Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Logisticher / Logisticra AFQ

Logistichers e logisticras transportan, deponan e repartan martganzia e rauba. Els lavuran en centers da brevs e pachets, en la distribuziun da la posta, sin staziuns da la viafier ed en deposits da manaschis da l’industria, dal commerzi e da la producziun.

Lavurs

Logistichers e logisticras lavuran là, nua che rauba da consum, da producziun e brevs, pachets e bagascha vegnan transportads, deponids e repartids.

En la direcziun deposit èn logistichers responsabels per il deposit adequat da la rauba. Els la prendan encunter, la controlleschan e la cudescheschan en sistems da computer. Cun l’agid da plunaders a motor u maschinas spezialas da transport furneschan els la rauba. Tar tut quai ston esser attents ch’ils criteris varieschan tenor la rauba. Uschia dovran p.ex. aliments, medicaments, struvas u chemicalias privlusas differentas tecnicas da deposit. Cura ch’els retschaivan in’empustaziun preparan els la rauba per la furniziun u per la spediziun, scrivan ils documents da furniziun e chargian ils vehichels. Els resguardan adina las mesiras da segirezza e controlleschan plinavant regularmain ils inventaris dal deposit per ch’i haja adina avunda rauba.

En la direcziun distribuziun s’occupeschan logistichers da la furniziun punctuala da brevs e pachets. Els als retschaivan ed als assorteschan la damaun baud. Durant lur turas da distribuziun repartan els la posta a tegnairchasas privats sco era ad interpresas. Tut tenor la tura èn els per via a pe u cun il velo, cun moped u cun l’auto. Durant la lavur al lieu da distribuziun servan els la clientella al spurtegl.

Logistichers en la direcziun traffic lavuran cunzunt sin staziuns da la viafier. En il servetsch da manevra furman els trens da persunas e trens da vitgira cun als accuplar e decuplar ed als uschia preparar per il proxim viadi. Tar tut quai stattan els en contact cun il locomotivist u la locomotivista per func e resguardan strictamain las prescripziuns da segirezza. Ultra da quai chargian e stgargian els trens e camiuns, cusseglian la clientella al spurtegl da bagascha u surpiglian lavurs en deposits da fabricas d’industria.

Independentamain da las direcziuns differentas utiliseschan logistichers il computer sco impurtant med auxiliar. Els registreschan uschia la rauba, exequeschan controllas da l’inventari, planiseschan cun simplas calculaziuns l’administraziun dal deposit, elavureschan statisticas e redigian empustaziuns.

Scolaziun

Basa legala

Ordinaziun federala 9.11.2015

Durada

3 onns

Direcziuns

  • deposit
  • distribuziun
  • traffic

Furmaziun en la pratica

En in manaschi da distribuziun, interpresa da transport ubain en in deposit (praticums èn pussaivels en auters secturs)

Furmaziun en scola

1 di per emna a la scola professiunala

Roms professiunals

  • enconuschientschas professiunalas: procuraziun, producziun, distribuziun, dismessa, deposit, communi-caziun / informatica, transport, segirezza / ambient, servetsch da clients
  • enconuschientschas dal rom: tenor la direcziun

Curs ordaifer il manaschi

Tar differents temas

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "logisticher / logisticra AFQ"

Premissas

Furmaziun preliminara
  • scola populara terminada
Pretensiuns
  • enclegientscha pratica
  • inschign manual
  • talent d’organisar
  • fidadadad e senn da responsab-ladad
  • autonomia
  • perseveranza ed abilitad da sa concentrar
  • plaschair vi dal contact cun carstgauns
  • conscienza da servetschs
  • sanadad robusta

Furmaziun supplementara

Curs

purschidas da scolas professiunalas e scolas spezialisadas, da la Schweiz. Vereinigung für die Berufsbildung in der Logistik SVBL e dad autras associaziuns professiunalas

Examen professiunal (EP)

cun certificat professiunal federal: logisticher / logisticra, spezialist / spezialista da logistica, disponent / disponenta da transport e logistica

Examen professiunal superiur (EPS)

logisticher / logisticra cun certificat federal, p.ex. manader diplomà / manadra diplomada da logistica, Supply Chain manager diplomà, Supply Chain managera diplomada, manader da manaschi diplomà / manadra da manaschi diplomada transport e logistica

Scola spezialisada superiura (SSS)

tecnicist diplomà / tecnicista diplomada SSS process d’interpresas, approfundaziun logistica

Scola auta spezialisada (SAS)

Bachelor of Science (SAS) d’economia da manaschi, Bachelor of Science d’inschigneria d’economia

Cundiziuns da lavur

Logistichers lavuran en partiziuns da logistica da manaschis da producziun, en centers da distribuziun da grondas interpresa dal commerzi da detagl, tar servetschs da logistica, en interpresas da distribuziun e tar servetschs da pachets. Emploiaders impurtants èn la posta e las VFF. Logistichers che lavuran en la direcziun distribuziun lavuran or en il liber da tutt’aura. Tut tenor sectur e lieu da lavur po il temp da lavur esser irregular ed era ina lavur en squadras è pussaivla.

Ulteriuras infurmaziuns

Schweizerische Vereinigung für die Berufsbildung in der Logistik SVBL
Rigistr. 2
5102 Rupperswil
Tel: 058 258 36 00
URL: www.logistiker-logistikerin.ch
URL: www.svbl.ch

Revistas professiunalas:
"Bulletin SVBL"



berufsberatung.ch