Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Graficher / Graficra AFQ

Grafichers e graficras èn spezialists per l’intermediaziun visuala d’infurmaziuns. Els elavuran e realiseschan concepts per la creaziun da medias stampadas, medias electronicas, localitads u entiras preschentaziuns d’interpresas.

Lavurs

Grafichers creeschan placats, broschuras, cudeschs, revistas, websites, logos per firmas, stans da fiera, exposiziuns etc. Els formuleschan messadis visuals che pon avair per finamira l’infurmaziun u la reclama. Cun meds da creaziun visuals attiran els l’attenziun publica sin in’idea, in product u in’interpresa. Il champ da lavur è vast: davent da corporate design sur creaziun da medias, d’emballadis, d’exposiziuns e da stans da fiera enfin la creaziun didactica.

Cun sviluppar ideas creativas resguardan graficras ils basegns e las intenziuns communicativas da la clientella. Il concepir messadis visuals innovativs ed originals va savens maun en maun cun retschertgas extendidas. Grafichers repassan cun egl critic p.ex. logos da firmas existents u creeschan sin basa da lur evaluaziun insatge nov. Ina schelta da lur ideas preschentan els al client. Durant la creaziun dals detagls preciseschan els il sboz e resguardan latiers il resun ch’els survegnan.

Tar la realisaziun dovran graficras ils apparats da lavur electronics cun clera finamira. Sin lur computers è installada ina design-software professiunala. Ultra da questa software tutgan er scanners, cameras da fotografar e da film tar l’equipament tecnic. Ellas accumpognan la producziun da medias stampadas ed autras medias ed optimeschan tenor basegn il process da producziun.

Grafichers coordineschan tut ils pass da lavur a moda detagliada, collian las persunas involvidas e fan ina planisaziun dal temp. Ensemen cun spezialists dal marketing, da la communicaziun sin il martgà e da las relaziuns publicas sviluppan els mesiras per cuntanscher las finamiras.

Il decurs dal project cumpiglia er incumbensas administrativas. Graficras rimnan tut las prestaziuns ed ils custs da tut las persunas involvidas en il project en in’offerta, latiers sa tegnan ellas vi da las prescripziuns dal budget. Suenter la finiziun dal project mettan ellas a quint las prestaziuns effectivas.

Grafichers vegnan elegids da lur clients sin basa da lur prestaziuns. In cler posiziunament da lur prestaziuns, in portfolio professiunal ed in bun networking èn fitg impurtants per gudagnar novs clients.

Scolaziun

Basa legala

Ordinaziun federala dals 10-8-2009 (versiun dal 1-9-2012)

Durada

4 onns

Furmaziun en la pratica

  • en in atelier da grafica, in' agentura da communicaziun, in'agentura da reclama, ina chasa editura euv.
  • en ina classa spezialisada per grafica, en ina scola per creaziun (Basilea, Bienna, Lucerna e Son Gagl) sco er en la scola privata per creaziun F+F Schule für Kunst und Design Zürich

Furmaziun en scola

1½ di per emna a la scola professiunala spezialisada  (resp. integrà en la scolaziun da la classa spezialisada)

Roms professiunals

  • enconuschientschas professiunalas ed organisaziun
  • basa da la creaziun
  • exercizis e projects

Curs ordaifer il manaschi

Emprender ed exercitar en la pratica las basas professiunalas

Maturitad professiunala

Fitg bunas prestaziuns da scola permettan da frequentar la scola da maturitad professiunala durant la furmaziun da basa.

Diplom

Attestat federal da qualificaziun "graficher / graficra AFQ"

Premissas

Furmaziun preliminara
  • scolaziun obligatorica terminada, per regla stgalim da scola il pli aut

Blers manaschis d’emprendissadi pretendan in diplom d’in curs preliminar creativ ad ina scola per creaziun.

Las classas spezialisadas per grafica pretendan supplementarmain al curs preliminar creativ il reussir en ina procedura d’admissiun. Quella cumpiglia per regla ina lezia u in pensum da chasa creativ, l’inoltraziun d'ina mappa cun lavurs creativas ed in examen dad in u plirs dis a la scola.

Pretensiuns
  • abilitads creativas
  • flexibilitad spiertala
  • creativitad e mirveglias
  • talent d’organisaziun
  • forza da sa far valair
  • voluntad da s’engaschar ed abilitad da supportar squitsch
  • perseveranza
  • fitg buna abilitad da lavurar in team

Furmaziun supplementara

Curs

purschidas da scolas per creaziun, scolas spezialisadas e scolas professiunalas spezialisadas sco er associaziuns

Examen professiunal superiur (EPS)

designer diplomà / designra diplomada da grafica

Scola spezialisada superiura (SSS)

creader / creadra dipl. SAS da design da communicaziun

Scola auta spezialisada (SAS)

studis en ils roms design, p.ex. Bachelor of Arts (SAS) en communicaziun visuala

Cundiziuns da lavur

Graficras e grafichers lavuran en ateliers da grafica, en agenturas da reclama e da communicaziun, en chasas edituras e partiziuns da reclamas integradas en las firmas. Els applitgeschan lur abilitads en las suandantas spartas: reclama, cumposiziun dal cudesch, corporate design, editorial design, illustraziun, infurmaziun ed orientaziun (etica da signals), multimedia, design d’emballadi, webdesign, creaziun da scrittiras, communicaziun didactica, medias electronicas, creaziun d’exposiziuns e da stans da fiera etc. En ateliers pli gronds ed agenturas da reclama resp. da communicaziun pli grondas datti schanzas per far carriera sco art director u creative director. La dumonda suenter plazzas d’emprendissadi surpassa la purschida.

Ulteriuras infurmaziuns

SGD Swiss Graphic Designers
Bärenplatz 7
chascha postala
3001 Berna
Tel: +41 31 312 45 35
URL: www.sgd.ch

SGV Schweizer Grafiker Verband
Schulhausstr. 64
8002 Turitg
Tel: +41 44 201 07 37
URL: www.sgv.ch




berufsberatung.ch