Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Polidesigner / Polidesignra 3D AFQ

Polidesignras e polidesigners 3D èn spezialists per creaziuns tridimensiunalas. Tenor ils giavischs da la clientella sviluppan els ideas creativas per stanzas da vendita e d'occurrenzas sco era per exposiziuns e messas e planiseschan e realiseschan projects.

Lavurs

Polidesignras e polidesigners 3D procuran cun lur savida che products e servetschs paran uschè avantagius sco pussaivel. Cun differentas tecnicas creativas e cun in bun senn per furmas e colurs creeschan els vitrinas, stanzas da vendita e d'occurrenzas, stans da messa e fatschadas. En lur lavur creativa ston els resguardar premissas spazialas, tecnicas, economicas ed ecologicas.

En questa professiun differenziesch'ins tranter las trais direcziuns creaziun, realisaziun e stil. Polidesigners 3D da la direcziun creaziun s'occupan oravant tut cun il svilup d'ideas e concepts. Cun agid da programs da creaziun visualiseschan els lur ideas e creeschan plans. Cun in bun dun communicativ preschentan els l'idea dal concept a l'incumbensader, surpiglian ses giavischs da midada ed als realiseschan. Els fan skizzas, plans, fotomontaschas, models e prototips e furneschan las datas digitalas necessarias.

Elavurar plans e visualisaziuns al computer tutgan era tar las incumbensas dals polidesigners 3D da la direcziun realisaziun. Lavurs manualas na stattan dentant betg en il center da lur professiun. Per elavurar elements da creaziun lavuran els cun materials sco textilias, laina, material sintetic, etc. e dovran differents guaffens. Els planiseschan ils pass da lavur, procuran per il material necessari e creeschan prototips tenor basegn. Era la montascha, demontascha ed utilisaziun adattada a l'ambient dals elements creativs tutgan tar lur lavurs.

Polidesigners 3D da la direcziun stil lavuran oravant tut en negozis gronds e negozis da moda. Là èn els responsabels per ina visualisaziun che duai promover la vendita. Ils products e servetschs vegnan preschentads cun in senn per trends e franchezza da stil. Polidesigners 3D da la direcziun stil èn fermamain orientads a la clientella. Latiers resguardan els las prescripziun da tschertas marcas u da l'atgna partiziun da marketing. Polidesigners 3 D da la direcziun stil lavuran darar er en museums, nua ch'els insceneschan ils exponats confurm als basegns da las medias.

Scolaziun

Basa legala

Ordinaziun federala 13-8-2009

Durada

4 onns

Accents

  • creaziun
  • realisaziun
  • stil

Furmaziun en la pratica

En agenturas 3D, ateliers, gronds negozis, fatschentas spezialisadas e firmas che construeschan stans

Furmaziun en scola

1½ dis l'emna a la scola professiunala

Roms professiunals

  • creaziun e planisaziun
  • realisaziun e finiziun
  • segirtad da lavur
  • protecziun da la sanadad, da l'ambient e d'incendis
  • Curs ordaifer il manaschi

    Davart differents temas

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Furmaziun en scola a temp cumplain

    Scolaziun da 4 onns (incl. praticum) a las scolas professiunalas a Vevey, Genevra e Lugano.

    Diplom

    Attestat federal da qualificaziun "polidesigner / polidesignra 3D AFQ"

Premissas

Furmaziun preliminara
  • scola populara terminada
  • bunas prestaziuns en dissegn
  • bunas prestaziuns en tudestg
Pretensiuns
  • inschign manual
  • dun per dissegnar e crear
  • fitg buna imaginaziun dal spazi
  • bun dun da s'exprimer en scrit
  • sentiment per colurs e furmas
  • creativitad, fantasia e dun d'improvisar
  • movibladad corporala
  • plaschair da lavurar en in team
  • attent als trends

Furmaziun supplementara

Curs

purschidas da scolas d'art applitgà, purschidas da la Swiss Association Polydesign 3D e da scolas spezialisadas en Germania

Examen professiunal (EP)

p.ex. colurist / colurista cun certificat professiunal federal u creader / creadra en l'artisanat cun certificat professiunal federal

Examen professiunal superiur (EPS)

p.ex. directur diplomà / directura diplomada da marketing

Scola spezialisada superiura (SSS)

p.ex. creader / creadra dipl. SSS da design da communicaziun cun approfundaziun Visual Merchandising Design u tecnicist / tecnicista dipl. SSS planisaziun da construcziun cun approfundaziun coluraziun d'architectura

Scola auta spezialisada (SAS)

studis en champs spezials parentads, p.ex. Bachelor of Arts (SAS) en architectura d'interiurs, en communicaziun visuala u en design industrial

Cundiziuns da lavur

Ina plazza da lavur chattan polidesigners 3D en agenturas creativas, ateliers, gronds negozis, fatschentas spezialisadas ed interpresas che construeschan stans. Las uras da lavur correspundan en general a las uras d'avertura dal negozi. Tut tenor lieu da lavur ston ils polidesigners 3D era lavurar la saira e durant las fins d'emna, p.ex. per construir stans.

Per motivs da squitsch da termins ston els savens lavurar a temp irregular. Las dumondas da plazzas d'emprendissadi surpassan lunschora la purschida. Per chattar ina plazza d'emprendissadi ston ins pia s'engaschar correspundentamain.

Ulteriuras infurmaziuns

Swiss Association Polydesign 3D
8000 Turitg
Tel: 044 261 51 14
URL: www.polydesign3d.ch

GDK Scola d'art applitgà Turitg
8045 Turitg
Tel: 044 450 34 84
URL: www.gdk-gestaltungsschule.ch




berufsberatung.ch