![[object Object],[object Object]](https://media.sdbb.ch/transform/2dab305e-c369-41ef-9064-ee4845d89954/04_Textiltechnologin_MG-jpg?io=transform:fill,width:740,height:490)
1. onn d’emprendissadi: CHF 700–900.–
2. onn d’emprendissadi: CHF 850–1000.–
3. onn d’emprendissadi: CHF 1250–1500.–
Tecnologs e tecnologas da textilias s’occupeschan cun il design, il svilup, l’elavuraziun, la nobilisaziun e la controlla da fibras e products textils. Els utiliseschan indrizs e surveglian process. Tut tenor la direcziun spezialisada sa differenzieschan ils champs e lieus da lavur.
Incumbensas
- skizzar en las secziuns creativas da tessarias, manaschis da lavurs da stgaina e stamparias da textilias il design per differentas textilias ed al elavureschan al computer .
- preparar ils designs per las cundiziuns tecnicas da la producziun e transponer ils formats digitals sin las maschinas da surcuser
- sa participar a la fabricaziun ed elavuraziun da fibras, fils e diversas tailas
- controllar ils materials, endrizzar e manevrar las maschinas da producziun ed eliminar disturbis
- elavurar statisticas e rapports da controlla
- manischar programs da computer, maschinas ed indrizs
- sblatgir, colurar stampar e surtrair las fibras, ils fils e las textilias cun agid da chemicalias
- endrizzar las maschinas da producziun e las manischar sche necessari
- examinar las caracteristicas da las textilias, da las substanzas colurantas e da las chemicalias en il labor
- producir sugas natiralas e sugas da fibra sinteticas sco era sugas da fildarom che vegnan utilisadas en differents secturs, per exempel en l’industria da construcziun, en l’agricultura, en l’economia forestala, en l’industria da maschinas, en la medischina sco era en la construcziun da pendicularas, en il secturs da traffic e transport
- elavurar vinavant las sugas a maun u cun maschinas
- esser responsabels per las maschinas en l’interpresa da textilias
- mantegnair las maschinas ed ils indrizs
- exequir lavurs da lavuratori sco furar, glimar, volver u buglir
- remplazzar e reparar tocca singula e gruppas da construcziun.
Ambient da lavur
Malgrà la grondezza survesaivla da la branscha chattan tecnologs da textilias ina buna purschida da plazzas en l’industria da textilias e da vestgadira ed èn experts tschertgads.
Pretensiuns e interess
- Abilitad da s'adattar a novas tecnologias
- Creativitad
- Inschign manual
- Chapientscha tecnica
- Nagins disturbis da vesair colurs
- Moda da lavurar conscienziusa ed exacta
- Talent artistic
- Lavurar cun taila, tgirom e palpiri
- Schliar incumbensas tecnicas
- Lavurar cun maschinas
- Experimentar, perscrutar
- Planisar, organisar
Scolaziun
En in manaschi da l’industria da textilias
A la scola professiunala durant 1-2 dis per emna
Emprender ed exercitar a moda pratica la basa professiunala
3 onns
- Producziun
- Nobilisaziun
- Design
- Tecnica da sugas e d’auzar
- Mecatronica
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tecnolog / Tecnologa da textilias AFQ
Furmaziun cuntinuonta
Curs
Purschidas da scolas spezialisadas e scolas professiunalas, principalmain da la Schweiz. Textilfachschule STF a Son Gagl, Wattwil e Turitg
Examen professiunal (EP)
Cun certificat professiunal: spezialist / spezialista da process, spezialist / spezialista da producziun, spezialist / spezialista da fashion, colurist / colurista
Examen professiunal superiur (EPS)
Cun diplom federal: maister / maistra da textilias, maister / maistra d’industria, designer / designra da fashion
Scola spezialisada superiura (SSS)
P.ex. tecnicist / tecnicista textil SSS, interprendider / interprendidra da textilias SAS, concepider / concepidra SSS design da products
Scola auta spezialisada (SAS)
Direcziuns da studis en champs spezials parentads, p.ex. Bachelor of Arts (SAS) en design da products e d’industria, Bachelor of Science (SAS) en tecnica da maschinas. Tut tenor scola auta professiunala valan autras cundiziuns d'admissiun.
Direcziuns da studis a la STF (titel entras la University of West London): Bachelor (Hons) en Textile Business Management, Bachelor (Hons) en Fashion Design & Technology
Direcziuns da studis a la STF (titel entras la University of West London): Bachelor (Hons) en Textile Business Management, Bachelor (Hons) en Fashion Design & Technology
Professiuns sumegliantas
