Tecnologa da chemia e farmaceutica AFQ
Tecnolog da chemia e farmaceutica AFQ
Correspunda questa professiun a mai?![[object Object],[object Object]](https://media.sdbb.ch/transform/13bbfb4f-8c09-4ae1-88f9-757138e7f106/ChemPharmaTech-FV-141-JPG?io=transform:fill,width:740,height:490)
1. onn d’emprendissadi: CHF 750–850.–
2. onn d’emprendissadi: CHF 900–1050.–
3. onn d’emprendissadi: CHF 1200–1400.–
Tecnologs e tecnologas da chemia e farmaceutica produceschan products chemics, biologics e farmaceutics. Ultra da quai surveglian els ils andaments da la producziun e fan pitschnas reparaturas als indrizs.
Incumbensas
- diriger e survegliar ils indrizs da fabricaziun automatisads, cun ils quals vegnan producids ed optimads medicaments, products fitosanitars e colurants sco era cosmetics
- preparar l'andament da la producziun
- unir las materias processualas il dretg temp e guardar ch’ils parameters sco per exempel temperatura e squitsch correspundian a las valurs fixadas en las prescripziuns
- eliminar ils disturbis en l'andament da la producziun
- controllar singuls pass processuals sco per exempel reacziun chemica, fermentaziun, furmaziun da tablettas, destillaziun, extracziun e filtraziun
- survegliar, observar e protocollar tut ils pass da lavur
- prender provas e las examinar cun ils indrizs d’analisa sch'i fa basegn
- resguardar las prescripziuns davart la protecziun da la sanadad e da l’ambient sco era davart la segirezza da lavur
Ambient da lavur
Tecnologs da chemia e farmaceutica lavuran en differents manaschis d’industria, p. ex. da l’industria da chemia, agrochemia, biotecnologia u cosmetica.
Ils implants èn per ordinari en funcziun da tuttas uras e pretendan perquai lavur en squadras. La purschida da plazzas d’emprendissadi correspunda circa a la dumonda. Spezialmain en las regiuns da Basilea e dal Vallais datti bleras pussaivladads da lavurar en manaschis gronds. En autras regiuns datti cunzunt interpresas pitschnas e mesaunas.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Moda da lavurar sistematica
- Moda da lavurar conscienziusa ed exacta
- Dun d'observar
- Inschign manual
- Perseveranza e capacitad da tegnair la dira
- Resistenza corporala
- Lavurar en moda exacta
- Schliar incumbensas tecnicas
- Lavurar cun maschinas
- Experimentar, perscrutar
- Planisar, organisar
Scolaziun
En in manaschi d’industria che producescha e sviluppescha products chemics, agrochemics, biotecnologics, farmaceutics u cosmetics.
1.5 dis per emna a la scola professiunala.
Emprender, approfundar ed exercitar las basas professiunalas, durant 45 dis en 3 onns.
3 onns
- Tecnologia da chemia
- Farmatecnologia
- Biotecnologia
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Tecnolog / Tecnologa da chemia e farmaceutica AFQ
Furmaziun cuntinuonta
Curs
purschidas d’interpresas, dad «aprentas» sco er da scolas professiunalas e d’associaziuns professiunalas
Examen professiunal (EP)
p. ex. tecnolog / tecnologa da chemia
Scola spezialisada superiura (SSS)
tecnicist diplomà / tecnicista diplomada en la tecnica da sistems cun approfundaziun en tecnica farmaceutica e chemica
Scola auta spezialisada (SAS)
Bachelor of Science (SAS) en chemia, resp. Bachelor of Science (FHNW) en Molecular Life Sciences u Life Science Technologies cun approfundaziun en tecnica farmaceutica u medicinala, Bachelor of Science (HES-SO) en Life Technologies, Bachelor of Science (ZFH) en biotecnologia, Bachelor of Science (ZFH) en inschigneria da l‘ambient
Professiuns sumegliantas
