Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Planisader / Planisadra d’indrizs da schelentar AFQ

Planisadras e planisaders d’indrizs da schelentar planiseschan e calculeschan indrizs da schelentar. Els dissegnan schemas e plans, surveglian la montascha e sustegnan la messa en funcziun dals indrizs.

Lavurs

Planisadras e planisaders d’indrizs da schelentar planiseschan, calculeschan e controlleschan l’installaziun da sistems frigotecnics. Els procuran cun indrizs da sfradentar ed indrizs d’aria cundiziunada sco pumpas a chalur per magasins bain sfradentads ed abitaziuns, biros, affars, restaurants, ospitals bain climatisads sco era per sfradentaments che funcziunan en manaschis industrials, instituts da perscrutaziun u patineras artifizialas.

Tar la construcziun nova u la renovaziun d’edifizis sclereschan planisaders d’indrizs da schelentar l’emprim tge pretensiuns che l’indriz planisà sto ademplir. Communablamain cun ils architects, ils inschigners ed ils patruns da construcziun projecteschan els indrizs da schelentar che correspundan als giavischs da la clientella e che resguarda las cundiziuns architectonicas. Els resguardan las prescripziuns legalas, p.ex. en connex cun il mantegniment da l’aria pura, cun la protecziun da las auas u cun la separaziun dals ruments.

Avant ch'installar l'indriz calculeschan planisaders d’indrizs da schelentar tut las datas e tut ils detagls necessaris. Els determineschan la grondezza ed ils custs da l’indriz da schelentar, il basegn da fradaglia e chalur, la fermezza da l'isolaziun, cumponentas sco era las prestaziuns dals bischens. Per fabritgar e montar ils indrizs fan els schemas da schelentar e schemas d’electricitad e dissegnan las indicaziuns exactas en il plan. Ils plans da project, da realisaziun e da detagl fan els u cun il computer (CAD) u a maun.

Planisaders d’indrizs da schelentar lavuran savens en il lavuratori u sin plazzals, nua ch’els discurran cun il persunal da montascha, ils architects u ils patruns da construcziun davart ils detagls. Per che las lavurs da montascha giajan senza difficultads, fan els sper ils plans era glistas da material, empostan il material tar las firmas da furniziun e surveglian ils custs ed ils termins. En il mintgadi da lavur protegian els plinavant lur atgna segirezza e sanadad.

Els sustegnan la messa en furniziun d'indrizs installads e controlleschan, schebain tut funcziuna. Per ch’ils indrizs vegnian duvrads a moda segira, scrivan els instrucziuns ed instrueschan il persunal.

Scolaziun

Basa legala

Ordinaziun federala 4-11-2011

Durada

4 onns

Accents

  • sistems da schelentar per manaschis
  • sistems da schelentar industrials
  • sistems da pumpa a chalur
  • indrizs da climatisar

Furmaziun en la pratica

En in manaschi da la tecnica da schelentar u en in biro d’inschigners per tecnica da schelentar / tecnica d’edifizis; 2 enfin 3 mais praticum en in magasin, in lavuratori u sin in plazzal

Furmaziun en scola

1 di l'emna a la scola professiunala

Roms professiunals

  • planisar sistems da schelentar
  • garantir la segirezza da la lavur
  • la protecziun da la sanadad
  • la protecziun da l’ambient
  • il mantegniment da la valur e la tgira

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "planisader / planisadra d’indrizs da schelentar AFQ"

Premissas

Furmaziun preliminara
  • scola populara terminada
  • bunas prestaziuns en geometria, matematica e fisica
Pretensiuns
  • plaschair dal dissegn tecnic, dal dissegn a maun e dal dissegn al computer
  • interess da process fisicals
  • sentiment per detagls tecnics
  • enclegientscha per connexs abstracts
  • abilitad da s’imaginar chaussas en il spazi
  • moda da lavurar exacta e conscienziusa
  • pazienza e perseveranza
  • abilitad d’organisar
  • autonomia
  • fidadadad e senn per responsabladad, p.ex. en connex cun privels per l’ambient
  • plaschair dal contact ed abilitad da communitgar, p.ex. plaschair da la lavur en il team e dun da tractar

Furmaziun supplementara

Curs

purschidas da l'Uniun svizra per la frigotecnica SVK e da scolas professiunalas

Furmaziun da basa scursanida

En il champ da lavur "planisaziun da tecnica d’edifizis": planisader / planisadra da tecnica d’edifizis da stgaudaments AFQ, planisader / planisadra da tecnica d’edifizis da ventilaziuns AFQ, planisader / planisadra da tecnica d’edifizis sanitars AFQ.

En il sectur montascha: montader / montadra d’indrizs da schelentar AFQ.

Examen professiunal (EP)

chefmontader / schefmontadra d’indrizs da schelentar cun certificat professiunal federal, manader / manadra da project tecnica d’edifizis cun certificat professiunal federal, cussegliader energetic / cussegliadra energetica edifizis cun certificat professiunal federal

Scola spezialisada superiura (SSS)

p.ex. tecnicist diplomà / tecnicista diplomada SSS en tecnica d’edifizis

Scola auta spezialisada (SAS)

p.ex. Bachelor of Science (SAS) en tecnica d’edifizis

Cundiziuns da lavur

Planisaders d’indrizs da schelentar lavuran en manaschis per indrizs da schelentar u en biros d’inschigneria da la tecnica d’indrizs da schelentar u d’edifizis. Plazzas d’emprendissadi èn stgarsas. Per onn vegnan scolads en Svizra mo tschintg fin diesch emprendists. Spezialists qualifitgads èn tschertgads sin il martgà da lavur e chattan per il solit ina plazza. En la tecnica d’edifizis e d’indrizs da schelentar vegnan adina puspè introducids novs materials, novs sistems e novas prescripziuns, p.ex. en connex cun la minergia. Quai pretenda ina furmaziun supplementara regulara.

Ulteriuras infurmaziuns

Uniun svizra per la frigotecnica SVK
Secretariat
Eichistr. 1
6055 Alpnach Dorf
Tel: 041 670 30 45
URL: www.svk.ch

Revistas professiunalas:
"HK-Gebäudetechnik"
"Friscaldo"



berufsberatung.ch