![[object Object]](https://media.sdbb.ch/transform/05f01e67-15e8-4b36-a54f-4f16a49091dd/BodenParkettlegerEFZ-HH-2103-jpg?io=transform:fill,width:740,height:490)
1. onn d’emprendissadi: CHF 850.–
2. onn d’emprendissadi: CHF 1050.–
3. onn d’emprendissadi: CHF 1300.–
Sco tschentapalantschieus-tschentaparchets tschentas ti tarpuns e cuvridas, p.ex. da lain, laminat, material sintetic e cucun. Ti protegias, embelleschas e reparas palantschieus en differents edifizis, p.ex. en abitaziuns, fatschentas, scolas u edifizis d'industria.
Incumbensas
- leger e chapir ils plans, ils dissegns e las instrucziuns da l'architecta d'interiurs u dal patrun da construcziun
- discutar ils giavischs da la clientella
- cussegliar la clientella tar la tscherna dal material, la colur ed il muster
- guardar cuminaivlamain catalogs e musters
- mesirar las surfatschas, calcular la quantitad dal material, fixar termins e far offertas
- empustar, transportar e depositar il material
- controllar il stadi dal funs u da la paraid ed allontanar cuvridas veglias
- preparar, gulivar e nettegiar la surfatscha
- reparar surfatschas donnegiadas
- dar si vernisch da basa e gulivar
- stuppar surfatschas e tschentar ina subconstrucziun
- plazzar l'isolaziun termica u acustica
- tscherner la tecnica adattada, tut tenor quant gronda che la surfatscha è e co ch'il sutterren ed il spazi èn
- rudlar ora tarpuns u autras cuvridas da palantschieu, montar cun colla e stagnar cun ina zulla
- tagliar la cuvrida en moda exacta, adattar ed emplenir las chavas
- metter ensemen, adattar, collar e guttar parchet da lain massiv u da laminat. Resguardar che las colurs ed ils musters van bain ensemen
- tschentar lattas, urs da stgalas e savas da l'isch
- glimar, sigillar, dar si tschaira u ieli cun maschinas a palantschieus da parchet, per als proteger e tgirar
Ambient da lavur
Sco tschentapalantschieus-tschentaparchets lavuras ti en edifizis abitads ed edifizis novs. En connex cun tias lavurs es ti savens en schanuglias e mintgatant en posiziuns malempernaivlas. Ti es en gir sin plazzals ed en chasadas privatas e collavuras cun autras persunas spezialisadas dal sectur da construcziun e da construcziuns d'interiurs. Tes temps da lavur èn regulars.
Ti chattas engaschaments tar fatschentas spezialisadas per cuvridas da palantschieus e per parchet u tar manaschis da decoraziun interiura. Novas materialias procuran, ch'i dat er pussaivladads da lavurar en spartas specificas, p.ex. tschentar palantschieus da sport u palantschieus antistatics. Ti pos er ta spezialisar sin la vendita u lavurar en moda independenta.
Pretensiuns e interess
- Inschign manual
- Resistenza corporala
- Imaginaziun tridimensiunala
- Moda da lavurar conscienziusa ed exacta
- Senn per estetica
- Moda da lavurar independenta
- Curtaschia e sensibilitad
- Prontezza d'esser savens sin viadi
- Lavurar cun ils mauns
- Esser corporalmain activ
- Elavurar lain
- Lavurar cun taila, tgirom e palpiri
Scolaziun
La scolaziun vegn fatga sco emprendissadi en in manaschi.
furmaziun pratica en ina fatschenta spezialisada per cuvridas da palantschieus, parchet u decoraziun d'interiurs: 4 dis per emna
1 di per emna en las scolas professiunalas spezialisadas chantunalas
Oberentfelden (AG): 22 dis durant 3 onns
3 onns
- cuvridas textilas ed elasticas
- parchet
- terminà la scola obligatorica
- intgins manaschis pretendan in test da qualificaziun
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Tschentapalantschieus-tschentaparchets AFQ cun indicaziun dal sectur professiunal
Furmaziun cuntinuonta
Curs
purschidas da l'associaziun PalantschieuSvizra
Examen professiunal (EP)
- Scheftschentapalantschieus / Scheffatschentapalantschieus EP
- Cussegliader / Cussegliadra da palantschieus EP
- Planisader / Planisadra d'indrizs interns EP
Examen professiunal superiur (EPS)
- Maister / Maistra tschentapalantschieus EPS
Professiuns sumegliantas
