Lavurs
Construiders d'instruments da flad construeschan trumbettas, posaunas, tubas e blers auters instruments da flad. La tocca singula dals instruments – corpus, dettals, vairas, struvas e viertgels – construeschan els per gronda part sezs. Quai capita sin basa da designs da construcziun u da skizzas ch'els han creà sezs.
Cun construir ils tocs elegian ils construiders d'instruments da flad la spezia da metal adattada per l'instrument. Lura monteschan els la tocca. Cun montar ston els lavurar precautamain per ch'il instrument possia producir in tun excellent pli tard. Quai vala er per las reparaturas nua che singula tocca sto vegnir demontada e remplazzada. Suenter mintga pass sto il construider d'instruments controllar bain la moda da funcziun dals ventils, da la tratga, e dals dettals.
Sper la construcziun ed il mantegniment gioga l'intunaziun dals instruments ina gronda rolla. Construiders d'instruments da flad sunan l'instrument per quest intent, controllan la caracteristica dal tun e la caracteristica funcziunala ed exequeschan las adattaziuns finas a chaschun da la controlla finala. Alura preparan las construidras d'instruments da flad l'instrument per la furniziun e dattan tips per il mantegniment a las clientas ed als clients.
Cussegliaziun persunala u al telefon è ina part impurtanta da la lavur. Blers construiders d'instruments da flad lavuran en fatschentas spezialisadas per instruments, nua ch'els retschaivan clientas e clients. Els infurmeschan tals davart reparaturas pussaivlas, gidan a prender decisiuns e sclereschan la procedura futura.
Scolaziun
Basa legala
Ordinaziun federala dals 9-10-2019
Durada
4 onns
Direcziuns spezialas
- construcziun d'instruments da flad
- reparatura d'instruments da flad
Furmaziun en la pratica
En in atelier u en in affar spezialisà per la construcziun d'instruments
Furmaziun en scola
Curs da bloc al center da furmaziun Arenenberg a Salenstein (TG) (instrucziun bilingua: tudestg e franzos)
Roms professiunals
- realisar incumbensas
- construir e reparar instruments da musica
- mantegnair e regular instruments da musica
- preparar ils instruments per sunar
Curs ordaifer il manaschi
Emprender ed utilisar en la pratica la basa dal mastergn
Maturitad professiunala
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Diplom
Attestat federal da qualificaziun "construider / construidra d'instruments da flad AFQ"
Premissas
Furmaziun preliminara
- scola obligatorica terminada cun pretensius mesaunas u grondas
- scolaziun da sunar in instrument da flad
Pretensiuns
- inschign manual
- imaginaziun dal spazi
Furmaziun supplementara
Curs
purschidas da scolas professiunalas e d'associaziuns professiunalas, p.ex. da la Cuminanza d'interess construiders d'instruments da musica IGMIB
Scola auta spezialisada (SAS)
Diplom federal da maister / maistra per construcziun d'instruments a Ludwigsburg (Germania)
Studis en direcziuns spezialas parentadas, p.ex. creader diplomà / creadra diplomada en design da products (SAS)
Scola auta professiunala (SAP)
studis en direcziuns spezialas parentadas, p.ex. Bachelor of Arts (SAP) en design da products e d'industria u Bachelor of Science (SAP) en Fine Arts
Cundiziuns da lavur
Construiders d'instruments da flad AFQ lavuran en lavuratoris, ateliers ed affars spezialisads. Il martgà da lavur en Svizra è pitschen, ma la dumonda da spezialists talentads è stabila. La dumonda naziunala ed internaziunala d'instruments da flad da sturs e da parts da quests instruments è gronda. En Svizra s'occupan circa 60 manaschis pitschens cun la reparatura d'instruments da flad, circa la mesadad porscha plazzas d'emprendissadi. Suenter plirs onns experientscha professiunala e cun l'engaschament necessari han spezialists la pussaivladad d'avrir in agen atelier.
Ulteriuras infurmaziuns
Cuminanza d'interess construiders d'instruments da musica
c/o Elin Office AG
Amthausgasse 3
3011 Berna
Tel: 031 313 20 00
URL: www.musikinstrumentenbauer.ch