Logisticher AFQ
Logisticra AFQ
![[object Object],[object Object]](https://media.sdbb.ch/transform/9dee43ed-1b9a-4aeb-a767-0922d5cb8be5/Logisticienne?io=transform:fill,width:740,height:490)
1. onn d’emprendissadi: CHF 800–900.–
2. onn d’emprendissadi: CHF 1000–1150.–
3. onn d’emprendissadi: CHF 1300–1450.–
Logistichers e logisticras AFQ retschaivan e controlleschan tut ils geners da rauba e las preparan per il deposit u la furniziun a la clientella. Els lavuran per exempel cun materias primas, products industrials, medicaments, brevs, pachets u victualias. Tut tenor direcziun spezialisada planiseschan, organiseschan u exequeschan els incumbensas en las spartas da la distribuziun, da deposit u da traffic.
Incumbensas
- prender encunter rauba
- mirar da tge products ch’i sa tracta ed als controllar
- examinar ils scrits da furniziun e stgargiar la rauba
- tatgar si e scannar codes da stritga per registrar la rauba en il sistem da deposit
- eleger pachetadis adattads, p.ex. per victualias che van spert en mal u per rauba privlusa (p.ex. chemicalias)
- eleger pachetadis adattads, p.ex. per victualias che van spert en mal u per rauba privlusa (p.ex. chemicalias)
- endatar e dar vinavant las infurmaziuns giavischadas en il computer u al il telefon
- examinar ed administrar l’inventari dil deposit
- elavurar empustaziuns ch’arrivan per posta, e-mail u telefon
- reparar las empustaziuns entaifer il termin
- segirar la rauba, la pachetar favuraivel ed adattà a l’ambient
- tschentar or ils scrits da furniziun e formulars per la duana al computer
- planisar ed organisar la furniziun tut tenor categoria da rauba, retschavider, termin da furniziun e med da transport, p.ex. camiun u bastiment
- chargiar ils vehichels
- exequir las furniziuns tenor las pretensiuns da la clientella
- retschaiver e sortir brevs e pachets
- planisar la tura e chargiar l’auto u la motoretta
- manischar motoretta u auto, reparter la posta ed infurmar la clientella tut tenor basegn
- administrar respediziuns
- deponer la rauba en ils deposits e resguardar latiers las perscripziuns per chargiar regals
- optimar il sistem da deposits
- examinar constantamain l’inventari dal deposit per garantir in decurs optimal da las entradas ed extradas da rauba
- calcular la frequenza da transtgargiada, quai vul dir con savens che la rauba vegn magasinada e puspè furnida
- far statisticas
- dismetter il rument adattà a l’ambient
Ambient da lavur
Logistichers e logisticras lavuran en chadainas da chasas da cumpra, magasins da materia da construcziun e da tocs da reserva, en centers da distribuziun da rauba da grossists u centers da zavrar pachets, tar la spediziun da posta u staziuns da vitgira. Els exequeschan era lavurs en deposits e tut tenor lavur era or en il liber, p.ex. sch’els chargian ils vehichels u distribueschan la posta. En grondas interpresas lavuran els en in team e controlleschan la lavur dals logistichers AFP. La persunas da professiun lavuran per exempel er ensemen cun manadras da la logistica e cun camiunists. En pitschens manaschis lavuran els savens persuls ed han contact direct cun la clientella. Els portan equipament da protecziun, p.ex. chalzers da segirezza. Il temps da lavur è per il pli regulars. Tut tenor lieu da lavur vegn dentant era lavurà la notg, baud la damaun u la fin d’emna.
Suenter intgins onns pratica e tut tenor qualificaziun pon logistichers e logisticras surpigliar posiziuns cun responsabladad sco manaders da gruppa, manader dal magasin u manader dal sectur da logistica.
Pretensiuns e interess
- Abilitad da lavurar en in team
- Moda da lavurar independenta
- Plain fantasia e savair sa gidar
- Buna vesida
- Buna memoria
- Moda da lavurar sistematica
- Resistenza corporala
- Esser corporalmain activ
- Esser savens sin viadi
- Schliar incumbensas tecnicas
- Avair contact cun persunas
- Cussegliar
- Lavurar cun maschinas
Scolaziun
En in manaschi da distribuziun, interpresa da transport ubain en in deposit (praticums èn pussaivels en auters secturs)
1 di per emna a la scola professiunala
Emprender ed exercitar a moda pratica la basa professiunala, 20 dis durant 3 onns
3 onns
- Deposit
- Distribuziun
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Logisticher / Logisticra AFQ
Furmaziun cuntinuonta
Curs
Purschidas da scolas professiunalas e scolas spezialisadas, da la Schweiz. Vereinigung für die Berufsbildung in der Logistik SVBL e dad autras associaziuns professiunalas
Examen professiunal (EP)
Cun certificat professiunal federal:
- logisticher
- spezialista da logistica,
- disponent da transport e logistica
- spezialist per la spediziun internaziunala e logistica
Examen professiunal superiur (EPS)
Per exempel:
- logisticra cun diplom federal
- manader dipl. da logistica
- supply chain managera dipl.
- manader da manaschi dipl. transport e logistica
Scola spezialisada superiura (SSS)
Tecnicista dipl. SSS da process
Scola auta spezialisada (SAS)
Bachelor of Science (SAS) d’economia da manaschi u d’inschigneria d’economia. Tut tenor scola auta spezialisada valan differentas cundiziuns d’admissiun.
Professiuns sumegliantas
