Spezialist d’occurrenzas AFQ
Spezialista d’occurrenzas AFQ
Correspunda questa professiun a mai?![[object Object],[object Object]](https://media.sdbb.ch/transform/17fce963-b3db-4f69-ae92-4f4fc8ed9fac/technisceniste_A-P_007-jpg?io=transform:fill,width:740,height:490)
1. onn d’emprendissadi: CHF 680.–
2. onn d’emprendissadi: CHF 880.–
3. onn d’emprendissadi: CHF 1140.–
4. onn d’emprendissadi: CHF 1440.–
Sco spezialista u spezialist d'occurrenzas collavuras ti tar events, sco concerts, fieras u filmadas. Ti monteschas e demonteschas autpledaders, glischs e tailas. Durant l'occurrenza procuras ti, che tut funcziunia.
Incumbensas
- planisar l'installaziun tecnica da las localitads da tribuna, d'exposiziun e da fiera
- enconuscher ed applitgar las prescripziuns da lavur e da segirezza che valan per las tribunas
- selecziunar, preparar u prender en locaziun il material e transportar tut al lieu da l'occurrenza
- endrizzar tribunas
- installar ed encablar la tecnica da tun, da glisch e da video
- endrizzar ils microfons, l'electronica, las regulaziuns, ils computers ed auters meds auxiliars
- adattar la tecnica d'occurrenzas durant events, p.ex. controllar la glisch ed il tun sco er adattar las tailas per videos
- regular la glisch, p.ex. reflecturs u pults da glisch
- regular la tecnica da tun, p.ex. rinforzaders, pults da maschadar u autpledaders
- far ir ils apparats da video, p.ex. projecturs, cameras, players u pults da maschadar videos
- activar effects spezials, p.ex. maschinas da fim e da tschajera u indrizs da laser
- regular e transmetter registraziuns sonoras e visualas, p.ex. emissiuns da televisiun u conferenzas da video
- demontar e rumir la tecnica e las tribunas suenter l'occurrenza
- deponer correctamain e mantegnair ils apparats tecnics
Ambient da lavur
Sco spezialista u spezialist d'occurrenzas lavuras ti en pitschens teams. Savens es ti en gir per occurrenzas. Uras da lavur irregularas e lavur da fin d'emna e da notg tutgan latiers.
Ti chattas lavur tar teaters, localitads d'occurrenzas, manaschis da producziun da films e da televisiun, studios da tun, organisaziuns d'events u manaschis che construeschan stans da fiera. Ti has er la pussaivladad da lavurar en moda independenta.
Pretensiuns e interess
- Abilitad da lavurar en in team
- Moda da lavurar independenta
- Plain fantasia e savair sa gidar
- Imaginaziun tridimensiunala
- Prontezza da lavurar durant uras irregularas u servetschs da notg
- Inschign manual
- Chapientscha tecnica
- Resistenza cunter stress
- Esser corporalmain activ
- Esser savens sin viadi
- Schliar incumbensas tecnicas
- S'occupar cun electricitad ed electronica
Scolaziun
Tar ina firma che organisescha occurrenzas u en in teater: 3 fin 4 dis per emna
1 fin 2 dis per emna en la scola professiunala spezialisada a Turitg
Center da scolaziun svtb, Kloten (ZH): 38 dis durant 4 onns
4 onns
Terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Spezialist / Spezialista d'occurrenzas AFQ
Furmaziun cuntinuonta
Curs
Curs da l'Associaziun svizra da las professiuns tecnicas da teater e d'occurrenzas (SVTB)
Furmaziun supplementara specifica
Examen professiunal (EP)
- Tecnicist / Tecnicista d'occurrenzas EP
- Tecnicist / Tecnicista dal tun EP
Scola spezialisada superiura (SSS)
- Electrotecnicist / Electrotecnicista SSS
Scola auta spezialisada (SAS)
- Bachelor of science en electrotecnica
Tut tenor la scola auta spezialisada valan differentas cundiziuns d'admissiun.
Professiuns sumegliantas
