Lavurs
Els exequeschan suandantas lavurs:
Cussegliar clientella
- prender encunter e discutar giavischs da la clientella
- planisar la lavur e far offertas
- instruir la clientella co els pon tgirar ils instruments a moda cumpetenta
- scriver rapports
Construir instruments da flad
- crear skizzas da construcziun
- fabritgar tocca singula u tocca da remplazzament, p.ex. tratgas, ventils e viertgels
- lutegiar tocca singula
- tractar las surfatschas dals instruments da lain e da sturs, p. ex. cun las pulir u glimar
Reparar ils instruments da sturs
- demontar la tocca dal instrument ed al controllar sin donns
- reparar tocca da metal cun bottas, bischens sturschì u tocca da laina donnegiada
- far bogn culs instruments da sturs en in liquid spezial per eliminar fastizs da l'oxidaziun
Mantegnair ils instruments da sturs
- nettegiar ils instruments e remplazzar tocca rutta
- controllar la mecanica dals instruments ed als drizzar da nov
- intunar l'instrument da sturs
Scolaziun
Basa legala
Ordinaziun federala dals 9-10-2019
Durada
4 onns
Direcziuns spezialas
- construcziun d'instruments da flad
- reparatura d'instruments da flad
Furmaziun en la pratica
En in atelier u en in affar spezialisà per la construcziun d'instruments
Furmaziun en scola
Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)
Roms professiunals
- realisar incumbensas
- construir e reparar instruments da musica
- mantegnair e regular instruments da musica
- preparar ils instruments per sunar
Curs ordaifer il manaschi
Emprender ed utilisar en la pratica la basa dal mastergn
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "construider / construidra d'instruments da flad AFQ"
Premissas
Furmaziun preliminara
- temp da scola obligatoric terminà
- scolaziun da sunar in instrument da flad
Pretensiuns
- inschign manual
- imaginaziun dal spazi
Furmaziun supplementara
Curs
purschidas da scolas professiunalas e d'associaziuns professiunalas, p.ex. da la Cuminanza d'interess construiders d'instruments da musica IGMIB
Scola auta spezialisada (SAS)
Diplom federal da maister / maistra per construcziun d'instruments a Ludwigsburg (Germania)
Studis en direcziuns spezialas parentadas, p.ex. creader diplomà / creadra diplomada en design da products (SAS)
Scola auta professiunala (SAP)
studis en direcziuns spezialas parentadas, p.ex. Bachelor of Arts (SAP) en design da products e d'industria u Bachelor of Science (SAP) en Fine Arts
Cundiziuns da lavur
Construiders d'instruments da flad AFQ lavuran en lavuratoris, ateliers ed affars spezialisads. Il martgà da lavur en Svizra è pitschen, ma la dumonda da spezialists talentads è stabila. La dumonda naziunala ed internaziunala d'instruments da flad da sturs e da parts da quests instruments è gronda. En Svizra s'occupan circa 60 manaschis pitschens cun la reparatura d'instruments da flad, circa la mesadad porscha plazzas d'emprendissadi. Suenter plirs onns experientscha professiunala e cun l'engaschament necessari han spezialists la pussaivladad d'avrir in agen atelier.
Ulteriuras infurmaziuns
Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: +41 31 313 20 00
URL: www.musikinstrumentenbauer.ch