Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Spezialist / Spezialista da products da charn AFQ

Spezialistas e spezialists da products da charn produceschan ed elavuran charn. Els enconuschan las modas da tagliar e las tecnicas da lavur ed utiliseschan la materia prima a moda professiunala. En l’affar da vendita presentan els ils products da charn e cusseglian la clientella.

Lavurs

Spezialists e spezialistas da products da charn tschernan la direcziun spezialisada producziun, elavuraziun u delicatessas / raffinaziun. Els lavuran en manaschis commerzials u industrials da l’elavuraziun da charn, en mazlarias u en secziuns da charn d’affars da victualias.

Spezialists da products da charn cun accent sin la producziun lavuran en chasas da meztga. Els s’occupeschan dals animals furnids tenor ils standards svizzers da la protecziun dals animals. Ils animals vegnan narcotisads e mazzads correctamain e cun quità. Lura staglian ils spezialists da products da charn l’entir corp da maz e prendan davent l’ossa. Tscherta tocca da charn vegn preparada directamain per la vendita u elavurada a products sco schambun. Or dad autra tocca da charn vegnan producidas liongias. La finamira è da trair a niz l’entir animal.

Spezialists da l’elavuraziun da charn produceschan ord charn tratgas sco schambun u pulpa. Durant la producziun da liongias produceschan els liongias crivas, cotgas e sbuglientadas tenor il recept dal manaschi. Per ils differents pass da lavur utiliseschan els differentas maschinas ch’els mantegnan e nettegian. En il sectur da l’elavuraziun industriala da charn applitgeschan spezialists da products da charn ils medems proceders; els fan dentant ina pli gronda quantitad da products.

Spezialistas da products da charn cun accent sin delicatessas e la raffinaziun preparan la charn per la vendita. Els mettan ensemen plattas fraidas, preparan tratgas finidas e products da traiteur. Els presentan la purschida a moda attractiva. Els cusseglian e servan la clientella da maniera gentila e cumpetenta. Els infurmeschan tenor giavisch davart la preparaziun adequata dals singuls tocs da charn. Er davart la derivanza da la charn e davart eventuals aditivs pon els dar scleriment.

Scolaziun

Basa legala

Ordinaziun federala 18-10-2016

Durada

3 onns

Direcziuns

  • producziun
  • elavuraziun
  • delicatessas / raffinaziun

Furmaziun en la pratica

En fatschentas da charn sco er en manaschis d’elavuraziun commerzials u industrials

Furmaziun en scola

1 di l'emna a la scola professiunala

Roms professiunals

  • elavuraziun da charn
  • segirezza da la protecziun da l’ambient e da las prescripziuns davart la qualitad
  • producziun da charn
  • preparaziun da charn e da products da charn P.ex. giuditgar la charn
  • producziun e vendita da products da charn e da delicatessas
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "spezialist / spezialista da products da charn AFQ"

Premissas

Furmaziun preliminara
  • scola populara terminada
Pretensiuns
  • interess per l'elavuraziun da victualias, spezialmain da charn
  • interess per bunas tratgas e la cuschina
  • inschign manual
  • chapientscha tecnica
  • senn da responsabladad
  • senn d’igiena
  • buna constituziun (lavur en stanzas fraidas)
  • plaschair vi dal contact cun la clientella
  • buna demananza

Furmaziun supplementara

Curs

purschidas dal center da furmaziun per l’economia da charn ABZ a Spiez BE

Spezialisaziun

fimentera, saleria, mazlaria da liongias, cumpra, vendita, fatschenta da traiteurs, service da partis

Examen professiunal (EP)

cun certificat professiunal federal: manader / manadra da gestiun economia da charn, tecnolog / tecnologa da victualias

Examen professiunal superiur (EPS)

maister mazler / maistra mazlera, tecnolog / tecnologa da victualias cun diplom federal

Scola spezialisada superiura (SSS)

tecnicist diplomà / tecnicista diplomada SSS, direcziun speziala tecnologia da victualias

Scola auta spezialisada (SAS)

Bachelor of Science (SAS) en tecnologia da victualias, Bachelor of Science (SAS) en biotecnologia, Bachelor of Science (SAS) en Life Science Technologies

Cundiziuns da lavur

Spezialists da products da charn lavuran en manaschis commerzials u industrials da l’elavuraziun da charn, en affars spezialisads da charn u en il commerzi da charn. Ils temps da lavur varieschan tenor las direcziuns spezialisadas. Spezialists da products da charn che lavuran en las direcziuns da la producziun e da l’elavuraziun cumenzan per ordinari pli baud cun lur lavur che quels che lavuran en la direcziun da la raffinaziun, nua ch’ils temps da lavur sa drizzan tenor ils temps d’avertura dals affars.

Cun la furmaziun supplementara correspundenta pon els lavurar en posiziuns da cader en ils secturs da cumpra e da vendita u surpigliar la direcziun dal manaschi. Tscherts spezialists da products da charn possedan in agen manaschi.

Ulteriuras infurmaziuns

Uniun professiunala svizra da charn
Sihlquai 255
Chascha postala 1977
8031 Turitg
Tel: 044 250 70 60
URL: www.swissmeatpeople.ch

Revista professiunala:
"Fleisch und Feinkost"




berufsberatung.ch