Assistenta da pratica da medi AFQ
Assistent da pratica da medi AFQ
Correspunda questa professiun a mai?![[object Object],[object Object]](https://media.sdbb.ch/transform/43705746-1aa7-4d93-be7b-e5f2ab162185/mpa_c_v_9160-jpg-jpg?io=transform:fill,width:740,height:490)
1. onn d’emprendissadi: CHF 400–700.–
2. onn d’emprendissadi: CHF 900–1045.–
3. onn d’emprendissadi: CHF 1200–1485.–
Sut la responsabladad da las medias e dals medis exequeschan assistents ed assistentas da pratica da medi en ina pratica da medi incaricas da las quatter suandantas sorts: retscheiver pazients e pazientas e planisar termins, far lavurs administrativas, sustegnair ils medis ed exequir lavurs da labor e radiografia.
Incumbensas
- prender encunter telefonats, elavurar dumondas, sa cussegliar cun las medias, fixar termins
- retschaiver, infurmar, calmar ils pazients ed als preparar per il tractament
- exequir sin incarica dals medis registraziuns da l’activitad dal cor (ECG), mesiraziuns da la pressiun dal sang, injecziuns u autras mesiraziuns
- metter a disposiziun ils materials necessaris per l'examinaziun medicinala
- assister a las medias durant tscherts tractaments u durant pitschnas operaziuns: metter en gip, metter si faschadiras e dar medicaments
- metter à jour las actas dals pazients cun resguardar las mesiras en connex cun la protecziun da datas
- transcriver brevs e rapports dictads dals medis, s'occupar da la facturaziun e da la contabilitad
- preparar recepts che ston vegnir suttascrits da la media
- empustar material necessari per la pratica: material da faschar, medicaments, chemicalias da labor, formulars e recepts
- examinar provas da sang, p.ex. eruir l'enquagliada da sang e la valur da hemoglobin, dumbrar e differenziar cellas da sang alvas e cotschnas
- far maletgs da radiologia dal pèz e da las extremitads
- far analisas clinic-chemicas, p.ex. per eruir il livel dal zutger en il sang u l' carbamid en l'urin, il colesterin ed ils proteins
- sterilisar ils utensils duvrads e garantir ch'ils apparats funcziunian
Ambient da lavur
Assistents ed assistentas da pratica da medi lavuran en praticas da medi, en praticas communablas u en ambulatoris da ospitals. Tut tenor spezialisaziuns da la pratica exequeschan els tut u ina part da las lavurs descrittas. Per tscherts tractaments portan els vestgadira da protecziun: scussal, mascrina e guants che protegian d'infecziuns.
Els han per part uras da lavur irregularas e ston reagir flexiblamain en cas d’urgenza e far sururas.
La glieud da professiun ha bunas vistas sin il martgà da lavur.
Pretensiuns e interess
- Quietezza e calma
- Savair vesair sang
- Empatia
- Curtaschia e sensibilitad
- Discreziun
- Senn per l'ospitalitad
- Senn per igiena e per nettezza
- Moda da lavurar conscienziusa ed exacta
- Gidar e tgirar autras persunas
- Planisar, organisar
- Lavurar en il team
- Avair contact cun persunas
Scolaziun
En ina pratica da medi
A la scola professiunala; 2dis en il 1. onn d’emprendissadi, 1 di en il 2. e 3. onn d’emprendissadi
Emprender ed exercitar a moda pratica la basa professiunala, 38 dis durant 3 onns
L'attestat federal da qualificaziun po er vegnir absolvì sin scolas privatas sin agens custs
3 onns
- Temp da scola obligatoric terminà
- Tscherts manaschis fan in test da qualificaziun
- Bunas prestaziuns en biologia, chemia e fisica
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Assistent / Assistenta da pratica da medi AFQ
Furmaziun cuntinuonta
Curs
Purschidas d’associaziuns professiunalas e da scolas professiunalas
Examen professiunal (EP)
Coordinatura da pratica da medi cun certificat professiunal federal, spezialist per assicuranzas cun certificat professiunal federal u spezialista en instituziuns da sanadad cun certificat professiunal federal
Examen professiunal superiur (EPS)
P.ex. expert diplomà d’assicuranzas, experta diplomada en instituziuns da sanadad
Scola spezialisada superiura (SSS)
P.ex. spezialist da tgira diplomà SSS, spezialista per radiologia, analiticher bio-medicinal diplomà SSS, spezialista d’activaziun diplomada SSS
Scola auta spezialisada (SAS)
P.ex. Bachelor of Science (SAS) en tgira, ergoterapia e fisioterapia. Tut tenor scola auta spezialisada valan differentas cundiziuns d'admissiun.
Professiuns sumegliantas
