Survegliadra da bartgas AFQ
Survegliader da bartgas AFQ
Correspunda questa professiun a mai?![[object Object],[object Object]](https://media.sdbb.ch/transform/9e0c2391-3c0a-4696-8e22-05c4b38c4263/Agent-bateau-NC-031-jpg-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
4. onn d’emprendissadi: CHF 1500.–
Survegliaders e survegliadras da bartgas tgiran differentas sorts da bartgas a motor, bartgas da remblar ed a vela. Els mantegnan ils motors, ils indrizs sanitars sco er l’equipament interiur ed exteriur e fan reparaturas. Plinavant s’occupan els dal deposit professiunal durant l’enviern.
Incumbensas
- manevrar las bartgas cun agid dad indrizs d’auzar e transport sco tractors, tschaghegnas u plunaders en il lavuratori (l’uschenumnà plazzal naval)
- controllar las differentas parts da la bartga, p.ex. il bist, la carena, la pala e la battaria
- controllar ils motors tenor las instrucziuns, als giustar e nettegiar
- mantegnair ils indrizs electrics e sanitars e remplazzar parts defectas
- montar e giustar l’apparatura nautica (arber, vela e sugas) da la bartga a vela
- preparar las bartgas per la controlla uffiziala e procurar che tut correspundia a las perscripziuns legas per obtegnair la licenza
- resguardar las perscripziuns per la protecziun da l’ambient ed evitar la polluziun da l’aua
- prender mesiras e far skizzas da las parts da las bartgas
- fabritgar tocca da reserva cun guaffens u maschinas ord differents materials sco lain u materia sintetica u far reparaturas
- far simplas reparaturas ord lain, poliester u materials cumponids (consistind ord differents materials) vid la bartga
- dar si vernisch da protecziun sin las surfatschas, per ch’ellas sajan protegidas da l’umiditad, dal sulegl e da la schelira
- montar elements sco chazzolas, lampas, stgaudaments u ventilaziuns
- montar apparaturas da funk e communicaziun ed auters instruments da bartga
Ambient da lavur
Survegliaders e survegliadras da bartgas lavuran en teams pitschens en lavuratoris serrads u mez averts. Las bleras lavurs exequeschan els dentant en il liber. Durant la stagiun da bartgas è la capacitad da lavur pli auta, perquai che las persunas da professiun porschan servetschs d’agid en cas da pannas la fin da l’emna e durant firads.
Survegliaders e survegliadras da bartgas lavuran en manaschis pitschens u mesauns. Er la polizia maritima e las autoritads da duana engaschan construiders da bartgas. Ulteriuras lavurs èn: scolast d’ir cun bartga a motor u a vela u en la branscha da la vendita da bartgas ed accessoris u ina funcziun sco expert dal donn tar ina assicuranza.
Pretensiuns e interess
- Inschign manual
- Imaginaziun tridimensiunala
- Moda da lavurar conscienziusa ed exacta
- Chapientscha tecnica
- Resistenza corporala
- Resistenza a la temperatura u a l'aura
- Gronda toleranza da canera
- Abilitad da lavurar en in team
- Lavurar cun ils mauns
- Elavurar lain
- Schliar incumbensas tecnicas
- Esser corporalmain activ
Scolaziun
En chantiers
1 di per emna a la scola professiunala a Zofingen, Morges u Bellinzona
19 dis durant 4 onns, repartì sin 3 curs
4 onns
Scola populara terminada.
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Survegliader / Survegliadra da bartgas AFQ
Tar la scolaziun da basa tutga er l’acquist dal permiss d’ir cun bartga categoria A (bartgas a motor) e categoria D (navs a vela). Il manaschi da scolaziun surpiglia ils custs per mintgamai 10 lecziuns per l’instrucziun pratica.
Furmaziun cuntinuonta
Curs
purschidas da l’Associaziun svizra dals constructurs da bartgas tar divers temas sco electrotecnica, cussegliaziun da clientella e vendita etc.
Furmaziun da basa scursanida
Constructur da bartgas AFQ en 2 onns
A l’exteriur
Bachelor of Engeneering en la construcziun da bartgas e tecnica da da mar, Bremen e Kiel, Germania
A l’exteriur
cun scolaziun correspundenta vegnan purschids studis da las scolas autas spezialisadas en la Germania ed en l’Engalterra, p.ex. studi da Bachelor en construcziun da bartgas u tecnica da mar a las scolas autas spezialisadas da Bremen e da Kiel
Bachelor of Science in Navigation and Maritime Science, Plymouth, Engalterra
Bachelor of Eneneering in Yacht and Powercraft Design, Southampton, Engalterra
Bachelor of Engeneerin in Ship Science, Southampton, Engalterra
Professiuns sumegliantas
