Muliner AFQ
Mulinera AFQ
![[object Object],[object Object]](https://media.sdbb.ch/transform/c73a4e4c-871a-4e8d-bcc7-14f8e38144d2/02_Mueller_SL-jpg?io=transform:fill,width:740,height:490)
1. onn d’emprendissadi: CHF 900.–
2. onn d’emprendissadi: CHF 1100.–
3. onn d’emprendissadi: CHF 1450.–
Sco mulinera u muliner elavuras ti graun a farina, semulina, flocs u pavel d'animals. Ti utiliseschas maschinas ed indrizs electronics. Ti surveglias il process da moler, per garantir la qualitad, e preparas las maschinas tut tenor la spezia da graun.
Incumbensas
- prender encunter furniziuns da graun, p.ex. furment, ierdi, avaina, tirc u ris
- controllar las furniziuns, p.ex. il pais, l'umiditad, l'aspect e l'odur
- sortir, stgargiar, pasar, nettegiar e magasinar graun
- sientar graun, sche necessari
- maschadar il graun tut tenor il product final
- nettegiar il graun cun separaturs u maschinas per prender ora ils cros, per allontanar granels donnegiads ed elements esters sco crappa u pulvra
- configurar e programmar ils indrizs da moler, da manizzar e da crivlar
- survegliar ils process da moler
- controllar products finids, p.ex. farina alva, farina mez alva, farina integrala u semulina
- controllar la qualitad e la purezza dals products en il labor
- magasinar products en silos spezials
- controllar inventaris dal magasin
- transportar products a las staziuns, nua ch'els vegnan pasads, pachetads e preparads per la spediziun
- trametter products a clientas e clients
- survegliar indrizs ed identifitgar disturbis
- eliminar disturbis
- mantegnair regularmain ils indrizs e las maschinas
Ambient da lavur
Sco mulinera u muliner lavuras ti en mulins u hallas da producziun. Ils temps da lavur èn per part irregulars, perquai ch'ils temps da furniziun sa midan savens.
Ti lavuras en mulins pitschens, mesauns u gronds u en manaschis da pavel maschadà. Cun furmaziuns supplementaras e cun experientscha professiunala pos ti surpigliar incumbensas directivas.
Pretensiuns e interess
- Senn per igiena e per nettezza
- Chapientscha tecnica
- Dun per cifras
- Prontezza da lavurar durant uras irregularas u servetschs da notg
- Gronda toleranza da canera
- Moda da lavurar sistematica
- Plaschair dal contact cun glieud
- Dun d'observar
- Lavurar cun victualias
- Lavurar cun maschinas
Scolaziun
Furmaziun pratica en in mulin u en in manaschi da pavel maschadà: 3 fin 4 dis per emna
Curs da bloc dad 8 fin 12 emnas per onn al Center da professiun e da furmaziun supplementara, Wil-Uzwil (SG)
Center da professiun e da furmaziun supplementara: 12 dis durant 3 onns
3 onns
- victualias
- victualias d’animals
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Muliner / Mulinera AFQ cun indicaziun dal sectur professiunal
Furmaziun cuntinuonta
Examen professiunal (EP)
- Tecnolog / Tecnologa da victualias EP
Examen professiunal superiur (EPS)
- Tecnolog / Tecnologa da victualias EPS
Scola spezialisada superiura (SSS)
- Tecnicist / Tecnicista da victualias SSS
Scola auta spezialisada (SAS)
- Bachelor of science en food science
Tut tenor la scola auta spezialisada valan differentas cundiziuns d'admissiun.
Professiuns sumegliantas
