![[object Object],[object Object]](https://media.sdbb.ch/transform/987006f5-8038-4726-85d2-5e4744ea5c40/Recycleur-SO-029-jpg?io=transform:fill,width:740,height:490)
1. onn d’emprendissadi: CHF 700–800.–
2. onn d’emprendissadi: CHF 900–950.–
3. onn d’emprendissadi: CHF 1250–1300.–
Reciclaturas e reciclaturs procuran, che las materias da valur possian puspè vegnir returnadas en la circulaziun da producziun. Els s'occupan da la zavrada, da la preparaziun e dal deposit da materialias reciclablas e da materias sco vaider, metals, lain, chartun, textilias, pneus, chemicalias ed apparats electronics. Ils ruments privlus u betg reciclabels vegnan transportads en stabiliments da dismessa controllads. Reciclaturas e reciclaturs gidan uschia a mantegnair la qualitad da l'ambient.
Incumbensas
- differenziar materias da valur d'auters ruments, identifitgar substanzas nuschaivlas per l'ambient e definir process da separaziun e da preparaziun adattads
- registrar las furniziuns, emetter documents da pais e da furniziun, incassar taxas
- valitar ils custs da la lavur en cumparegliaziun cun la valur dal product final
- valitar la qualitad dal material ad egl, cun agid da maschinas u da proceduras chemicas
- separar material net e malnet
- allontanar substanzas estras e nuschaivlas e dismetter quellas professiunalmain
- observar per quest intent adina las prescripziuns ecologicas, da sanadad e da protecziun dals lavurants
- separar, tagliar, nettegiar e pressar il material
- duvrar per quest intent apparats mecanics, idraulics u/ed electrics sco rudellas da tagliar u tagliaders a flomma
- en gronds stabiliments d'elavuraziun da material: manipular manizzadras, apparats da tagliar idraulics e maschinas da pressar
- separar dal rest las materias da valur manizzadas cun truschadurias u cun apparats magnetics
- mantegnair maschinas ed apparats sco er far simplas reparaturas
- depositar ils materials, tut tenor lur qualitads, en buts, en boxas, en bagnolas u en containers
- definir e controllar l'inventari da material
- organisar il transfer da material entaifer il manaschi
- transtgargiar e transportar las materialias cun differentas maschinas, p.ex. auzaders e tschiffaders, charrets plunaders, tschintas da transport u cranas
- chargiar camiuns, trens ed auters vehichels
Ambient da lavur
Reciclaturas e reciclaturs lavuran sulets u en pitschens teams en manaschis ch'èn spezialisads per il recicladi da tschertas materialias, p.ex. metals da fier e metals senza fier, materias primas biologicas sco palpiri u lain, materias sinteticas, textilias, materias primas mineralas sco rument da demoliziun, betun u vaider ubain apparats electronics. Ultra da quai pon els lavurar en manaschis polivalents ch'elavuran tut ils geners da ruments. Reciclaturas e reciclaturs lavuran cun differentas maschinas ed ils conturns da lavur èn per part dad aut. Els portan in equipament da protecziun cun chalzers da segirezza, guants e chapellina.
Els lavuran en grondas hallas u en il liber da tutta aura. Mintgatant van reciclaturas er tar clientas e clients per prender encunter ruments. Lur temps da lavur èn regulars, pon dentant variar tut tenor la stagiun. La branscha da recicladi crescha svelt e porscha bunas schanzas da chattar lavur. Cun in pau experientscha pon reciclaturs surpigliar posiziuns da responsabladad, p.ex. sco manadra da team u sco manader d'ina deponia da ruments en ina vischnanca u en ina interpresa.
Pretensiuns e interess
- Chapientscha tecnica
- Moda da lavurar sistematica
- Abilitad da lavurar en in team
- Resistenza corporala
- Gronda toleranza da canera
- Savair supportar odurs dischagreablas
- Resistenza a la temperatura u a l'aura
- Esser corporalmain activ
- Lavurar en il team
- Elavurar metal
- Lavurar cun taila, tgirom e palpiri
- Lavurar cun arschiglia, crap e vaider
Scolaziun
En in manaschi da recicladi
1–2 dis a la scola professiunala spezialisada en il Center da furmaziun Limmattal ZH
Emprender la lavur pratica, approfundar ed exercitar las basas professiunalas, 17 dis durant 3 onns.
3 onns
Terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Reciclatur / Reciclatura AFQ
Furmaziun cuntinuonta
Curs
Purschidas da scolas professiunalas spezialisadas e da scolas spezialisadas, da la OdML Gestiun da ruments e da materias primas, da l'Institut svizzer da scolaziun per la protecziun da la natira e da l'ambient (sanu future learning sa) sco er da l'Associaziun svizra da recicladi d'atschal, da metal e da palpiri (VSMR)
Examen professiunal (EP)
Cun attestat professiunal federal, p.ex.:
- Disponent / Disponenta da transport e logistica
- Spezialist / Spezialista per stabiliments da dismessa
- Termist / Termista
- Spezialist / Spezialista da logistica
- Logisticher / Logisticra
- Spezialist / Spezialista per natira ed ambient
- Elavuratur / Elavuratura da materias primas
- Cussegliader / Cussegliadra per l'ambient
Examen professiunal superiur (EPS)
P.ex. manader / manadra da logistica dipl., supply chain manager / managera dipl. u logisticher / logisticra dipl.
Scola spezialisada superiura (SSS)
P.ex. tecnicist / tecnista da process dipl. SSS
Scola auta spezialisada (SAS)
P.ex. Bachelor of Science (SAS) en inschigneria d'ambient u en tecnologia energetica ed ecologica u bachelor of science en life sciences (SAS), direcziun da studi tecnologia d'ambient. Tut tenor la scola auta spezialisada valan differentas cundiziuns d'admissiun.
Professiuns sumegliantas
