?global_aria_skip_link_title?

Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Construider / Construidra da clavazins AFQ

Construiders e construidras da clavazins fabritgeschan e reparan parts da clavazins e da clavazins a cua. Els mantegnan e reguleschan tals, elimineschan disturbis e mancanzas. Els monteschan accessoris, intuneschan ils instruments e cusseglian clientas e clients.

Lavurs

Els exequeschan suandantas lavurs:

Cussegliar la clientella
  • cussegliar la clientella, p.ex. davart la cumpra d'in instrument nov u davart la reparatura d'in instrument existent
  • infurmar en cas d'ina reparatura davart ils pass da lavur ch'i dovra e far ina offerta
  • planisar la procedura e la durada da las lavurs da reparatura
  • empustar tocs da reserva, tocs supplementars u guaffens
Reparar clavazins
  • prender dapart l'instrument e controllar ils singuls tocs
  • remplazzar u reparar differents tocs, p. ex. il chau dal martè, pedals, surdinas, fieuters u tastas
  • allontanar e remplazzar cordas ruttas
  • reparar il fund da resonanza
  • nettegiar e pulir las tastas
Mantegnair ed accordar il clavazin
  • eruir ils donns ed ils disturbis dal clavazin
  • regular singuls tocs dal clavazin, p.ex. la mecanica u la claviatura
  • accordar il clavazin cun strenscher las cordas
  • far la controlla finala e controllar latiers las caracteristicas funcziunalas e las caracteristicas dal tun da l'instrument

Scolaziun

Basa legala

Ordinaziun federala dals 9-10-2019

Durada

4 onns

Furmaziun en la pratica

En in atelier u in affar spezialisà per la construcziun d'instruments

Furmaziun en scola

Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)

Roms professiunals

  • realisar incumbensas
  • construir e reparar clavazins e clavazins a cua
  • mantegnair,regular ed intunar clavazins e clavazins a cua
  • preparar ils instruments fin ch'els èn pronts per vegnir sunads

Curs ordaifer il manaschi

Emprender ed exercitar en la pratica las basas professiunalas (curs da bloc al BBZA)

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "Construider / construidra da clavazins AFQ"

Premissas

Furmaziun preliminara
  • temp da scola obligatoric terminà
  • instrucziun da sunar clavazin u in auter instrument è d'avantatg
Pretensiuns
  • inschign manual
  • imaginaziun dal spazi
  • bun egl / buna mesira
  • talent da dissegnar
  • sentiment estetic
  • mauns ruassaivels, expressiva motorica fina
  • moda da lavurar conscienziusa
  • musicalitad, udida musicala
  • buna demananza
  • pazienza e perseveranza

Furmaziun supplementara

Curs

purschidas da scolas professiunalas e d'associaziuns professiunalas, p.ex. da la Cuminanza d'interess per construiders d'instruments da musica IGMIB

Scola spezialisada superiura (SSS)

Studis en direcziuns spezialas parentadas, p.ex. creader diplomà/creadra diplomada design da products (SSS)

Scola auta spezialisada (SAS)

Studis en direcziuns spezialas parentadas, p.ex. Bachelor of Arts (SAP) design industrial e da products.
Tut tenor scola auta spezialisada valan differentas cundiziuns d'admissiun.

Cundiziuns da lavur

Construiders da clavazins AFQ lavuran en lavuratoris, ateliers ed affars spezialisads. Il martgà da lavur en Svizra è pitschen, ma la dumonda da spezialists talentads è stabila. Dals var 250 construiders da clavazin scoleschan circa 20 manaschis emprendists. Construids vegnan clavazins mo pli en il lavuratori per la construcziun da clavazins al BBZ Arenenberg.

Ulteriuras infurmaziuns

Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: 031 313 20 00
URL: www.musikinstrumentenbauer.ch




berufsberatung.ch