Cusunza da vestgadira AFP
Cusunz da vestgadira AFP
![[object Object],[object Object]](https://media.sdbb.ch/transform/efb1ac7a-b7a5-47d9-8840-ff33ffb81288/BE_4_Bekleidungsnaeher_VB-jpg?io=transform:fill,width:740,height:490)
1. onn d’emprendissadi: CHF 300–400.–
2. onn d’emprendissadi: CHF 400–600.–
Sco cusunza u cusunz da vestgadira cusas ti vestgids tenor instrucziuns, p.ex. rassas, chautschas u giaccas. Ti preparas las parts tagliadas e cusas ellas cun la maschina da cuser u a maun. Ti preparas ils vestgids ed als stiras en la dretga furma.
Incumbensas
- differenziar differentas tailas ed enconuscher lur caracteristicas las pli impurtantas, p.ex. quant flexibla u resistenta che la taila è
- differenziar las differentas parts d'in simpel vestgì per dunnas u umens
- tut tenor l'incumbensa utilisar differentas maschinas da cuser, p.ex. maschinas universalas da cuser u maschinas da cuser cun pitg da trapunt
- tscherner il fil ed il pe da cuser adattà sco er la grondezza dal pitg adattada per cuser la taila e la cusadira giavischada
- preparar il fier da stirar tenor instrucziun, per exempel giustar la temperatura e la pressiun
- fixar las parts da taila tagliadas e rinforzar ellas cun ils rinforzs adattads
- cuser ensemen cun la maschina u a maun – tut tenor la taila – parts dals vestgids
- producir lavurs parzialas tenor instrucziun, p.ex. cuser si tastgas u applitgar serranetgas
- stirar e furmar las singulas parts durant la lavur ed a la fin stirar a fin il vestgì
- controllar la qualitad da la lavur, p.ex. controllar cusadiras
- percepir ils privels a la plazza da lavur e prender mesiras da protecziun adattadas
- dismetter restanzas e tailas veglias en moda ecologica
Ambient da lavur
Sco cusunza u cusunz da vestgadira lavuras ti en ateliers ed en lavuratoris cun maschinas da cuser e da stirar. Tes temps da lavur èn savens regulars. Sch'i dat fitg bleras incumbensas, poi dentant dar uras supplementaras. L'aria a tia plazza da lavur è savens chauda ed umida.
Ti es engaschada u engaschà en ateliers da vestgadira industrials e chattas er plazzas en fatschentas da la branscha da moda.
Pretensiuns e interess
- Inschign manual
- Senn per estetica
- Moda da lavurar conscienziusa ed exacta
- Moda da lavurar sistematica
- Perseveranza e capacitad da tegnair la dira
- Imaginaziun tridimensiunala
- Abilitad da lavurar en in team
- Lavurar cun taila, tgirom e palpiri
- Dissegnar, decorar, crear
- Lavurar en moda exacta
- Lavurar cun ils mauns
Scolaziun
La scolaziun vegn fatga sco emprendissadi en in manaschi u en ina scola a temp cumplain.
furmaziun pratica en in manaschi da la branscha da moda u da textilias: 4 dis per emna
1 di per emna en las scolas professiunalas spezialisadas chantunalas
en plirs chantuns: 16 dis durant 2 onns
2 onns
terminà la scola obligatorica
Cusunz / Cusunza da vestgadira AFP
Furmaziun cuntinuonta
Curs
- curs da la Cuminanza d'interess per la furmaziun professiunala da creaturas e creaturs da vestgadira (IBBG).
Emprendissadi supplementar
- Sco cusunza u cusunz da vestgadira pos ti per regla far in emprendissadi scursanì da Creader / Creadra da vestgadira AFQ.
Professiuns sumegliantas
