![[object Object],[object Object]](https://media.sdbb.ch/transform/1f2d5e31-9bf4-45c9-97c1-55cc644d3539/CreatoreAbbigliamento-FC-004-jpg?io=transform:fill,width:740,height:490)
1. onn d’emprendissadi: CHF 350–450.–
2. onn d’emprendissadi: CHF 400–600.–
3. onn d’emprendissadi: CHF 650–800.–
Sco creadra u creader da vestgadira produceschas ti vestgids. Ti realiseschas ils giavischs da tia clientella u creeschas agens designs. Ti dissegnas ils models da tagl e tschernas las materialas e las metodas d'elavuraziun. Silsuenter taglias, cusas, rinforzas e stiras ti las singulas parts. Uschia concepeschas ti vestgids unics sin mesira u per ina collecziun.
Incumbensas
- retschaiver la clientella sco er prender encunter ses giavischs per in vestgì u in chapè, p.ex. dumandar davart il stil u l'intent d'utilisaziun
- skizzar l'idea
- prender las mesiras da la clienta u dal client e crear in model sin basa da quai
- fixar las tailas e las materialas necessarias, far in preventiv dals custs, fixar ils termins e preschentar il sboz a la clienta u al client
- adattar il model u skizzar in nov model
- crear per ina collecziun vestgids tenor ils trends da moda e laschar producir a moda industriala
- transponer ils models da tagl, p.ex. per chautschas, sin la taila e tagliar ora la taila cun ina forsch, in cutter u ina maschina
- tagliar, rinforzar, tatgar e cuser vestgids e resguardar en quest connex las prescripziuns da segirezza
- laschar empruvar il vestgì e sche necessari far midadas
- montar ulteriurs ornaments e cumponentas, p.ex. culier, serranetga, pichels u nufs
- preparar tgirom, ordinar tenor grondezza e colur, gulivar e tagliar tenor il sboz
- cumbinar tgirom, pellitscha e tailas, per p.ex. crear mantels, guants u chapels
- cumponer las singulas parts, resguardar p.ex. la direcziun dals chavels dal pail u las nianzas da colur, e cuser ensemen cun la maschina da cuser
- stgarsinar e scursanir il pail da vestgids
- tscherner e preparar il material, dal qual duain vegnir producids chapels u chapitschas, p.ex. taila leva, strom, tgirom u fieuter
- tagliar las singulas parts e sche necessari gulivar ellas cun vapur
- metter e furmar il chapè sin in model da lain u da metal, cuser ils urs ed applitgar il bindel e la flodra
- montar plimas u elements d'ornament
- tegnair en urden ils urdains da lavur e nettegiar la plazza da lavur e las maisas da far ora cun il fier
- dismetter ruments e chemicalias en moda ecologica
Ambient da lavur
Sco creadra u creader da vestgadira lavuras ti en in atelier. Tes temps da lavur èn regulars, ma sche ti stos observar termins per incumbensas, po quai signifitgar squitsch da temp.
Ti chattas plazzas en chasas da moda, ateliers da vestgadira u manaschis da producziun pli gronds. La gronda part da las purschidas da plazzas chattas ti en la Svizra orientala ed en il Tessin, nua che interpresas da la branscha textila han lur sedia.
Pretensiuns e interess
- Senn per estetica
- Creativitad
- Inschign manual
- Imaginaziun tridimensiunala
- Dun per cifras
- Moda da lavurar conscienziusa ed exacta
- Plaschair da vender e da cussegliar
- Lavurar cun taila, tgirom e palpiri
- Dissegnar, decorar, crear
- Lavurar cun ils mauns
- Cussegliar
Scolaziun
La scolaziun vegn fatga sco emprendissadi en in manaschi u en ina scola a temp cumplain.
furmaziun pratica en in manaschi da la branscha da moda e da textilias: 4 dis per emna
1 di per emna en las scolas professiunalas spezialisadas chantunalas
en plirs chantuns: 25 dis durant 3 onns
3 onns
- vestgadira da dunnas
- vestgadira dad umens
- vestgadira da pellitscha
- cuvrida-chau
- vestgadira da lavur e da protecziun
terminà la scola obligatorica
Sche las prestaziuns da scola èn fitg bunas, pon las emprendistas ed ils emprendists frequentar supplementarmain la scola da maturitad professiunala.
Creader / Creadra da vestgadira AFQ
Furmaziun cuntinuonta
Curs
- curs da l'Uniun svizra dals mastergns da la moda (USMM) u da la Cuminanza d'interess per la furmaziun professiunala da creaturas e creaturs da vestgadira (IBBG)
Examen professiunal (EP)
- Creatur / Creatura da vestgadira EP
Examen professiunal superiur (EPS)
- Creatur / Creatura da vestgadira EPS
Scola spezialisada superiura (SSS)
- Designer / Designra da products SSS
- Tecnicist / Tecnicista da textilias e da procedura SSS
- Tecnicist / Tecnicista da textilias e da vestgadira SSS
Scola auta spezialisada (SAS)
- Bachelor of arts en conservaziun
- Bachelor of arts en design
Tut tenor la scola auta spezialisada valan differentas cundiziuns d'admissiun.
Professiuns sumegliantas
