?global_aria_skip_link_title?

Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 17. Mai zwischen 17:00 Uhr und 24:00 Uhr zu einzelnen Ausfällen kommen.

Tschentapalantschieus-tschentaparchets AFQ

Tschentapalantschieus-tschentaparchets mettan palantschieus da lain, da laminat, da linoleum, da materia sintetica, da cautschuc e da corc sco er da tarpuns. Els s’occupan er da las construcziuns da basa, reparaturas e tractaments da la surfatscha.

Lavurs

Els exequeschan suandantas lavurs:

Preparaziun
  • leger e chapir plans, dissegns ed instrucziun dals patruns
  • cussegliar la clientella tar l'elecziun dal material per il palantschieu, cussegliar la colur ed ils musters, mirar ensemen catalogs e musters
  • mesirar surfatschas che vegnan tschentadas, calcular la quantitad dal material, scriver las calculaziuns dals custs,  fixar termins
  • empustar material, organisar transport e deposit
Tschentar funds
  • examinar il fundament, sche necessari allontanar vegls funds
  • preparar, gulivar, glimar, nettegiar e reparar la surfatscha sch'i fa basegn
  • dar si ina pictura da fund, spategliar, sigillar e construir ina construcziun da fundament sco er adattar l'isolaziun da chalur e tun
  • rullar ora funds textils u elastics (tarpuns, linoleum, cautschuc), metter si cola, tschentar sisur sdrimas tagliadas, pressegiar cun ina splattitscha fin ch'ellas tatgan perfetgamain e guardar per ina cusadira netta e quasi invisibla
  • tschentar parchets (ord ruver, fau, fraissen u auter lain) palantschieus da corc e laminat, coordinar bain las colurs, crear musters, tatgar u enguttar, resgiar nua ch'i fa basegn
  • montar glistas e profils da finiziun (urs da scalas, savas da l'isch)
  • dar si spezials meds per funds extraordinaris per levgiar la tgira dal palantschieu
  • glimar, sigillar, dar en tschaira u ieli als palantschieus
Segirezza e protecziun dal ambient
  • enconuscher e duvrar correctamain guaffens e maschinas
  • dismetter il rument adattà al ambient u al reciclar
  • enconuscher e far diever da las perscripziuns per la segirezza da lavur e la protecziun da l'ambient

Scolaziun

Basa legala

Ordinaziun federala 16-12-2011 (versiun dal 1-1-2018)

Durada

3 onns

Direcziuns

  • palantschieus textils ed elastics
  • parchets

Furmaziun en la pratica

En in manaschi spezialisà da palantschieus e/u da parchet u en in manaschi da decoraziun d’interiurs

Furmaziun en scola

1 di per emna a la scola professiunala

Roms professiunals

Roms professiunals

  • preparar la construcziun da basa, mesirar, controllar,
  • tschentar palantschieus e parchets

Curs ordaifer il manaschi

emprender ed exercitar las basas professiunalas a moda pratica

Maturitad professiunala

Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

Diplom

Attestat federal da qualificaziun "tschentapalantschieus-tschentaparchets AFQ"

Premissas

Furmaziun preliminara
  • Temp da scola obligatoric terminà
Pretensiuns
  • inschign manual
  • imaginaziun dal spazi
  • constituziun robusta
  • sanadad robusta
  • movibilitad corporala
  • buna demananza

Furmaziun supplementara

Curs

purschidas da scolas spezialisadas e professiunalas sco er da l’associaziun BodenSchweiz e da l’associaziun d'interess da l'industria da parchets svizra

Scolaziun da basa scursanida

furmaziun supplementara dad 1 onn en l’autra direcziun da professiun (palantschieus textils u elastics resp. parchets)

Examinaziun da la federaziun

manader / manadra da team dal plazzal

Examen professiunal (EP)

cun certificat professiunal federal p.ex. schef tschentaplattas tschentaplattas, cussegliadra da palantschieus

Examen professiunal superiur (EPS)

maister tschentaplattas / maistra tschentaplattas

Scola spezialisada superiura (SSS)

curs da furmaziun en direcziuns spezialas parentadas, p.ex. tecnicher / tecnicra dipl. SSS surveglianza da construcziun, approfundaziun architectura d’interiurs

Scola auta spezialisada (SAS)

studis en direcziuns spezialas parentadas, p.ex. Bachelor of Arts (SAS) en architectura d’interiurs. Tut tenor scola auta spezialisada valan differentas cundiziuns d'admissiun.

Cundiziuns da lavur

Tschentapalantschieus-tschentaparchets lavuran oravant tut en manaschis spezialisads da palantschieus e/u da parchet sco er en manaschis da decoraziun d’interiurs. La plipart da questas interpresas industrialas fan palantschieus textils ed elastics sco er palantschieus da lain.

Pussaivladads d’engaschament datti er tar interpresas commerzialas, nua che tschentapalantschieus-tschentaparchets lavuran sco cussegliaders tecnics u sco disponents. Damai ch'els fan lur lavur cunzunt en schanuglias portan els protecturs da schanuglias. Encunter pulvra e canera sa protegian els cun mascra e protecziun d'udida.

Els han bunas schanzas sin il martgà da lavur. Cun ina scolaziun da basa scursanida mintgamai en l’autra direcziun megliereschan els lur pussaivladads da lavur.

Ulteriuras infurmaziuns

BodenSchweiz
5036 Oberentfelden
Tel: +41 62 822 29 40
URL: www.boden-parkettleger.ch

Interessengemeinschaft der Schweiz. Parkett-Industrie ISP
3627 Heimberg
Tel: +41 33 438 06 40
URL: www.parkett-verband.ch



berufsberatung.ch