![[object Object],[object Object]](https://media.sdbb.ch/transform/3edab6d0-d4e6-4c2c-8e65-5b21bd3273eb/Schreinerin-JK-129-jpg?io=transform:fill,width:740,height:490)
1. onn d’emprendissadi: CHF 700.–
2. onn d’emprendissadi: CHF 1000.–
3. onn d’emprendissadi: CHF 1350.–
4. onn d’emprendissadi: CHF 1650.–
Scrinaris e scrinarias construeschan mobiglias ed exequeschan construcziuns d’interiurs, els fabritgan e monteschan elements da construcziun, reparan vehichels ed utensils da lain u construeschan skis. Cun guaffens u maschinas elavuran els lain massiv, materials da lain, materias sinteticas e metals.
Incumbensas
- prender encunter giavischs da la clientella u leger plans dals incumbensaders
- designar skizzas u plans detagliads a maun u cun CAD (computer aided design)
- far planisaziuns da material, empustar material, planisar pass da lavur, calcular ils custs
- tagliar, splanar, furar, fresar e glimar lain u auter material a maun u vi da grondas maschinas staziunaras e vi da maisas d’elavuraziun CNC (computerized numerical control) dirigidas dal computer, montar las parts da construcziun nua ch'i è necessari
- tractar las surfatschas, p.ex. cun glimar, empizzir, dar si lac e montar ferradira
- direcziun mobiglias e construcziun d'interiurs: fabritgar mobiglias singulas e construcziuns d'interiurs montar quellas. Latiers tutgan maisas, stgaffas e corpus, indrizs da cuschinas, portas internassco er tavlegiada e cuvrida da palantschieus sura.
- direcziun construcziun e fanestras: fabritgar e montar ischs exteriurs, fanestras, barcuns e cucheras, montar ils vaiders da fanestras
- direcziun roder: construir e reparar parts da lain da vehichels, gieus ed urdains da sport u utensils da lain per il tegnairchasa, p.ex. rodas cun fis u timuns, carossarias da lain, charrins, scarsolas, stgaleras, mobiglias da curtin e stgalas
- direcziun construcziun da skis: producir skis e snowboards (ord lain, metal, materia sintetica e fibra da vaider) ed exequir lavurs da service
- far reparaturas e renovaziuns da construcziuns d'interiurs existentas, da mobiglias, d'apparats ed utensils
- mantegnair guaffens, apparats e maschinas, dismetter il rument adattà a l'ambient u al reciclar, nettegiar il plaz da lavur
- garantir la segirezza al plaz da lavur, enconuscher las mesiras davart la protecziun da l'ambient e las normas da la protecziun da lavur
Ambient da lavur
Scrinaris e scrinarias lavuran en manaschis da l'elavuraziun da laina, en manaschis da mobiglias e construcziun u en auters manaschis ch'èn spezialisads en la direcziun correspundenta. Las bleras plazzas d'emprendissadi datti en la direcziun mobiglias/construcziun d'interiurs e construcziun/fanestras. Mo paucs manaschis porschan las duas direcziuns d’emprendissadi construcziun da skis e roder.
La branscha da laina svizra crescha e la materia prima lain è favuraivla a l'ambient e schanegia il clima.
Pretensiuns e interess
- Imaginaziun tridimensiunala
- Inschign manual
- Moda da lavurar conscienziusa ed exacta
- Dun per cifras
- Talent da dissegnar
- Abilitad da lavurar en in team
- Resistenza corporala
- Gronda toleranza da canera
- Elavurar lain
- Lavurar cun ils mauns
- Lavurar en moda exacta
- Planisar, construir, far dissegn tecnic
Scolaziun
En ina scrinaria u en in lavuratori d’emprendissadi (Basilea, Berna, Hausen am Albis, Turitg, Samedan) mo direcziun mobiglias/construcziun d’interiurs
1 di per emna a la scola professiunala
Emprender ed exercitar a moda pratica la basa professiunala
4 onns
- Mobiglias/construcziun d’interiurs
- Construcziun/fanestras
- Roder
- Construcziun da skis
Temp da scola obligatoric terminà
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Scrinari / Scrinaria AFQ
Furmaziun cuntinuonta
Curs
Purschidas da scolas spezialisadas e professiunalas sco era da l’Associaziun svizra dals maisters scrinaris e fabricants da mobiglias (ASSFM)
Furmaziun da basa scursanida
P.ex. lainari / lainaria AFQ, dissegnader / dissegnadra AFQ (direcziun d’architectura d’interiurs)
Diplom da l’associaziun ASSFM
Spezialist / spezialista da producziun ASSFM
Examen professiunal (EP)
Manader / manadra da project scrinaria cun certificat professiunal federal, manader / manadra da producziun cun certificat professiunal federal
Examen professiunal superiur (EPS)
Maister scrinari / maistra scrinaria
Scola spezialisada superiura (SSS)
Tecnicist / tecnicista dipl. SSS en tecnica da laina, approfundaziun scrinaria
Scola auta spezialisada (SAS)
Bachelor of Science (SAS) en tecnica da laina u Bachelor of Science (SAS) en architectura d’interiurs . Tut tenor scola auta professiunala valan differentas cundiziuns d'admissiun.
Professiuns sumegliantas
