Pasternera - Pastiziera - Confisiera AFQ
Pasterner - Pastizier - Confisier AFQ
Correspunda questa professiun a mai?![[object Object],[object Object]](https://media.sdbb.ch/transform/7aa90217-7ff5-429d-ae17-9b315f1bd044/02_Baeckerin-Konditorei_VB-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1050.–
3. onn d’emprendissadi: CHF 1400.–
Sco pasternera-pastiziera-confisiera u pasterner-pastizier-confisier fas ti – tut tenor il sectur professiunal – differents products da confisaria u pastizarias, p.ex. paun, turtas e desserts u marzipan e pralinas. Ti preparas quels a maun u cun maschinas e dovras per quest intent ingredienzas sco farina, products da latg u ovs.
Incumbensas
- preparar las ingredienzas per differentas pastas, p. ex. farina, levon, sal ed aua, e calcular las quantitads necessarias da las ingredienzas
- far pastas cun maschinas da truschar
- controllar, sche la pasta leva en moda correcta
- parter e furmar la pasta, p.ex. a pauns, tarscholas u cornets
- laschar levar pauns, tarscholas u cornets
- giustar la temperatura dal furn e far las pastizarias
- preparar las ingredienzas per pettas, turtas u cremas e calcular las quantitads necessarias da las ingredienzas
- far la pasta ed ils funds da biscuit
- preparar differentas ingredienzas per las pastizarias, p.ex. groma sbattida u fritgs tagliads
- parter e stritgar funds da pasta, p.ex. cun ina crema da vaniglia u cun ina groma sbattida ed alura decorar, p.ex. cun flocs da tschigulatta u cun ina scrittira da glasura da zutger
- producir differentas pastizarias, p.ex. mousse, desserts u turtas
- producir massas da basa, p.ex. ganache, gianduja u marzipan
- far dultschims, p.ex. gelé da fritgs, nougat u caramel
- producir pralinas e spezialitads da tschigulatta
- far decoraziuns sco flurs, ornaments u scrittiras or da zutger, tschigulatta u marzipan
Ambient da lavur
Sco pasternera-pastiziera-confisiera u pasterner-pastizier-confisier lavuras ti en pasternarias u cuschinas. Ti lavuras savens la notg ed er las fins d'emna ed ils firads. En manaschis gronds lavuras ti per il solit en squadra. Durant tschertas stagiuns sco avant u durant ils firads è la lavur spezialmain intensiva. Tias incumbensas sa differenzieschan tut tenor il lieu da lavur e la grondezza da l'interpresa.
Ti lavuras en pasternarias, pastizarias u confisarias. Er en manaschis da producziun industrials da l'industria da pastizarias e dultscharias chattas ti plazzas da lavur. Ultra da quai pos ti lavurar en chasas da dimora, ospitals sco er manaschis d'hotel e da gastronomia. Cun intgins onns experientscha pos ti surpigliar dapli responsabladad, p.ex. sco manadra u manader da producziun u sco scheffa u schef d'in agen manaschi.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Creativitad
- Moda da lavurar sistematica
- Fitg bun gust e bun nas
- Inschign manual
- Resistenza corporala
- Senn per igiena e per nettezza
- Lavurar cun victualias
- Lavurar cun ils mauns
- Lavurar en moda exacta
- Lavurar cun maschinas
Scolaziun
Furmaziun pratica en in manaschi da pasternaria-pastizaria-confisaria u en ina interpresa industriala da producziun: 4 dis per emna
1 di per emna en las scolas professiunalas spezialisadas chantunalas
En plirs chantuns: 10 dis durant 3 onns
3 onns
- pasternaria-pastizaria
- pastizaria-confisaria
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Pasterner-pastizier-confisier AFQ / Pasternera-pastiziera-confisiera AFQ, cun indicaziun dal sectur professiunal
Furmaziun cuntinuonta
Curs
Curs dal Center da cumpetenzas Richemont.
Emprendissadi supplementar
Sco pasternera-pastiziera-confisiera u pasterner-pastizier-confisier AFQ pos ti per regla far in emprendissadi scursanì en l'auter sectur professiunal u da cuschiniera u cuschinier AFQ.
Examen professiunal (EP)
- Schef pasterner-conditer-confisier EP / Scheffa pasternera-conditra-confisiera EP
Examen professiunal superiur (EPS)
- Mainagestiun pasternaria-pastizaria-confisaria EPS
Scola spezialisada superiura (SSS)
- Tecnicist / Tecnicista da victualias SSS
Scola auta spezialisada (SAS)
- Bachelor of science en food science
- Bachelor of science en economia da manaschi
Tut tenor la scola auta spezialisada valan differentas cundiziuns d'admissiun.
Professiuns sumegliantas
