Galvanostegista AFQ
Galvanostegist AFQ
![[object Object],[object Object]](https://media.sdbb.ch/transform/9205da88-1f35-46a0-bf5e-3aea3488b190/_IKA4101-jpg?io=transform:fill,width:740,height:490)
1. onn d’emprendissadi: CHF 650.–
2. onn d’emprendissadi: CHF 790.–
3. onn d’emprendissadi: CHF 1100.–
Galvanostegistas e galvanostegists AFQ elavuran e protegian surfatschas d’objects ord metal u materia sintetica cun metter els en bogns galvanics u chemics. Per far quai surtirain els ina fina rasada d’in metal u d’in auter material sin la surfatscha dals objects sablunai u pulids. Uschia vegnan quels nobilisads, vegnan main spert da ruina e daventan pli conductivs ed isolads.
Incumbensas
- analisar la structura da la surfatscha e definir ils detagls per il tractament preliminar u la fermezza da la forza electrica
- eleger tut tenor l’object il med da tractament adattà
- definir la quantitad da las parts integralas e da las substanzas chemicas necessarias per la soluziun da sal metallic, l’uschenumnà electrolit
- far bogns d’electrolit, analisar e survegliar
- sfunsar ils objects en ils bogns d’electrolit e resguardar - tut tenor metal - ils differents temps da tractament
- far controllas d’auta precisiun da las rasadas da metal durant ch’il metal sa distatga ed interprender mesiras correspundentas tar irregularitads
- diriger e survegliar ils indrizs galvanics automatisads en ils quals ils metals sa depositeschan cun agid da l’electricitad
- tractar las chemicalias cun las mesiras da precauziun necessarias per proteger ils collavuraturs e l’ambient
- lavar ils objects suenter il tractament ed modifitgar las surfatschas sche necessari
- metter puspè en funcziun ils bogns d’electrolit suenter la purificaziun
- documentar las lavurs, ils tests, las analisas e las controllas da qualitad
- endrizzar e calibrar (drizzar exactamain) ils indrizs, ils apparats e las maschinas
- mantegnair ils indrizs tecnics sco pumpas, maschinas da pulir u mesirar ed instruments da controlla ed examinar ch’els funcziunian correctamain
- exequir reparaturas pitschnas
Ambient da lavur
Tut tenor manaschi, abilitads ed experientscha sa spezialiseschan galvanostegistas e galvanostegists per exempel sin la galvanotecnica generala, sin la galvanotecnica da metals prezius, sin la tecnica da surcromar ferm, sin la producziun da tocca per l’industria da stampa. Tut tenor ils products utilisads dovra la glieud da professiun vestgadira da protecziun, sco egliers, guants u mascrinas e sto sa tegnair exactamain vid las perscripziuns da segirezza. Forza fisica è d’avantatg, perquai che las persunas professiunalas ston star bler en pe e sa muentar bler.
Galvanostegistas e galvanostegists èn persunas dal fatg dumandadas sin il martgà da lavur. En Svizra lavuran ellas cunzunt sin il sectur da l’industria d’uras e bischutaria u en la producziun da tocca da construcziun u maschinas.
Pretensiuns e interess
- Moda da lavurar sistematica
- Moda da lavurar conscienziusa ed exacta
- Inschign manual
- Dun per cifras
- Abilitad da lavurar en in team
- Abilitads analiticas
- Chapientscha tecnica
- Resistenza corporala
- S'occupar cun electricitad ed electronica
- Lavurar cun ils mauns
- Elavurar metal
Scolaziun
En in manaschi spezialisà en la surtratga da surfatschas u en la galvanotecnica
1 di l'emna a la scola professiunala
Tar differents temas
3 onns
Temp da scola obligatoric terminà
Fitg bunas prestaziuns da scola permettan da frequentar la scola da maturitad professiunala durant la furmaziun da basa.
Galvanostegist / Galvanostegista AFQ
Furmaziun cuntinuonta
Curs
Purschidas da scolas professiunalas e spezialisadas
Examen professiunal (EP)
P.ex. spezialista galvanotecnica cun certificat federal
Scola spezialisada superiura (SSS)
P.ex. tecnicist dipl. SSS, electrotecnica u tecnicista dipl. SSS construcziun en metal
Scola auta spezialisada (SAS)
P.ex. Bachelor of Science (SAS) en chemia resp. Life Science u Bachelor of Science (SAS) en electrotecnica, e.u.v.
En Germania
Tecnicist / Tecnicista da la direcziun speziala galvanotecnica, p.ex. a Schwäbisch Gmünd, Solingen, Ilmenau u a Nürnberg
Professiuns sumegliantas
