Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Cheramicher / Cheramicra AFQ

Cheramicras e cheramichers s’occupan da la fabricaziun da products cheramics. Els concepeschan e realiseschan purschidas che correspundan als basegns dal martgà en ils champs d’applicaziun design da products ed art.

Lavurs

Cheramicras e cheramichers concepeschan e produceschan cheramica da diever, cheramica da construcziun ed objects da l’art liber. Tar la planisaziun e la realisaziun cumbineschan els cumpetenzas creativas, manualas e tecnicas. Plinavant experimenteschan els cun tecnicas da furmar, da crear surfatschas e da brischar.

Durant concepir novs products s’occupan cheramichers dals basegns dal martgà. Els rimnan infurmaziuns en connex cun il product planisà, evalueschan questas infurmaziuns e las documenteschan. Sch’els sa participeschan ad ina concurrenza da cheramica d’art u sch’els aspiran ad in’incumbensa guardan els da preschentar bain lur ovras. Cun tecnicas da preschentaziun adattadas visualiseschan els lur products e formuleschan ils cuntegns en scrit.

Per elavurar ils products elegian cheramichers ils materials adattads e calculeschan la quantitad da la materia prima che vegn duvrada. Els fan in plan da lavur, drizzan en il lieu da lavur tenor intent e preparan ils instruments da lavur e las maschinas. Per pudair identifitgar problems da producziun s’occupan els da dumondas tecnologicas e fan ina producziun da pilot.

La fasa da realisaziun cumpiglia il dar la furma, il crear surfatschas, il sientar e la controlla da qualitad constanta. Cheramichers vesan sbagls da l’elavuraziun e curregian tenor basegn ils singuls pass da lavur.

Per pudair vender bain lur products, observan cheramichers il martgà ed emprovan da sentir ils trends. Els sviluppan ina strategia da far reclama e da vender ch’è concepida per il product e sa posiziuneschan sin il martgà. Els sa participeschan regularmain ad occurrenzas ch’èn relevantas per la professiun e stgaffeschan uschia ina rait professiunala.

Cheramichers fan cuntinuadamain las lavurs administrativas actualas. Els administreschan il magasin da material, cumpran materia prima, calculeschan ils pretschs da producziun da products ed evalueschan ils pretschs da vendita. En la vita professiunala dal mintgadi resguardan els adina las prescripziuns en connex cun la segirezza da la lavur e la protecziun da l’ambient.

Scolaziun

Basa legala

Ordinaziun federala 1-6-2010

Durada

4 onns

Furmaziun en la pratica

En in manaschi da cheramica, en ina classa professiunala per cheramica ad ina scola d'art applitgà (scolaziuns a temp cumplain a Berna, Genevra u Vevey)

Furmaziun en scola

1 ½ di l'emna a la scola professiunala

Roms professiunals

  • concepir projects
  • realisar projects
  • preschentar e far reclama
  • manar il lavuratori
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Fitg bunas prestaziuns da scola permettan da frequentar la scola da maturitad professiunala durant la furmaziun da basa.

    Diplom

    Attestat federal da qualificaziun "cheramicher / cheramicra AFQ"
    Absolvents ed absolventas d’ina classa professiunala per cheramica survegnan supplementarmain in diplom da scola.

Premissas

Furmaziun preliminara
  • scola populara terminada per las classas professiunalas a Berna, Genevra e Vevey:
  • enconuschientschas en l'art applitgà (curs creativ preliminar)
  • examen d’admissiun
Pretensiuns
  • bun sentiment per furmas e colurs
  • dun creativ e dun da dissegnar
  • buna imaginaziun dal spazi
  • abilitads da la motorica fina
  • creativitad
  • pazienza e perseveranza

Furmaziun supplementara

Curs

purschidas da scolas per art applitgà sco era da la Cuminanza da lavur cheramica svizra ASK

Scola spezialisada superiura (SSS)

designer diplomà / designra diplomada SSS en design da products (cun approfundaziun cheramica a l’Ecole supérieure d'arts appliqués a Vevey)

Scola auta spezialisada (SAS)

studis en direcziuns spezialas parentadas, p.ex. Bachelor of Arts (SAS) en design da products e design industrial

Nivel supplementar ad in diplom

Réalisation - Céramique & Polymères" (Diploma of Advanced Studies) a la Haute École d'Art et de Design, Genevra

A l'exteriur

studi da Bachelor e Master a l’Institut für Künstlerische Keramik und Glas (IKKG) der Fachhochschule Koblenz (D), scolaziun sco maister cheramicher / maistra cheramicra a la Staatliche Fachschule für Keramik in Landshut (D)

Cundiziuns da lavur

Cheramichers lavuran per il solit independentamain, quai pretenda engaschament persunal, flair iniziativ ed agens projects.

Sper la lavur en l’agen atelier datti pussaivladads da lavurar en lavuratoris protegids, en la furmaziun da creschids u en la cooperaziun al svilup.

En connex cun lur activitad professiunala creeschan els pli e pli ina rait da contacts cun persunas d’autras professiuns e tgiran raits professiunalas.

Ulteriuras infurmaziuns

Swissceramics
Verband Schweizer Keramik
Kapuzinerstr. 6
4500 Solothurn
Tel: 032 622 78 16
URL: www.swissceramics.ch

Scola d'art applitgà Berna e Bienna
Schänzlihalde 31
3013 Berna
Tel: 031 337 03 37
URL: www.sfgb-b.ch

Centre de Formation
Professionnelle Arts Appliqués
1201 Genève
URL: edu.ge.ch/cfpaa/

Centre d'enseignement
Professionnel de Vevey
1800 Vevey
URL: www.cepv.ch/



berufsberatung.ch