![[object Object],[object Object]](https://media.sdbb.ch/transform/df56a4c0-cdeb-4755-9cdc-09b01fae92e8/radiologie_m_b_2230-jpg?io=transform:fill,width:740,height:490)
1. onn d’emprendissadi: CHF 740,95.–
2. onn d’emprendissadi: CHF 987,8.–
3. onn d’emprendissadi: CHF 1255,85.–
Las spezialistas ed ils spezialists da sanadad gidan umans en il mintgadi u durant ina malsogna. Ellas ed els porschan sustegn per sa trair en e sa trair ora, per far la duscha u per mangiar. Las dunnas ed ils umens da professiun organiseschan activitads e termins externs. Ultra da quai dattan ellas ed els medicaments, midan faschadiras ed adatteschan la posiziun da persunas en letg.
Incumbensas
- gidar umans, p.ex. cun far la duscha, cun far bogn u cun sa trair en e sa trair ora, quai cun laschar ad els uschè blera independenza sco pussaivel
- far la barba e far si chavels a persunas
- liquidar differentas lavurs da tegnairchasa, p.ex. far la laschiva, midar la rauba da letg u lavar giu la vaschella
- gidar la glieud tar la consumaziun dals pasts, quai cun resguardar nutriments spezials u dietas
- sustegnair persunas cun la sutga cun rodas u cun il rollatur
- metter en letg persunas malsaunas u adattar la posiziun da pazientas e pazients che ston star en letg
- sustegnair projects da prevenziun, sco campagnas da vaccinaziun
- accumpagnar persunas a la fin da lur vita
- observar la sanadad e surdar las persunas al persunal medical en cas da midadas sco er dar alarm en cas d'urgenza e prestar emprim agid
- mesirar la temperatura, la pressiun dal sang ed il puls
- prender emprovas dal sang e da l'urin e trametter quellas al labor
- preparar medicaments e dar quels tenor l'ordinaziun dal persunal da tgira
- dar squittas
- reglar infusiuns e nutrir artifizialmain pazientas e pazients
- midar faschadiras e tgirar plajas
- applitgar las reglas d'igiena e da segirezza, p.ex. dismetter correctamain il material duvrà u nettegiar e dischinfectar ils instruments
- organisar il mintgadi dals umans e planisar activitads, p.ex. gieus u lavurs a maun
- planisar termins externs, p.ex. per la fisioterapia u per visitas tar la media u il medi, ed accumpagnar ils umans sche necessari
- preparar documents per la recepziun, per la dischlocaziun u per la relaschada d'ina persuna assistida
- controllar ils effectivs d'apparats, da medicaments e da nutriment ed empustar il material necessari
Ambient da lavur
Las spezialistas ed ils spezialists da sanadad collavuran stretgamain cun medias, cun gidanters da tgira e cun autras persunas spezialisadas dal sectur da sanadad. Ellas ed els portan vestgadira da lavur speziala, sco chamischas da tgira u chautschas da tgira. Las dunnas ed ils umens da professiun lavuran er la notg u las fins d'emna.
TLas spezialistas ed ils spezialists da sanadad lavuran en fitg differentas instituziuns da sanadad e dals fatgs socials, per exempel en ospitals, en clinicas psichiatricas, en centers da reabilitaziun, en centers da persunas attempadas e da tgira, en chasas per persunas cun impediments u en il sectur da la Spitex. Il martgà da lavur è fitg bun.
Pretensiuns e interess
- Empatia
- Curtaschia e sensibilitad
- Abilitad da lavurar en in team
- Discreziun
- Prontezza da lavurar durant uras irregularas u servetschs da notg
- Equiliber emoziunal
- Senn per igiena e per nettezza
- Pazienza
- Gidar e tgirar autras persunas
- Avair contact cun persunas
- Lavurar en il team
- Lavurar en moda exacta
- Planisar, organisar
Scolaziun
En ina instituziun da sanadad u dals fatgs socials
1 fin 2 dis per emna en la scola professiunala spezialisada
Emprender, approfundar ed exercitar las basas professiunalas, 34 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista da sanadad AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da federaziuns professiunalas.
Examen professiunal (EP)
Cun attestat professiunal federal, p.ex.:
• Spezialist / Spezialista per tgira da lunga durada ed accumpagnament
• Coordinatur / Coordinatura da pratica medicala
• Cussegliader / Cussegliadra da malsognas respirativas
• Spezialist / Spezialista da diagnostica neurofisiologica
• Massader medical / Massadra medicala
• Sanitari / Sanitaria d'ambulanza
Examen professiunal superiur (EPS)
P.ex. Expert / Experta per analisas biomedicalas e gestiun da labor cun diplom federal u Expert / Experta da citodiagnostica cun diplom federal
Scola spezialisada superiura (SSS)
Studis en roms parentads, p.ex.:
• Tgirunz / Tgirunza dipl. SSS
• Spezialist / Spezialista d'activaziun dipl. SSS
• Igienicher / Igienicra da dents dipl. SSS
• Spezialist / Spezialista da radiologia medicala dipl. SSS
• Spezialist / Spezialista per tecnica d'operaziun dipl. SSS
• Sanitari / Sanitaria da salvament dipl. SSS
• Analiticher biomedical / Analiticra biomedicala dipl. SSS
Scola auta spezialisada (SAS)
Studis en secturs parentads, p.ex. bachelor of science en tgira u en fisioterapia.
Tut tenor la scola auta spezialisada valan differentas cundiziuns d'admissiun.
Professiuns sumegliantas
