Practicist da chemia e farmaceutica AFP
Practicista da chemia e farmaceutica AFP
![[object Object],[object Object]](https://media.sdbb.ch/transform/b046b447-a0b9-4a51-816c-1a8323b62e9b/BE_14_Chemie-und-Pharmapraktiker_FM-JPG?io=transform:fill,width:740,height:490)
1. onn d’emprendissadi: CHF 650–750.–
2. onn d’emprendissadi: CHF 800–850.–
Practicistas e practicists da chemia e farmaceutica gidan a producir medicaments, products cosmetics ed auters products chemics. Ellas ed els utiliseschan materias primas che pon esser privlusas. Observond las instrucziuns da lur persunas superiuras exequeschan ellas ed els ils process cun agid d'apparats e d'installaziuns. Ellas ed els preparan ils apparats per ils ulteriurs pass da lavur e nettegian e controlleschan quels suenter ils pass da lavur.
Incumbensas
- determinar las materias primas e prender emprovas per il process da producziun, per exempel tscherner cun grond quità las buts cun ils differents products
- transportar ils products cun agid da differents sistems da transport ed als magasinar correctamain
- retrair las materias primas or dals recipients ed or dals vaschs e preparar tenor las instrucziuns
- installar ils plazs da lavur, ils instruments ed ils apparats per il process da producziun
- preparar ed installar tenor las prescripziuns da segirezza sistems da stgaudar e da sfradentar sco er sistems idraulics ed electrics per il process da producziun
- dismetter u reciclar tenor instrucziun il material restant ed ils ruments
- inserir las materias primas en ils apparats ed en las installaziuns ed observar ils process da producziun
- realisar ils process tecnics tenor las prescripziuns dal manaschi, sco stgaudar, sfradentar, maschadar, truschar, filtrar, destillar, setgentar, springir e pachetar
- inscriver en in cudesch da protocols tut las observaziuns dal process durant l'elavuraziun, sco per exempel la temperatura e la durada
- retrair tut ils products u tut las substanzas or dals apparats ed or da las installaziuns suenter ch'il process è terminà
- nettegiar e tgirar ils apparats, las installaziuns ed ils urdains pitschens, sco ils cups da mesirar ed ils pistuns
- tegnair nets ils plazs ed ils locals da lavur
- controllar – suenter il nettegiament – sch'ils apparats e las installaziuns funcziunan
Ambient da lavur
Practicistas e practicists da chemia e farmaceutica lavuran en ils labors da firmas spezialisadas. Ellas ed els portan in equipament da protecziun individual, sco egliers, mascrina per la fatscha, guants, protecziun da la fatscha, overal ed in chapitsch arià e ston observar strictamain las mesiras da segirezza. Ellas ed els collavuran principalmain cun tecnologas e tecnologs da chemia e farmaceutica, che surveglian lur lavur. En quest sectur vegn producì durant 7 dis l'emna, quai signifitga temps da lavur irregulars e servetschs da notg, er durant las fins d'emna.
Practicistas e practicists da chemia e farmaceutica lavuran il pli savens en manaschis da producziun da l'industria chemica, agrochemica, biotecnologica, farmaceutica u cosmetica. La purschida da plazzas d'emprendissadi correspunda circa a la dumonda. Cunzunt en las regiuns da Basilea e dal Vallais datti bleras pussaivladads da lavurar en manaschis gronds. En autras regiuns predomineschan las interpresas pli pitschnas e mesaunas.
Pretensiuns e interess
- Abilitad da lavurar en in team
- Prontezza da lavurar durant uras irregularas u servetschs da notg
- Moda da lavurar sistematica
- Resistenza corporala
- Moda da lavurar conscienziusa ed exacta
- Dun d'observar
- Perseveranza e capacitad da tegnair la dira
- Lavurar en moda exacta
- Schliar incumbensas tecnicas
- Lavurar cun maschinas
- Experimentar, perscrutar
- Planisar, organisar
Scolaziun
En in manaschi da producziun u da svilup da l'industria chemica, agrochemica, biotecnologica, farmaceutica u cosmetica.
1 di per emna a la scola professiunala.
Emprender la lavur pratica, approfundar ed exercitar las basas professiunalas, 24 dis durant 2 onns.
2 onns
Terminà la scola obligatorica
Practicist / Practicista da chemia e farmaceutica AFP
Furmaziun cuntinuonta
Curs
Purschidas da scolas spezialisadas e da scolas professiunalas spezialisadas sco er da l'associaziun aprentas
Emprendissadi supplementar
Practicistas e practicists da chemia e farmaceutica AFP pon per regla far in emprendissadi scursanì sco tecnologa / tecnolog da chemia e farmaceutica AFQ. Suenter pon vegnir absolvidas las medemas furmaziuns supplementaras sco ina tecnologa u in tecnolog da chemia e farmaceutica AFQ.
Professiuns sumegliantas
