![[object Object],[object Object]](https://media.sdbb.ch/transform/e1e97d4b-dc8e-45d2-bb03-2959bdbe65f1/003_Konstrukteur_EFZ_DR-jpg?io=transform:fill,width:740,height:490)
1. onn d’emprendissadi: CHF 570–615.–
2. onn d’emprendissadi: CHF 750–815.–
3. onn d’emprendissadi: CHF 985–1065.–
4. onn d’emprendissadi: CHF 1170–1265.–
Sco constructura u constructur fas ti dissegns e plans tecnics al computer per apparats, maschinas ed indrizs mecanics. En quest connex sviluppas ti tocs singuls u gruppas da construcziun per products u per indrizs da producziun novs u existents. Ultra da quai fas ti documents per la montascha, il manaschi e la controlla dals products.
Incumbensas
- examinar dumondas per projects e sclerir quellas cun incumbensadras ed incumbensaders
- analisar las pretensiuns e las funcziuns che la maschina u l'indriz planisà sto ademplir
- far in plan dal project cun ils differents pass da lavur, cun il material necessari e cun ils termins
- elavurar soluziuns, p.ex. cun skizzas e dissegns al computer (CAD)
- guardar che las maschinas ed ils indrizs sajan segirs, ecologics e bain utilisabels
- dissegnar elements da construcziun al computer en differentas vistas, p.ex. da surengiu, da davant, en 2D ed en 3D
- inditgar las dimensiuns e las divergenzas permessas dals singuls elements da construcziun sco er la structura da lur surfatscha
- calcular il pais, la surfatscha u il volumen dals elements da construcziun
- tscherner il material adattà, far attenziun a las caracteristicas dal material, als custs ed a la durabilitad
- calcular ed empustar la quantitad dal material necessari
- far – ensemen cun il manader da producziun – ina glista dals utensils ch'ins dovra ed als empustar ubain producir sez tals
- far prototips u models d'in sistem e controllar quels a maun da las prescripziuns
- survegliar il progress da las lavurs
- far in plan da montascha
- scriver l'instrucziun da diever e da mantegniment sco er las datas tecnicas davart la maschina en tudestg u en ina lingua estra
- scolar il persunal per duvrar las maschinas ed ils sistems
Ambient da lavur
Sco constructura u constructur lavuras ti oravant tut en biro. Mintgatant lavuras ti er en lavuratoris per controllar las maschinas ed ils elements da construcziun ch'èn vegnids producids tenor tes plans. Durant la lavur stas ti savens. Tut tenor la situaziun has ti contact cun la clientella ed ils furniturs.
Ti has bleras pussaivladads e chattas p.ex. plazzas en l'industria da maschinas, d'electro e da metal (MEM) u en biros d'inschigneria per la mecanica, la robotica, l'aviatica e l'astronautica u per la tecnica d'edifizis. Novs programs da computer e materialias midan cuntinuadamain la lavur. Perquai duessas ti absolver cuntinuadamain furmaziuns supplementaras per tegnair pass cun il svilup tecnologic.
Pretensiuns e interess
- Talent da dissegnar
- Imaginaziun tridimensiunala
- Dun per cifras
- Chapientscha tecnica
- Moda da lavurar conscienziusa ed exacta
- Moda da lavurar sistematica
- Abilitad da sa concentrar
- Abilitad da lavurar en in team
- Planisar, construir, far dissegn tecnic
- Lavurar al computer
- Lavurar cun cifras
- Schliar incumbensas tecnicas
- Lavurar en moda exacta
Scolaziun
La scolaziun vegn fatga sco emprendissadi en in manaschi u en ina scola a temp cumplain.
furmaziun pratica en in manaschi da l'industria da maschinas, d'electronica e da metal (industria MEM): 3-4 dis per emna
1 fin 2 dis per emna en las scolas professiunalas spezialisadas chantunalas
en plirs chantuns: 57 dis durant 4 onns.
4 onns
terminà la scola obligatorica
Sche las prestaziuns da scola èn fitg bunas, pon ins frequentar la scola da maturitad professiunala durant la furmaziun da basa.
Constructur / Constructura AFQ
Furmaziun cuntinuonta
Curs
Curs da l'associaziun Swissmem Academy
Emprendissadi supplementar
Sco mecanista u mecanist da producziun pos ti per regla far in emprendissadi scursanì da polimecanista u polimecanist AFQ.
Examen professiunal (EP)
- Spezialist / Spezialista da process EP
- Commerziant tecnic / Commerzianta tecnica EP
- Spezialist / Spezialista d'automatica EP
Examen professiunal superiur (EPS)
- Directur / Directura da producziun industriala EPS
Scola spezialisada superiura (SSS)
- Tecnicist / Tecnicista da construcziun da maschinas SSS
Scola auta spezialisada (SAS)
- Bachelor of science en scienzas da l'inschigneria da maschinas
- Bachelor of science en mecatronica
- Bachelor of science en microtecnica
- Bachelor of science en electrotecnica e tecnologia d'infurmaziun
Tut tenor la scola auta spezialisada valan differentas cundiziuns d'admissiun.
Eveniments
Professiuns sumegliantas
Ulteriuras infurmaziuns
- Swissmem
Verband für KMU und Grossfirmen der Schweizer Tech-Industrie
- Swissmem: Ausbildung
- Verband Ausbildung Konstrukteure Bern (VAKB)
- Faszination Technik
Technische Lehrberufe in der Schweiz
- TODO