Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Ortulan / Ortulana AFQ

Ortulans ed ortulanas produceschan e tgiran flurs, chaglias, bostgaglia e plantas. Cun las plantas inverdeschan els stanzas interiuras u creeschan da tuttas sorts curtins, plazzas da gieus ed implants da sport.

Lavurs

Ortulans ed ortulanas èn ils profis da flurs e plantas. Els san tge cundiziuns che las plantas dovran per pudair crescher bain. Preparar la lavur, semnar resp. plantar e tgirar sco era nutrir las plantas tutgan tar lur lavurs. Els resguardan las cundiziuns da l’ambient sco autezza, terratsch e clima.

Ortulans sa spezialiseschan en ina da las quatter direcziuns. En tut las quatter domenas cusseglian ortulans la clientella co duvrar e tgirar las plantas e co crear curtins e spazis verds.

Ortulans spezialisads sin orticultura e cuntrada planiseschan e creeschan ierts e parcs. Cun agid da plans construeschan els vias, plazs, miraglia, scalas e spazis verds. Latiers dovran els diversas maschinas, apparats e guaffens.

Ortulans da la direcziun plantera produceschan e cultiveschan bostgaglia sco plantas da feglia e da guglias, plantas rampignantas e saivs vivas, plantas da puma e rosas. Per las lavurs sco liar si, tagliar e midar terra dovran els guaffens e maschinas.

Ortulans spezialisads sin chaglioms produceschan e cultiveschan chaglias da flurs, plantas da palì e da l’aua, ervas aromaticas e medicinalas, erva decorativa e fletga. Els cusseglian lur clients davart il diever da las chaglias.

Ortulans spezialisads sin plantas decorativas produceschan plantas decorativas e plantas da niz per l’intern e per spazis externs. Els emplantan e tgiran vaschs, era, parcs e santeris sco enverneschan plantas mediterranas. En la vendita cusseglian els la clientella davart l’utilisaziun e la tgira da las plantas sco era davart ladada e cumbat encunter parasits.

Scolaziun

Basa legala

Ordinaziun federala 31-10-2011 (stan 1-1-2018)

Durada

3 onns

Direcziuns

  • orticultura e cuntrada
  • plantera
  • chaglioms
  • plantas decorativas

Furmaziun en la pratica

En ina interpresa d’orticultura da la direcziun correspundenta u en in lavuratori d'emprendissadi

Furmaziun en scola

1 di per emna a la scola professiunala

Roms professiunals

  • tut las direcziuns: cussegliaziun / vendita, furniziun / servetschs, lavur da mantegniment, lavur da plantar e semnar, nutriment e protecziun da plantas, enconuschientscha e diever da plantas
  • tenor direcziun: tgira d’ierts e da spazis verds, orticultura e cuntrada, producziun da plantas, multiplicaziun da plantas
  • Curs ordaifer il manaschi

    Tar differents temas

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "ortulan / ortulana AFQ"

Premissas

Furmaziun preliminara
  • scola populara terminada
Pretensiuns
  • plaschair da lavurar en il liber ed en in team
  • interess vi da plantas e biologia
  • possa e movibladad
  • enclegientscha pratica
  • dun d’observaziun
  • pazienza ed exactadad
  • buna sanadad, p.ex. naginas allergias da pollen ed endirì per lavurs en il liber
  • enclegientscha tecnica per lavurs cun maschinas
  • creativitad / plaschair vi da lavurs creativas

Furmaziun supplementara

Curs

Purschidas da scolas professiunalas, da scolas d’orticultura e da scolas autas sco era da federaziuns, p.ex. JardinSuisse, Associaziun svizra d’orticulturas urbanas ed uffizis d’orticultura

Furmaziun da basa scursanida

sco ortulan / ortulana AFQ spezialisà / spezialisada sin in auter champ u sco flurist / flurista AFQ u en ina professiun da basa dal champ da professiun agricultura, p.ex. pumicultur / pumicultura AFQ, ortulan /ortulana da legums AFQ

Examen professiunal (EP)

ortulan / superiura cun certificat professiunal federal

Examen professiunal superiur (EPS)

maister ortulan / maistra ortulana

Scola spezialisada superiura (SSS)

tecnicist diplomà / tecnicista diplomada SSS surveglianza da construcziun, spezialisà / spezialisada en orticultura ed agricultura

Scola auta spezialisada (SAS)

Bachelor of Science (SAS) en architectura da cuntradas, Bachelor of Science (SAS) en la domena d’inschigner / inschignera d’ambient

Cundiziuns da lavur

Ortulans AFQ lavuran en manaschis da las direcziuns correspundentas, en centers d’orticultura, instituts da retschertga e perscrutaziun, orticulturas urbanas e curtins botanics.

Era da vent, plievgia e fradaglia lavuran ortulans ordadora. La chargia da lavur po esser fitg auta. Las cundiziuns d’engaschament èn regladas tras il contract collectiv da lavur (CCL) per il sectur verd.

Las schanzas sin in emprendissadi sco era sin il martgà da lavur èn tut tenor regiun e direcziun fitg differentas.

Las cundiziuns d'engaschament èn per part regladas en il contract collectiv da lavur.

Ulteriuras infurmaziuns

JardinSuisse
Unternehmerverband Gärtner Schweiz
Berufsbildung
Bahnhofstr. 94
5000 Aarau
Tel: 044 388 53 35
URL: www.jardinsuisse.ch

Revistas professiunalas:
"Der Gartenbau"
"g'plus"




berufsberatung.ch