![[object Object],[object Object]](https://media.sdbb.ch/transform/2971b0f0-0ec6-4927-bf40-414f54f51bf2/logistiker_j_b_5572?io=transform:fill,width:740,height:490)
1. onn d’emprendissadi: CHF 800–900.–
2. onn d’emprendissadi: CHF 1000–1100.–
Logistichers e logisticras AFP prendan per exempel encunter medicaments, products industrials, victualias u pachets ed als controlleschan. La glieud da professiun gida da magasinar la rauba. Els preparan er las empustaziuns e las distribuziuns per la clientella.
Incumbensas
- prender encunter rauba
- controllar la rauba tenor las instrucziuns dals superiurs
- annunziar sch’i dat sbagls u rauba rutta
- examinar ils documents da furniziun ed als cumparegliar cun l’empustaziun
- tatgar si e scannar codes da stritga
- transtgargiar la rauba cun maschinas
- stgargiar e sortir rauba
- far stim da la segirezza
- magasinar endretg la rauba
- resguardar las prescripziuns, quai vul per exempel dir da na betg chargiar memia bler sin in regal
- pachetar a moda segira substanzas toxicas sco chemicalias, uschenumnada rauba da privel, tenor las instrucziun dals superiurs
- controllar l’inventari dal magasin, quai vul dir mirar con bler rauba ch’è anc el deposit
- far empustaziuns sch’i ha memia pauc en il magasin
- endatar e dar vinavant las infurmaziuns giavischadas en il computer u al il telefon
- preparar las empustaziuns da la clientella fin al termin fixà
- pachetar la rauba a moda segira e spargnusa
- duvrar chartun, material pulstrà e folia
- agiuntar ils scrits da furniziun e documents da duana
- guardar nua, co e cura che la rauba duai vegnir spedida
- trametter ils pachets cun la posta u cun auters servetschs da pachets
- organisar la tura da furniziun e chargiar ils vehichels suenter correspundentamain
- chargiar ils pachets ch’i dovra pauc spazi ed als segirar cun tschintas u raits
- resguardar las prescripziuns da l’interpresa
- exequir las distribuziuns uschè sco la clientella giavischa
Ambient da lavur
Logistichers e logistricas AFP lavuran en chadainas da chasas da cumpra, magasins da materia da construcziun e da toc da reserva, en centers da districuziun da rauba da grossists u centers da zavrar pachets, tar la spediziun da posta u staziuns da vitgira. Els lavuran en deposits e tut tenor lavur era or en il liber, p.ex. sch’els chargian ils vehichels. Els lavuran en teams e lur lavur vegn controllada da logistichers AFQ. Els lavuran er cun autras persunas da professiun, per exempel cun camiunists. Els portan equipament da protecziun, p.ex. chalzers da segirezza. Il temps da lavur è per il pli regulars. Tut tenor lieu da lavur vegn dentant era lavurà la notg, baud la damaun u la fin d’emna.
Pretensiuns e interess
- Moda da lavurar sistematica
- Inschign manual
- Plain fantasia e savair sa gidar
- Plaschair dal contact cun glieud
- Abilitad da lavurar en in team
- Buna memoria
- Resistenza corporala
- Moda da lavurar conscienziusa ed exacta
- Lavurar en moda exacta
- Esser corporalmain activ
- Esser savens sin viadi
- Schliar incumbensas tecnicas
- Avair contact cun persunas
Scolaziun
En in deposit resp. in lieu da producziun, in center da brevs u in servetsch da pachets.
1 di per emna a la scola professiunala
Emprender ed exercitar a moda pratica la basa professiunala, 14 dis durant 2 onns
2 onns
Temp da scola obligatoric terminà
- Logisticher / Logisticra AFP
- Certificat da la SUVA - manischunz da plunaders
Furmaziun cuntinuonta
Curs
Purschidas da scolas professiunalas e scolas spezialisadas, da la Schweiz. Vereinigung für die Berufsbildung in der Logistik SVBL e dad autras associaziuns professiunalas
Emprendissadi supplementar
Suenter la furmaziun d’attest pon logistichers / logistricas AFP absolver ina furmaziun da basa scursanida da 2 onns sco logisticher / logistica AFQ: admissiun el 2. onn.
Alura èsi pussaivel da frequentar las medemas furmaziuns supplementaras sco logistichers / logisticras AFQ.
Professiuns sumegliantas
