavur dependan dal manaschi. Per il solit èn quels regulars. La lavur da saira e da firà è pussaivla.
Ti lavuras en mazlarias, en manaschis industrials u en il commerzi.
Pretensiuns e interess
- Savair vesair sang
- Fitg bun gust e bun nas
- Senn per igiena e per nettezza
- Inschign manual
- Moda da lavurar svelta
- Resistenza a la temperatura u a l'aura
- Resistenza corporala
- Plaschair da vender e da cussegliar
- Lavurar cun victualias
- Lavurar cun ils mauns
- Avair contact cun persunas
Scolaziun
Furmaziun pratica en ina fatschenta da products da charn ubain en in manaschi artisanal u industrial ch'elavura charn: 4 dis per emna
1 di per emna en las scolas professiunalas spezialisadas chantunalas
Uniun professiunala svizra da la charn UPSC, Spiez (BE): 9 dis durant 3 onns
3 onns
- producziun
- elavuraziun
- delicatessas e raffinaziun
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista da products da charn AFQ
Furmaziun cuntinuonta
Curs
Curs da l'Uniun professiunala svizra da la charn (UPSC)
Examen professiunal (EP)
- Mainagestiun en l'economia da charn EP
Examen professiunal superiur (EPS)
- Maister mazler / Maistra mazlera EPS
Scola spezialisada superiura (SSS)
- Tecnicist / Tecnicista da victualias SSS
Scola auta spezialisada (SAS)
- Bachelor of science en food science
Tut tenor la scola auta spezialisada valan differentas cundiziuns d'admissiun.
Professiuns sumegliantas
