Lavurs
Els exequeschan suandantas lavurs:
En tut ils accents
- interprender lavurs tecnicas da mesiraziun en la construcziun auta e bassa
- relevar, structurar e visualisar infurmaziuns relativas al spazi per elavurar plans e chartas u metter ensemen datas e graficas
En la mesiraziun uffiziala
- tschiffar la posiziun exacta da cunfins da la parcella, edifizis, vias e mirs
- mesirar il terren cun agid d’apparats che sa basan sin computers e satellits sco per exempel tachimeters u sistems da navigaziun (GPS)
- determinar puncts fixs, mesirar differenzas d’autezza, calcular e marcar puncts exacts
- actualisar ils plans per il register funsil che gidan a determinar la proprietad funsila
- elavurar plans che pon esser ina basa per las planisaziun e las dumondas da construcziun d’architects
En la geoinformaticra
- mesiran il terren en la champagna sch’i fa da basegn
- lavuran al computer cun programs spezialisads da mesiraziun e cun programs da CAD e SIG
- enconuscher ils differents proceders per la registraziun e l'analisa da datas
- evaluar las geodatas e preschentar ils resultats per decisiuns politicas da la planisaziun dal territori e la construcziun
- cun vegnan analisadas, generalisadas e modelladas cun
En la cartografia
- crear chartas topograficas (p.ex. chartas naziunalas) sco chartas tematicas (p.ex. chartas davart l’aviatica).
- analisar models da cuntrada existents, sin fotografias ord l’aria e sin basas scientificas
- analisar e elavurar geodatas cun l’agid da programs da SIG, CAD e programs da layout uschè ch'ellas èn pli simplas da leger
Scolaziun
Basa legala
Ordinaziun federala 7-10-2009 (versiun1-1-2018)
Durada
4 onns
Accents da scolaziun
- mesiraziun uffiziala
- geoinformatica
- cartografia
Furmaziun en la pratica
mesiraziun uffiziala e geoinformatica: en in biro d’inschigneria, en in uffizi da mesiraziun u en in’ovra (electrica, idraulica euv.);
cartografia: en l’Uffizi federal da topografia naziunala swisstopo a Wabern u en l’Uffizi federal da statistica a Neuschatel
Furmaziun en scola
Curs da bloc 10 emnas per onn d’emprendissadi a la Baugewerbliche Berufsschule Zürich BBZ
Roms professiunals
- registrar datas
- elavurar datas
- emetter datas
- realisar standards da lavur e qualitad
Curs ordaifer il manaschi
Emprender ed exercitar a moda pratica la basa professiunala
Maturitad professiunala
Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.
Diplom
Attestat federal da qualificaziun "geomaticher / geomaticra AFQ"
Premissas
Furmaziun preliminara
- temp da scola terminà
- bunas prestaziuns en matematica ed informatica
Pretensiuns
- bun’imaginaziun dal spazi
- patratgar logic
- sperta capacitad cumprensiva
- bun dun d’observaziun
- moda da lavurar disciplinada, fitg exacta e conscienziusa
- talent d’organisar
- cunzunt per l’accent da la mesiraziun uffiziala: plaschair vi da la lavur en il liber resp. esser resistent a l’aura
- cunzunt per l’accent geoinformatic: interess vi da l’informatica
- cunzunt per l’accent cartografic: senn per la creaziun sco era buna capacitad da distinguer colurs e buna vesida damanaivel
Furmaziun supplementara
Curs
purschidas da scolas spezialisadas e professiunalas sco era d’associaziuns professiunalas
Examen professiunal (EP)
tecnicist / tecnicista da geomatica cun certificat professiunal federal
Scola spezialisada superiura (SSS)
p.ex. tecnicist diplomà / tecnicista diplomada SSS planisaziun da construcziun, tecnicist diplomà / tecnicista diplomada SSS informatica, tecnicist diplomà / tecnicista diplomada SSS per l’economia da medias
Scola auta spezialisada (SAS)
p.ex. Bachelor of Science (SAS) en geomatica, Bachelor of Science (SAS) en planisaziun dal territori, Bachelor of Science (SAS) en informatica, Bachelor of Arts (SAS) en communicaziun visuala
Cundiziuns da lavur
Geomatichers e geomaticras lavuran en uffizis da mesiraziun da vischnancas, chantuns u da la Confederaziun sco era en biros da mesiraziun e d’inschigneria privats. L’offerta da plazzas d’emprendissadi sa differenziescha da regiun tar regiun, ella è dentant en general plitost pitschna. Cunzunt en il sectur da cartografia datti mo paucas plazzas d’emprendissadi per onn. En il sectur da la geoinformatica è la purschida d'emprendissadis pli gronda. Las circumstanzas sin il martgà da lavur èn bunas.
Ulteriuras infurmaziuns
Trägerverein Geomatiker/in Schweiz
URL: www.berufsbildung-geomatik.ch
Baugewerbliche Berufsschule Zürich BBZ
URL: www.bbzh.ch
Schweizerische Gesellschaft für Kartografie SGK
URL: www.kartografie.ch
geosuisse - Societad svizra da geomatica e da gestiun dal territori
URL: www.geosuisse.ch
Verband der Fachleute Geomatik Schweiz FGS
URL: www.pro-geo.ch