![[object Object],[object Object]](https://media.sdbb.ch/transform/b019ea22-c943-48ac-ad0a-20670f0fa270/02_Milchtechnologin_FP-jpg?io=transform:fill,width:740,height:490)
1. onn d’emprendissadi: CHF 800.–
2. onn d’emprendissadi: CHF 1000.–
3. onn d’emprendissadi: CHF 1300.–
Sco tecnologa u tecnolog da latg elavuras ti latg e fas products da quest latg, p.ex. chaschiel, bavrondas da latg u desserts. Ti prendas mintga di provas per controllar la qualitad e la conservabladad dals products e per garantir, che las pretensiuns d'igiena sajan ademplidas.
Incumbensas
- prender encunter il latg, pasar, filtrar, sfradentar, registrar datas e magasinar il latg en moda igienica
- prender provas da latg, controllar la qualitad e far rapports
- nettegiar e dischinfectar locals, apparats ed accessoris
- agiuntar las bacterias d'acid da latg ed il quagl al latg, per ch'el culia
- rumper latg, pia il latg engrossì, tagliar, stgaudar, truschar e laschar sguttar
- emplenir e pressar chaschiel en furmas
- prender ora, analisar e documentar provas en tut las fasas da producziun
- tgirar chaschiel durant la madiraziun, p.ex. salar e volver, garantir l'igiena e la qualitad en quest connex
- emplenir e pachetar groma u producir ordlonder paintg, glatsch e desserts
- omogenisar il latg, pia far regular, al pastorisar e sterilisar, per ch'el saja conservabel, e pachetar
- producir jogurt, cremas, bavrondas da latg ed ulteriurs products
- controllar regularmain la qualitad ed empruvar products finids
- cussegliar la clientella, vender e sviluppar vinavant ils products
- metter en funcziun, programmar e survegliar las maschinas da producziun
Ambient da lavur
Sco tecnologa u tecnolog da latg lavuras ti en lieus da producziun. A la plazza da lavur èsi dad aut pervia da las maschinas ed i dat auta umiditad da l'aria. Plinavant poi esser chaud u fraid. I valan reglas d'igiena severas e ti stos purtar vestgadira da lavur speziala. La producziun ha lieu 7 dis l'emna. Ils temps da lavur dependan da la grondezza dal manaschi. En manaschis pitschens cumenza il di da lavur fitg baud e finescha vers mezdi. En manaschis industrials datti lavur en squadras.
Ti lavuras cunzunt en gronds manaschis da latgiras u en chascharias, nua che las perspectivas professiunalas èn bunas. En pitschens manaschis da latgarias ed en chascharias datti damain plazzas. Durant la stagiun da stad pos ti er lavurar en chascharias d'alp.
Pretensiuns e interess
- Abilitad da lavurar en in team
- Fitg bun gust e bun nas
- Resistenza a la temperatura u a l'aura
- Moda da lavurar sistematica
- Prontezza da lavurar durant uras irregularas u servetschs da notg
- Chapientscha tecnica
- Resistenza corporala
- Senn per igiena e per nettezza
- Lavurar cun victualias
- Lavurar cun maschinas
Scolaziun
Furmaziun pratica en ina chascharia, ina latgaria u in manaschi industrial da producziun: 4 dis per emna
1 di per emna en las scolas professiunalas spezialisadas chantunalas
Center da furmaziun professiunala, Sursee (LU): 8 dis durant 3 onns
3 onns
- producir spezialitads da latg localas e regiunalas
- cussegliar la clientella e vender products da latg
- far analisas supplementaras
- manar indrizs da producziun tenor in process
- utilisar products secundars en l'engrasch da portgs
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tecnolog / Tecnologa da latg AFQ
Furmaziun cuntinuonta
Examen professiunal (EP)
- Tecnolog / Tecnologa da latg EP
- Tecnolog / Tecnologa da victualias EP
Examen professiunal superiur (EPS)
- Maister signun / Maistra signuna e da latgiras EPS
- Tecnolog / Tecnologa da victualias EPS
Scola spezialisada superiura (SSS)
- Tecnicist / Tecnicista da victualias SSS
Scola auta spezialisada (SAS)
- Bachelor of science en life sciences engineering
- Bachelor of science en food science
Tut tenor la scola auta spezialisada valan differentas cundiziuns d'admissiun.
Professiuns sumegliantas
