![[object Object],[object Object]](https://media.sdbb.ch/transform/8c9d7b23-4481-4b65-bea0-86d18f4b9548/04_Bekleidunggestalter_VB-jpg?io=transform:fill,width:740,height:490)
1. onn d’emprendissadi: CHF 350–450.–
2. onn d’emprendissadi: CHF 400–600.–
3. onn d’emprendissadi: CHF 650–800.–
Creaders e creadras da vestgadira lavuran en ateliers da cusunzs e da moda e creeschan vestgids individuals. Els adempleschan giavischs da la clientella u creeschan agens models. Els dissegnan models da tagl, elegian material e tecnica d’elavuraziun e cusan ensemen tocs da taila.
Incumbensas
- far bainvegni a la clientella, prender encunter giavischs da clientella e la cussegliar
- far ina skizza dal toc da vestgadira, p.ex. rassas, blusas, chautschas, vestgids, mantels, chapels e chapitschas, unifurmas, scussals e vestgadira da protecziun (tut tenor accent)
- resguardar las proporziuns da corp, il stil persunal ed il budget da la clienta u dal client durant crear il model
- prender las mesiras dal client u da la clienta per il model da tagl
- transponer il model da tagl sin la taila ed al tagliar tiers cun resguardar las parts dal tagl e la direcziun dal fil
- rinforzar las parts tagliadas cun vlieselina e las cuser ensemen cun la maschina da cuser, detagls vegnan cusids a maun sche necessari
- controllar la lavur da cuser cuntinuadamain
- far ora cun il fier il vestgì ed al strair en la dretga furma
- valitar las cusadiras, la simmetria e l’impressiun generala dal vestgì tar la controlla finala
Ambient da lavur
Creaders da vestgadira lavuran en in team en ils ateliers da la direcziun speziala elegida. Incumbensas ch’èn liadas vi da termins pretendan ina moda da lavur speditiva e flexibilitad temporala.
La professiun porscha pussaivladads multifaras per la furmaziun supplementara en la branscha da moda, design e textilias cun bunas schanzas da promoziun.
Pretensiuns e interess
- Creativitad
- Inschign manual
- Imaginaziun tridimensiunala
- Senn per estetica
- Dun per cifras
- Moda da lavurar conscienziusa ed exacta
- Plaschair da vender e da cussegliar
- Dissegnar, decorar, crear
- Cussegliar
- Lavurar cun taila, tgirom e palpiri
Scolaziun
En in manaschi da la moda u da la branscha da textilias
1 di per emna a la scola professiunala
Emprender ed exercitar a moda pratica la basa professiunala
L'atelier d'emprendissadi da couture a Siders/VS porscha ina scolaziun a temp cumplain
3 onns
- Vestgadira da dunnas
- Vestgadira d’umens
- Vestgadira da pel
- Chapitschas e chapels
- Vestgadira per la professiun e vestgadira da protecziun
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Creader / Creadra da vestgadira AFQ
Furmaziun cuntinuonta
Curs
Purschidas da la Schweiz. Textilfachschule STF e dal Schweiz. Modegewerbeverband SMGV
Examen professiunal (EP)
Creatur / creatura da vestgadira cun certificat federal, spezialist / spezialista fashion cun certificat federal
Examen professiunal superiur (EPS)
Creatur / creatura dipl. da vestgadira, designer / designra dipl. fashion
Scola spezialisada superiura (SSS)
Creatur / creatura dipl. SSS design da products (approfundaziun design da moda), interprendider / interprendidra dipl. SSS textil, tecnicher / tecnicra dipl. SSS textil
Scola auta spezialisada (SAS)
Studis en champs spezials parentads, p.ex. Bachelor of Arts (SAS) da product ed industria u Bachelor/Master of Arts (SAS) da conservaziun e restauraziun. Tut tenor scola auta spezialisada valan differentas cundiziuns d'admissiun.
Professiuns sumegliantas
