Assistent per sanadad e fatgs socials AFP
Assistenta per sanadad e fatgs socials AFP
![[object Object],[object Object]](https://media.sdbb.ch/transform/084618f0-26cd-4037-afb5-97b3ad8765af/BE_22_Assistentin-Gesundheit-und-Soziales_VB-jpg?io=transform:fill,width:740,height:490)
1. onn d’emprendissadi: CHF 740,95.–
2. onn d’emprendissadi: CHF 987,8.–
Sco assistenta u assistent per sanadad e fatgs socials accumpognas e sustegnas ti persunas da tut las vegliadetgnas en il mintgadi. Ti las gidas a sa trair en ed ora, a far l'igiena dal corp sco er a mangiar ed a baiver. Ultra da quai las sustegnas ti tar termins, las gidas en il tegnairchasa e fas cumpras.
Incumbensas
- gidar a sa trair en ed ora
- sustegnair a far l'igiena dal corp, p.ex. a sa lavar u a far la barba
- accumpagnar a la tualetta
- mesirar il pais, la grondezza, la temperatura u il puls
- metter giu e volver persunas che ston star en letg, pia adattar lur posiziun da giaschair
- observar midadas vi dal stadi da sanadad ed infurmar il persunal medicinal
- porscher in mintgadi reglà, p.ex. organisar gieus u occurrenzas
- accumpagnar sin spassegiadas u sin via tar la media u il fisioterapeut
- gidar a mangiar ed a baiver
- accumpagnar persunas a la fin da lur vita
- realisar las instrucziuns dal persunal da tgira
- metter maisa
- scriver glistas da cumpras ed ir a far cumpras
- lavar laschiva, stirar e metter davent
- nettegiar locals
- controllar apparats
- controllar ed empustar suenter il material
- far simplas lavurs da biro
Ambient da lavur
Sco assistenta u assistent per sanadad e fatgs socials lavuras ti en ospitals, chasas da dimora u tar persunas a chasa. Tes temps da lavur èn savens irregulars. Tut tenor il lieu da lavur lavuras ti er durant la notg e las fins d'emna. Tar la tgira ed assistenza a chasa es ti savens sin viadi.
Ti lavuras en chasas da persunas attempadas e da tgira, instituziuns per persunas cun impediments, ospitals, centers da reabilitaziun, clinicas psichiatricas u tar la Spitex. Il sectur da tgira e d'assistenza ha savens mancanza da persunas spezialisadas. En centers da persunas attempadas e da tgira vegns ti tschertgada u tschertgà spezialmain. Ti pos er lavurar en in pensum parzial.
Pretensiuns e interess
- Empatia
- Curtaschia e sensibilitad
- Abilitad da lavurar en in team
- Discreziun
- Equiliber emoziunal
- Senn per igiena e per nettezza
- Prontezza da lavurar durant uras irregularas u servetschs da notg
- Pazienza
- Gidar e tgirar autras persunas
- Avair contact cun persunas
- Lavurar en il team
- Lavurar en moda exacta
Scolaziun
La scolaziun vegn fatga sco emprendissadi en in manaschi.
furmaziun pratica en ina instituziun da sanadad u dals fatgs socials: 4 dis per emna
1 di per emna en las scolas professiunalas spezialisadas chantunalas
en plirs chantuns: 24 dis durant 2 onns
2 onns
terminà la scola obligatorica
Assistent / Assistenta per sanadad e fatgs socials AFP
Furmaziun cuntinuonta
Emprendissadi supplementar
Sco assistenta u assistent per sanadad e fatgs socials pos ti per regla far in emprendissadi scursanì sco Spezialist / Spezialista da sanadad AFQ u sco Spezialist / Spezialista d'assistenza AFQ.
Eveniments
Professiuns sumegliantas
