Spezialist da restaurant AFQ
Spezialista da restaurant AFQ
Correspunda questa professiun a mai?![[object Object],[object Object]](https://media.sdbb.ch/transform/69683e8b-e537-4be2-b732-be85b358d8e8/Impiegata-ristorazione-AB-015-jpg?io=transform:fill,width:740,height:490)
1. onn d’emprendissadi: CHF 1020.–
2. onn d’emprendissadi: CHF 1300.–
3. onn d’emprendissadi: CHF 1550.–
Sco spezialista u spezialist da restaurant lavuras ti en restaurants, bars, hotels u auters manaschis da gastronomia. Ti procuras per il bainstar dals giasts, preparas maisas e buffets, retschaivas e cusseglias els en connex cun la tscherna da spaisas e bavrondas. Ultra da quai gidas ti tar mesiras che promovan la vendita ed a la gestiun da la rauba, promovas la vendita ed administreschas la rauba.
Incumbensas
- metter maisa, eventualmain decorar cun flurs e cun chandailas
- duvrar vaschella e pusada che correspunda al menu
- preparar ils stgaudaplats
- plazzar ils buffets en moda attractiva ed als emplenir cuntinuadamain
- preparar ils tablets d'ensolver per il servetsch da las chombras
- prender encunter rauba, controllar la quantitad e la qualitad e procurar che la rauba vegnia magasinada en moda adequata tenor prescripziuns d'igiena e da magasinaziun
- beneventar ils giasts, accumpagnar a maisa e dumandar lur giavischs
- cussegliar ils giasts en connex cun la schelta da las bavrondas e spaisas
- prender encunter empustaziuns e metter maisa en moda adattada al menu, p.ex. cun la dretga pusada per pesch u per schuppa
- derscher suenter las bavrondas
- purtar spaisas ed en cas da basegn preparar talas directamain a la maisa, p.ex. tagliar la charn u filetar il pesch
- far il quint, incassar l'import e dar adia als giasts
- rumir e nettegiar las maisas
- metter en urden la sala da mangiar
- cuvrir da nov las maisas per ils proxims giasts
Ambient da lavur
Sco spezialista u spezialist da restaurant lavuras ti en il sectur dals giasts da manaschis gastronomics. Ti es en pe l'entir di ed es permanentamain en moviment. Ils temps da lavur èn irregulars. Ti lavuras en squadras, las dumengias ed ils firads e las uras pon sa midar tut tenor stagiun.
Ti lavuras en hotels, restaurants, bars u cantinas. En regiuns turisticas èn hotels e restaurants averts mintgatant mo durant la stagiun.
Pretensiuns e interess
- Senn per l'ospitalitad
- Abilitad da lavurar en in team
- Prontezza da lavurar durant uras irregularas u servetschs da notg
- Apparientscha cultivada
- Resistenza cunter stress
- Resistenza corporala
- Senn per igiena e per nettezza
- Lavurar cun victualias
- Avair contact cun persunas
- Cussegliar
Scolaziun
Furmaziun pratica en in restaurant, hotel u manaschi da la gastronomia collectiva u da sistem 4 dis per emna
1 di per emna a las scolas professiunalas spezialisadas chantunalas u curs da bloc da 10 emnas per onn en in hotel da scola
En plirs chantuns: 20 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista da restaurant AFQ
Furmaziun cuntinuonta
Curs
Purschidas da l'associaziun Gastrosuisse u Hotel & Gastro formation Svizra
Emprendissadi supplementar
Sco spezialista u spezialist da restaurant AFQ pos ti per regla far in emprendissadi scursanì sco spezialista u spezialist da communicaziun d'hotel AFQ, sco spezialista u spezialist d'hotellaria e d'economia da chasa AFQ, sco spezialista u spezialist da la gastronomia standardisada AFQ ubain sco cuschiniera u cuschinier AFQ.
Examen professiunal (EP)
- Manader / Manadra dal sectur restauraziun EP
- Manader / Manadra dal sectur hotellaria-economia da chasa EP
- Manader / Manadra da gastronomia EP
- Schef / Scheffa da recepziun EP
Examen professiunal superiur (EPS)
- Manader / Manadra da hotellaria e d'economia da chasa EPS
- Manader / Manadra da restauraziun EPS
- Manader / Manadra da la gastronomia collectiva EPS
- Interprendider / Interprendidra da gastronomia EPS
Scola spezialisada superiura (SSS)
- Hotelier gastronom / Hoteliera gastronoma SSS
Scola auta spezialisada (SAS)
- Bachelor of science en international hospitality management
Tut tenor la scola auta spezialisada valan differentas cundiziuns d'admissiun.
Professiuns sumegliantas
