Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Construider / Construidra da models architectonics AFQ

Construiders e construidras da models architectonics construeschan tenor plans e confurm a la scala models d’edifizis e d’interiurs, territoris d’abitadi e parcs sco era products d’industria e da design.

Lavurs

Models architectonics servan a mussar las ideas creativas e d’examinar l’effect tridimensiunal. Architects ed architectas dovran ils models per dar a la clientella in’impressiun dals bajetgs planisads u da controllar, schebain ils edifizis van a prà cun il maletg dal lieu.

Construiders e construidras da models architectonics lavuran - sco il num tradescha gia - oravant tut sin il champ da l’architectura. Els construeschan models d’edifizis singuls u parts d’edifizis, da surbajegiadas e vitgs cumplets, da vias e punts, da parcs e da secturs da terren (relievs). Ultra da quai lavuran els era sin il champ da design da products e design industrial. Là construeschan els models d’objects, d’utensils tecnics e da parts da maschinas per pudair controllar, schebain in product funcziuna e sch’el è esteticamain attractiv.

Sin fundament da plans fan ils construiders da models architectonics dissegns e plans da lavur ch’els dovran silsuenter per construir ils models confurm a la scala. La realisaziun po vegnir exequida a moda fitg differenta: Sper simpels models da massa en furma cubica ston era versiuns cun blers detagls vegnir construidas, p.ex. datti models, nua ch’ils interiurs ston vegnir reproducids cun las maniglias e l’illuminaziun exacta.

Construiders da models architectonics dovran materialias sco lain, metal, gip, materia sintetica, chartun u corc. Per lavurar e tagliar las materialias utiliseschan els guaffens e maschinas: resgias circularas, resgias finas circularas, maschinas da mular circularas etc. Era maschinas dirigidas dal computer sco fresas CNC vegnan utilisadas. Las singulas parts vegnan colliadas cun colla, struvas u cun lutegiar. Els cuvran ils models cun massa da spategliar, cun material da springir sco era ulteriur material natiral. Ils models u parts dals models vegnan colurads cun penels u cun pistolas da squittar.

La davosa glimada dattan ils construiders da models architectonics als models cun agiuntar figuras, mobiglias, plantas e chaglias ch’els han fatg sezs.

Scolaziun

Basa legala

Ordinaziun federala 27-7-2016

Durada

4 onns

Furmaziun en la pratica

En in manaschi che construescha models architectonics

Furmaziun en scola

1 di per emna a la scola professiunala

Roms professiunals

  • enconuschientschas da material
  • enconuschientschas da guaffens e maschinas
  • enconuschientscha dal rom e tecnica da construcziun da models
  • enconuschientscha dal stil architectonic
  • matematica dal rom
  • informatica generala
  • dissegnar
  • furma e colurs
  • Curs ordaifer il manaschi

    Emprender ed exercitar pratic da la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "construider / construidra da models architectonics AFQ"

Premissas

Furmaziun preliminara
  • scola populara terminada
  • bunas prestaziuns en matematica, dissegn e zambregiar
  • evtl. curs preliminar ad ina scola d’art applitgà
Pretensiuns
  • buna motorica fina
  • bun inschign manual
  • abilitad d’imaginaziun spaziala
  • dun da dissegnar
  • patratgar abstract-logic
  • senn per furmas e colurs
  • moda da lavurar exacta
  • pazienza e perseveranza
  • abilitad da lavurar en in team
  • talent d’organisar

Furmaziun supplementara

Curs

purschidas da scolas autas spezialisadas, da scolas professiunalas sco era da l’Associaziun construcziun da models architectonics VAM

Scola spezialisada superiura (SSS)

curs da furmaziun en domenas professiunalas parentadas, p.ex. tecnicist diplomà SSS / tecnicista diplomada SSS architectura interna, tecnicist diplomà / tecnicista diplomada SSS en coluraziun d’architectura u creader grafic / creadra grafica SSS design industrial

Scola auta spezialisada (SAS)

studis en direcziuns parentadas, p.ex. Bachelor of Science (SAS) en architectura, Bachelor of Arts (SAS) en design da product e design industrial, Bachelor of Science (SAS) en planisaziun dal territori

Cundiziuns da lavur

Construiders da models architectonics lavuran en manaschis che construeschan models architectonics. En general èn quai pitschnas fatschentas cun in fin dudesch collavuraturs. Manaschis che construeschan models architectonics èn darar integrads en in biro d’architectura.

La situaziun sin il martgà da lavur è difficila per ils construiders da models architectonics da professiun. La dumonda suenter manaschis che porschan construcziuns da models architectonics è pitschna ed ella dependa da la conjunctura da l’industria da construcziun. Blers construiders da models architectonics lavuran suenter in temp en professiuns parentadas.

La concurrenza per plazzas d’emprendissadi en questa branscha è gronda. La purschida da plazzas d’emprendissadi è magra.

Ulteriuras infurmaziuns

VAM Verband Architektur- Modellbau
Sekretariat
Im Raindörfli 23
8038 Zürich
Tel: 044 482 18 52
URL: www.architektur-modellbau.ch




berufsberatung.ch