![[object Object],[object Object]](https://media.sdbb.ch/transform/2ea395f7-3a31-4eb0-831a-a8ff0f4413ef/Kaufmann_Kauffrau_SH_001-jpg?io=transform:fill,width:740,height:490)
1. onn d’emprendissadi: CHF 835.–
2. onn d’emprendissadi: CHF 1050.–
3. onn d’emprendissadi: CHF 1520.–
Commerziants e commerziantas AFQ exequeschan lavurs administrativas en manaschis publics e privats. Tut tenor sectur da lur patruns e la sort da lur engaschament varieschan lur incumbensas. Els pon sa fatschentar cun correspundenza dal manaschi, cun la contabilitad (registrar cudeschaziuns, controllar pajaments), cun empustaziuns (prender encunter talas e tschentar quint), cun retschaiver clientella e far lavurs da secretariat.
Incumbensas
- retrair, sortir e reparter posta als collavuraturs correspundents
- trametter spediziuns postalas
- controllar, ordinar ed archivar brevs, datotecas, empustaziuns e rapports
- scannar documents, per als spedir vinavant u administrar els electronicamain
- scriver actas, rapports, protocols u correspundenza cun agid da notizias, registraziuns u dictats che pon er esser en linguatgs esters
- respunder posta, p.ex. dumondas per infurmaziuns, purschidas u plazzas u confermas da l’incumbensa
- controllar quints ed als registrar
- contar imports e tegnair uschè l’administraziun sin il stan actual
- crear documents che stattan en connex cun l’entrada d’ina damonda, p.ex. quints cun la calculaziun da la taglia sin la plivalur e cun ils custs da spediziun, formulars da furniziun u da duana
- examinar regularmain ils contos, quai vul dir da controllar ils imports pajads ed incassads cun agid da mussaments da cudeschaziun e d’ina software administrativa
- trametter avis da pajament ed instradar la procedura d’incassament per quints betg pajads, quai vul dir in’interpresa vegn infurmada sch’insatgi na paja betg ses quint
- administrar il chalender per sesidas e termins
- actualisar datas da banca sco register da clientella, empustaziun e furniturs
- retschaiver clientella u visitaders
- prender encunter telefonats ed elavurar e-mails
- accumpagnar auters emprendists e praticantas
- instruir commerziants AFP
Ambient da lavur
Las lavurs dals commerziants e las commerziantas AFQ varieschan tut tenor grondezza dal manaschi u da la branscha, p. ex. bancas, assicuranzas, transport u administraziun: Els pon lavurar persuls en in pitschen manaschi ed exequir l’entira part administrativa u esser integrads en in grond manaschi e sa fatschentar cun incumbensas specificas. Els lavuran cunzunt al computer e lur temp da lavur è regulars.
Tut tenor branscha elegida ed enconuschientschas da linguas estras pon commerziants e commerziantas AFQ surpigliar differentas incumbensas en lur emprima plazza. Suenter intgins onn experientscha da lavur pon els sa spezialisar en tschertas spartas, p.ex. assicuranzas, banca, cussegliaziun finanziala, marketing, fatgs da persunal, vendita e management da products u turissem. Tut tenor con bain ch’els pon manar in team han els er la pussaivladad da surprender funcziuns da manar persunal. En quella professiun è lavur parziala fitg derasada.
Pretensiuns e interess
- Abilitad da lavurar en in team
- Dun per cifras
- Buna memoria
- Prontezza da lavurar er sin dumonda
- Moda da lavurar sistematica
- Dun per scriver
- Dun per linguas
- Senn per l'ospitalitad
- Lavurar endadens
- Lavurar cun cifras
- Duvrar linguas
- Lavurar en il team
- Cussegliar
Scolaziun
En in manaschi d’emprendissadi ord las suandantas 19 branschas
1-2 dus ad emna en ina scola professiunala
Emprender ed exercitar a moda pratica la basa professiunala, 8-16 dis durant 3 onns
3 onns / 4 onns (SMC)
- Temp da scola obligatoric terminà
- Intgins manaschis u scolas fan in examen d’admissiun
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Avis: emprendists da la branscha da bancas pon absolver la maturitad professiunala en rama dil model da furmaziun focus «KV BM».
Commerziant / Commerzianta AFQ
Furmaziun cuntinuonta
Curs
Purschidas da scolas professiunalas, centers per furmaziun supplementara sco era tar associaziuns professiunalas ed interprofessiunalas
Examen professiunal (EP)
Cun certificat professiunal federal: spezialist / spezialista da finanzas e contabilitad, spezialist / spezialista da marketing, spezialist HR (resursas umanas), assistent / assistenta da direcziun, fiduziari / fiduziaria, assistent / assistenta da direcziun
Examen professiunal superiur (EPS)
Expert diplomà / experta diplomada en facturaziun e controlling, directur diplomà / directura diplomada da marketing, manader diplomà / manadra diplomada resursas umanas (RU/HR), manader diplomà / manadra diplomada da commerzi cun l’exteriur, fiduziari diplomà / fiduziaria diplomada per immobiglias
Scola spezialisada superiura (SSS)
Econom diplomà per fatgs bancars SSS, economa diplomada da manaschi SSS, econom diplomà d’assicuranzas SSS
Scola auta spezialisada (SAS)
Bachelor of Science (SAS) en economia da manaschi u en inschigneria d’economia. Tut tenor scola auta spezialisada valan differentas cundiziuns d’admissiun.
Professiuns sumegliantas
