Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Pasterner / Pasternera - Pastizier / Pastiziera - Confisier / Confisiera AFQ

Pasterners / pasterneras –pastiziers / pastizieras – confisiers / confisieras AFQ lavuran en manaschis pitschens u en interpresas da producziun grondas. Els produceschan pastizarias, tschigulatta sco er creaziuns da patissaria. Els empostan la rauba, mesiran las ingredienzas, lavuran cun quellas e nettegian ils apparats duvrads.

Lavurs

La glieud da professiun lavura en las direcziuns spezialas pasternaria-pastizaria u pastizaria-confisaria. En la direcziun speziala pasternaria-pastizaria produceschan els ils suandants products: pauns, paunins, cornets, rasadas, pastizarias da pasta da sfegliada e pettas. Ultra da quai emplainan els sandwichs, garneschan paunins e preparan buglia da Bircher e salatas.

En la direcziun speziala pastizaria-confisaria èn pasterners-pastiziers-confisiers ils spezialists per las dultscharias. Els lavuran cunzunt cun tschigulatta, marzipan e cremas e produceschan pralinas, lieurs da Pasca e turtas. Ina gronda part da lur lavur consista en decorar las differentas creaziuns.

Avant ch’els cumenzan da lavurar cun las victualias e cun la materia prima, paisan pasterners-pastiziers-confisiers tut las ingredienzas tenor las mesiras en il recept. La maschina da pasta maschaida la massa e truscha la pasta. Els lavuran dentant er bler cun ils mauns. Els furman tarscholas e pauns u maschaidan massas da biscuit per turtas. Suenter quests pass da lavur stauschan els la rauba en il furn.

Per il furar or, dressar, emplenir, furmar e decorar da las pastizarias e dals products da confisaria vegn pretendì da pasterners-pastiziers-confisiers in bun maun. La glieud professiunala creescha turtas e regals originals per il local da vendita. Els produceschan e decoreschan turtas da nozzas u d’anniversaris tenor empustaziuns da la clientella.

Pasterners-pastiziers-confisiers lavuran savens sut squitsch da temp cunquai ch’igl è impurtant ch’ils products possian vegnir vendids frestgs ed a temp en la stizun. Ultra da quai èn els responsabels per l’empustaziun da la rauba e guardan per la magasinaziun, l’administraziun e preparaziun professiunala dals products. Las maschinas ed ils utensils utilisads nettegian els mintga di a moda conscienziusa.

Scolaziun

Basa legala

Ordinaziun federala 01-11-2017

Durada

3 onns

Direcziuns

  • pasternaria-pastizaria
  • pastizaria-confisaria

Furmaziun en la pratica

En in manaschi da pasternaria-pastizaria-confisaria u en in’interpresa da producziun industriala.

Furmaziun en scola

1 di per emna a la scola professiunala

Roms professiunals

  • professiun e tecnologia
  • furmar e crear
  • economia da manaschi
  • qualitad e segirezza
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Diplom

    Attestat federal da qualificaziun "pasterner / pasternera - pastizier / pastiziera - confisier / confisiera AFQ"

Premissas

Furmaziun preliminara
  • scola populara terminada
Pretensiuns
  • plaschair da s’occupar cun pastizarias e dultschims
  • bun gust e bun nas
  • senn per furmas e colurs
  • persuna inschignaivla
  • moda da lavur speditiva
  • conscienza d’igiena
  • senn per l’urden
  • fantasia
  • flair per cifras
  • buna sanadad (savens lavur en pe)
  • naginas allergias, nagins eczems e nagin asma
  • cumparsa cultivada
  • abilitad da supportar squitsch en temps hectics

Furmaziun supplementara

Curs

purschidas da la Richemont Fachschule a Lucerna e dal Schweiz. Institut für Unternehmerschulung SIU

Furmaziun da basa scursanida

  • en l’autra direcziun speziala (1 onn)
  • cuschinier / cuschiniera (2 onns)

Praticum a l’exteriur

Cunvegna da stagiaris cun differents pajais. Infurmaziun tras l’Uffizi federal per esters, Berna

Examen professiunal (EP)

p.ex. schef / scheffa pasterner / pasternera-pastizier / pastiziera-confisier / confisiera cun certificat professiunal federal

Examen professiunal superiur (EPS)

manader / manadra da manaschis da pastizaria-confisaria dipl.

Scola spezialisada superiura (SSS)

p.ex. tecnicher / tecnicra dipl. SSS direcziun speziala tecnologia da victualias

Scola auta spezialisada (SAS)

Bachelor of Science (SAS) en tecnologia da victualias, Bachelor of Science (SAS) en economia da manaschi euv.

Cundiziuns da lavur

Pasterners-pastiziers-confisiers AFQ lavuran en pasternarias, pastizarias e confisarias u en manaschis da producziun industrials da l’industria da pastizarias sco er da l’industria da dultschims. Els lavuran dentant er en chasas d’abitar publicas, ospitals sco er en manaschis d’hotels u gastronomia.

Il cumenzament da lavur è different e sa drizza tenor la grondezza dal manaschi e da la direcziun speziala. Surtut glieud da professiun da la direcziun speziala pasternaria-pastizaria cumenzan lur lavur cura che auters dorman anc. Persuenter pon els nizzegiar il suentermezdi. En gronds manaschis da producziun vegn savens lavurà en lavur da squadra. Avant festas vegn per regla pretendì in engaschament da lavur pli intensiv cunquai che la glieud professiunala ha lura dapli lavur.

Ulteriuras infurmaziuns

Schweiz. Bäcker-Confiseurmeister-Verband
Seilerstr. 9
Postfach
3001 Bern
Tel: 031 388 14 14
URL: www.forme-deine-zukunft.ch

Richemont Fachschule
Seeburgstr. 51
6006 Luzern
Tel: 041 375 85 85
URL: www.richemont.online




berufsberatung.ch