Zum Titel springen

Urer / Urera da producziun AFQ

Urers ed ureras da producziun mettan ensemen uras mecanicas, automaticas ed electronicas. Els mainan tras controllas da funcziun e lavurs da revisiun.

Lavurs

Els exequeschan suandantas lavurs:

Montar uras
  • fabritgar guaffens ed equipament
  • metter ensemen uras mecanicas, automaticas e simplas uras electronica, sco er montar e demontar cronografs
  • entular mecanissems da l'ura
  • drizzar e regular l'ura
  • ademplir da tut temp las pretensius da precisiun
Exequir reparaturas
  • examinar e controllar
  • remplazzar tocca rutta (p.ex. vaiders da las uras, plat da lura, lantschettas) e far reparaturas
Lavurar vid il process da producziun
  • organisar las lavurs da la producziun ed eliminar mancos e disturbis en il process da producziun
  • fabritgar documentaziuns electronicas per la producziun
  • far diever da las mesiras da qualitad
  • garantir la segirezza da lavur, sco er garantir la protecziun da sanadad e protecziun da l'ambient

Scolaziun

Basa legala

Ordinaziun federala 19-12-2014 (versiun dal 1-1-2022)

Durada

3 onns

Furmaziun en la pratica

En in manaschi da l’industria d’uras

Furmaziun en scola

1½ di per emna a la scola professiunala ZeitZentrum a Grenchen

Cuntegns

  • fabritgar apparats specifics per la branscha, applitgar las directivas areguard segirezza da la lavur, protecziun da la sanadad e da l’ambient
  • metter ensemen tocs singuls
  • drizzar e regular da precisiun
  • collavurar al process da producziun

Curs ordaifer il manaschi

Emprender ed exercitar a moda pratica la basa professiunala

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "urer / urera da producziun AFQ"

Premissas

Furmaziun preliminara
  • temp da scola obligatoric terminà
  • bunas prestaziuns en matematica e fisica
Pretensiuns
  • abilitad da s’imaginar chaussas en il spazi
  • inschign manual
  • pensar logic
  • bun dun da percepziun
  • enclegientscha tecnica
  • pazienza e perseveranza
  • abilitad da sa concentrar
  • senn per urden e nettezza
  • vesida normala (era vesida curregida)

Furmaziun supplementara

Curs

purschidas da la federaziun da patruns da l’industria d’uras svizra e da scolas spezialisadas da la branscha d’uras

Urer / urera AFQ

urers / ureras da producziun pon frequentar ina furmaziun da basa scursanida sco urer / urera AFQ (access al 3. onn da furmaziun da basa).

Examen professiunal superiur (EPS)

maister urer
Actualmain na vegnan manads tras nagins examens.

Scola spezialisada superiura (SSS)

p.ex. tecnicist / tecnicista microtecnica dipl. SSS (cun differentas approfundaziuns), tecnicist / tecnicista dipl. SSS construcziun da maschinas, approfundaziun tecnica da producziun

Scola auta spezialisada (SAS)

p.ex. Bachelor of Science (SAS) en microtecnica, Bachelor of Arts (SAS) en design da product ed industria. Tut tenor scola auta spezialisada valan differentas cundiziuns d'admissiun.

Cundiziuns da lavur

Urers da producziun èn spezialists tschertgads. Els lavuran tant en l’industria d’uras sco er en fatschentas spezialisadas d’uras sco er en manaschis da la microtecnica, da la tecnica medicinala u en autras branschas da precisiun.

La purschida da plazzas d’emprendissadi per urers da producziun sa limitescha principalmain sin la regiun da l’industria d’uras en l’artg dal Giura tranter Genevra e Schaffusa.

Ulteriuras infurmaziuns

ZeitZentrum Uhrmacherschule
2540 Grenchen
Tel: +41 32 654 27 00
URL: www.bbzsogr.so.ch

Arbeitgeberverband der schweiz. Uhrenindustrie
2301 La Chaux-de-Fonds
Tel: +41 32 910 03 83
URL: www.berufe-uhrentechnik.ch

Verband Schweizer Goldschmiede und Uhrenfachgeschäfte VSGU
6210 Sursee
Tel: +41 41 926 07 92
URL: vsgu-ashb.ch



berufsberatung.ch