Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Tecnolog / Tecnologa da textilias AFQ

Tecnologs e tecnologas da textilias s’occupeschan cun il design, il svilup, l’elavuraziun, la nobilisaziun e la controlla da fibras e products textils. Els utiliseschan indrizs e surveglian process. Tut tenor la direcziun speziala sa differenzieschan ils champs e lieus da lavur.

Lavurs

Tecnologs e tecnologas da textilias sin il sectur spezial da l’elavuraziun lavuran en manaschis da producziun da l’industria da textilias. Là sa participeschan els a la fabricaziun ed elavuraziun da fibras, fils e diversas tailas. Els endrizzan las maschinas da producziun, las manevreschan, elimineschan disturbis e controlleschan la qualitad dals products.

En la direcziun speziala da la nobilisaziun colureschan tecnologs da textilias las textilias ed optimeschan las funcziuns dal purtar e tgirar vestgadira. Els fan diever da chemicalias per sblatgir, colurar, stampar, appretar e surtrair ils products. Durant la producziun surveglian els las maschinas dirigidas dal computer. En il labor examineschan els t.a. las caracteristicas da las textilias, las substanzas colurantas e las chemicalias.

Tecnologs da textilias spezialisads en il design èn occupads en las secziuns creativas da tessarias, manaschis da lavurs da stgaina e stamparias da textilias. Cun in senn per trends, furmas e colurs skizzeschan els l’emprim a maun e creeschan finalmain designs per differentas textilias cun agid da programs da computer da CAD. Durant lur lavur creativa resguardan els era las cundiziuns tecnicas da la producziun.

Sin il sectur spezial da la tecnica da sugas e d’auzar fabritgeschan tecnologs da textilias sugas natiralas e sugas da fibra sintetica sco era sugas da fildarom e las confecziuneschan per part. Lur products vegnan utilisads en differents secturs, per exempel en l’industria da construcziun, en l’agricultura, en l’economia forestala, en l’industria da maschinas, en la medischina sco era en la construcziun da pendicularas, en il secturs da traffic e transport etc.

Tecnologs da textilias spezialisads en mecatronica èn responsabels per las maschinas en l’interpresa da textilias. Els surveglian e mantegnan las maschinas ed ils indrizs. Els exequeschan lavurs da lavuratori sco furar, glimar, volver u buglir. Cun lur savida en la mecanica e l’electrotecnica èn els capavels da substituir e reparar tocca singula e gruppas da construcziun.

Scolaziun

Basa legala

Ordinaziun federala 6-12-2006 cun midadas ils 14-11-2011

Durada

3 onns

Direcziuns

  • elavuraziun
  • nobilisaziun
  • design
  • tecnica da sugas e d’auzar
  • mecatronica

Furmaziun en la pratica

En in manaschi da l’industria da textilias

Furmaziun en scola

A la scola professiunala durant 1-2 dis per emna

Roms professiunals

  • enconuschientschas da products e materials
  • process
  • controlla, analisa
  • segirezza da la lavur, protecziun da la sanadad e da l’ambient
  • economia ed organisaziun dal manaschi
  • preparaziun da la lavur
  • meds da lavurar e meds auxiliars
  • segunda lingua
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "tecnolog / tecnologa da textilias AFQ"

Premissas

Furmaziun preliminara
  • scola populara terminada
Pretensiuns
  • inschign manual
  • enclegientscha tecnica
  • senn per furmas e colurs
  • creativitad
  • abilitad da communitgar
  • moda da lavurar exacta
  • pazienza e perseveranza

Furmaziun supplementara

Curs

purschidas da scolas spezialisadas e scolas professiunalas, principalmain da la Schweiz. Textilfachschule STF a Son Gagl, Wattwil e Turitg

Examen professiunal (EP)

cun certificat professiunal: spezialist / spezialista da process, spezialist / spezialista da producziun, spezialist / spezialista da fashion, colurist / colurista

Examen professiunal superiur (EPS)

cun diplom federal: maister / maistra da textilias, maister / maistra d’industria, designer / designra da fashion

Scola spezialisada superiura (SSS)

p.ex. tecnicist / tecnicista textil SSS, interprendider / interprendidra da textilias SAS, concepider / concepidra SSS design da products

Scola auta spezialisada (SAS)

Direcziuns da studis en champs spezials parentads, p.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas

Direcziuns da studis a la STF (titel entras la University of West London): Bachelor (Hons) en Textile Business Management, Bachelor (Hons) en Fashion Design & Technology

Cundiziuns da lavur

Tecnologs da textilias chattan ina buna purschida da plazzas en l’industria da textilias e da vestgadira ed èn experts tschertgads.

Ulteriuras infurmaziuns

Swiss Textiles Textilverband Schweiz
Beethovenstr. 20
Postfach
8022 Zürich
Tel: 044 289 79 79
URL: www.textilberufe.ch

Schweiz. Textilfachschule STF
Hallwylstr. 71
8004 Zürich
Tel: 044 360 41 51
URL: www.stf.ch




berufsberatung.ch