Creader da textilias interiuras AFQ
Creadra da textilias interiuras AFQ
Correspunda questa professiun a mai?![[object Object],[object Object]](https://media.sdbb.ch/transform/1aef93b4-7e66-4a7e-a19a-8294b9067fdc/wohntextilgestlterin_s_l_5778-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 850.–
3. onn d’emprendissadi: CHF 1100.–
Creadras e creaders da textilias interiuras AFQ cusseglian la clientella davart indrizs interns. Ellas ed els elavuran textilias, davent dal tagliar or la taila fin al product finì. Uschia fan ellas ed els sumbrivals, surtratgas da pulstrads e da plimatschs ed er auters accessoris d'abitar.
Incumbensas
- cussegliar la clientella, p.ex. davart colurs adattadas per ina stiva u davart tailas ch'ins po lavar bain
- prender mesiras, p.ex. l'autezza e la ladezza d'ina fanestra u d'ina surfatscha da seser e d'ina spunda d'ina pultruna
- calcular ed empustar il material necessari
- scriver offertas e definir, fin cura che las empustaziuns èn prontas
- far skizzas e dissegns
- tagliar ora tailas a maun u cun la maschina
- emplenir u stuppar tailas, p.ex. plimatschs cun plimas u pulstrads da canapé cun gumma-stgima
- cuser differents geners da sumbrivals, per exempel sumbrivals gross per la stanza da durmir u sumbrivals levs per cuschinas
- far ornaments vi da mobiglias, sumbrivals u plimatschs, p.ex. borduras, rischas u cordellas
- fixar crutschs u rintgs vi da sumbrivals
- stirar, faudar e preparar per la spediziun ils objects finids
- nettegiar e mantegnair maschinas da cuser ed utensils, p.ex. dar ieli a maschinas da cuser u gizzar forschs
- controllar e garantir il magasin, uschia ch'igl è avant maun avunda material da reserva
- elavurar e garantir ils giavischs da la clientella, uschia che tala è cuntenta, p.ex. curreger la furma da tailas u offrir products substitutivs
Ambient da lavur
Creadras e creaders da textilias interiuras AFQ lavuran en ateliers. Savens taglian ellas ed els ora tailas en pe. La glieud da professiun collavura savens cun equipadras u equipaders da locals. Ils temps da lavur èn regulars.
Creadras e creaders da textilias interiuras AFQ lavuran per il pli en manaschis da decoraziuns internas. Pussaivels patruns èn er gronds negozis u affars da mobiglias che han in agen atelier da cuser sco er manaschis da producziun da la branscha da mobiglias e da textilias. Il martgà da lavur è bun.
Pretensiuns e interess
- Inschign manual
- Creativitad
- Moda da lavurar conscienziusa ed exacta
- Senn per estetica
- Talent da dissegnar
- Imaginaziun tridimensiunala
- Plaschair da vender e da cussegliar
- Dun per cifras
- Lavurar en moda exacta
- Dissegnar, decorar, crear
- Lavurar cun taila, tgirom e palpiri
Scolaziun
En in manaschi da decoraziuns d'interiurs
Curs da bloc a la scola professiunala spezialisada da Soloturn u in di per emna a la scola professiunala spezialisada a Cuira
Emprender, approfundar ed exercitar las basas professiunalas, 15 dis durant 3 onns
3 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar la scola da maturitad professiunala durant la furmaziun da basa.
Creader / Creadra da textilias interiuras AFQ
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er d'associaziuns professiunalas
Examen professiunal (EP)
P.ex. cun attestat professiunal federal:
• Planisader / Planisadra d'indrizs interns
• Manader / Manadra dal sectur equipaziun da locals
• Creader / Creadra da textilias interiuras
Examen professiunal superiur (EPS)
Per exempel Maister equipader / Maistra equipadra da locals
Scola spezialisada superiura (SSS)
Studis en secturs spezialisads parentads, p. ex. Tecnicist / Tecnicista da textilias e da procedura dipl. SSS ubain Manager / Managera da textilias e da moda dipl. SSS
Scola auta spezialisada (SAS)
Studis en secturs parentads, p.ex. bachelor of arts en architectura interna u en design da products e design industrial
Tut tenor la scola auta spezialisada valan differentas cundiziuns d'admissiun.
Professiuns sumegliantas
