![[object Object],[object Object]](https://media.sdbb.ch/transform/1b5ec47d-702e-4607-92b0-7101aca8b367/11_Bootbauer_IK-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
4. onn d’emprendissadi: CHF 1500.–
Construiders e construidras da bartgas bajegian differentas bartgas ord lain, metal u material sintetic. Els als reparan, renoveschan e mantegnan. Quai pon esser bartgas a motor, a vela u da remblar. Las persunas da professiun èn involvidas dad A fin Z cun la construcziun: examinar plans e skizzas, eleger ed elavurar material, montar indrizs da navigaziun ed endrizzar spazis interiurs.
Incumbensas
- leger ed interpretar plans e skizzas
- eleger material per la singula tocca da la bartga
- crear e duvrar furmas u schablonas da bists ord lain u ord rascha artifiziala
- fabritgar bists da bartgas: resgiar e splanar lain, storscher e rebatter il metal u furmar e glimar materia sintetica
- rinforzar ils bists, per ch’els sajan stabils e resistents a l’aua
- pulir, glimar, nettegiar, colurar e dar si lac a las surfatschas – uschè vegn la bartga embellida e fatga resistenta a las auras
- tschertgar u producir sez mobiglias per la decoraziun interiura: p.ex. sezs, letgs, cabinas u elements da cuschina
- montar e colliar indrizs electrics cun cabels
- montar bischens, lingias, pumpas e tancs per ils indrizs sanitars
- montar il motor ed il pilotadi
- montar indrizs da func, sistem da navigaziun ed auters accessoris sco vela, masts e l’ancra
- controllar la tocca da las bartgas e remplazzar parts defectas
- nettegiar las bartgas, pumpar giu l’aua e las reparar
- auzar las bartgas cun agid da cranas e crics da sugas ord l’aua
- reparar ils donns da las bartgas suenter ina collisiun
- prender mesiras e far skizzas da la tocca da reserva sche necessari
- producir e montar tocca da reserva
- far las adattaziuns tenor las novas normas, p.ex. far pli aut la part davos u midar las glischs
- sgarar e glimar davent colur veglia
- dar si da nov las surfatschas
- garantir in deposit professiunal durant l’enviern
Ambient da lavur
Construiders e construidras da bartgas lavuran en chantiers en Svizra ed en l’exteriur. Els lavuran en teams pitschens en lavuratoris serrads u mez averts. Las bleras lavurs exequeschan els dentant en il liber. La lavur pretenda blera forza ed energia. Las persunas spezialisadas lavuran cun architectas, mecanists, maister-navigaturs e tgiraders da bartgas Durant la stagiun da bartgas è la capacitad da lavur pli auta, perquai che las persunas da professiun porschan servetschs d’agid en cas da pannas la fin da l’emna e durant firads.
Suenter intgins onns experientscha da lavur pon construiders e construidras da bartgas daventar schefs dal lavuratori u iniziar in’atgna fatschenta. Els pon er lavurar sco cussegliaders da clientella, en la vendita da bartgas ed accessoris u sco expertas tar la controlla da bartgas.
Pretensiuns e interess
- Inschign manual
- Imaginaziun tridimensiunala
- Talent da dissegnar
- Chapientscha tecnica
- Moda da lavurar conscienziusa ed exacta
- Resistenza corporala
- Resistenza a la temperatura u a l'aura
- Abilitad da lavurar en in team
- Lavurar cun ils mauns
- Elavurar lain
- Schliar incumbensas tecnicas
- Planisar, construir, far dissegn tecnic
- Esser corporalmain activ
Scolaziun
En chantiers
1 di per emna a la scola professiunala a Zofingen, Morges u Bellinzona
20 dis durant 4 onns, reparti sin 3 curs
4 onns
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Construider / Construidra da bartgas AFQ
Tar la scolaziun da basa tutga er l’acquist dal permiss d’ir cun bartga categoria A (bartgas a motor) e categoria D (navs a vela). Il manaschi da scolaziun surpiglia ils custs per mintgamai 10 lecziuns per l’instrucziun pratica.
Furmaziun cuntinuonta
Curs
purschidas da l’Associaziun svizra dals constructurs da bartgas tar divers temas sco electrotecnica, construcziun, cussegliaziun da clientella e vendita etc.
Furmaziun da basa scursanida
Survegliader da bartgas AFQ en 2 onns
Examen professiunal superiur (EPS)
maister constructur da bartgas / maistra constructura da bartgas
A l’exteriur
Studis a scolas autas spezialisadas en la Germania u Engalterra:
Bachelor of Engeneering en la construcziun da bartgas e tecnica da da mar, Bremen e Kiel, Germania
Bachelor of Science in Navigation and Maritime Science, Plymouth, Engalterra
Bachelor of Eneneering in Yacht and Powercraft Design, Southampton, Engalterra
Bachelor of Engeneerin in Ship Science, Southampton, Engalterra
Professiuns sumegliantas
