Start myBerufswahl

Interessen und Stärken - Schritt 1: Ich lerne meine Interessen und Stärken kennen

Berufe und Ausbildungen - Schritt 2: Ich lerne die Berufs- und Ausbildungswelt kennen

Stärken und Anforderungen - Schritt 3: Ich vergleiche meine Stärken mit den Anforderungen der Berufe und Ausbildungen, die mich interessieren

Schnuppern - Schritt 4: Ich schaue mir die interessanten Berufe genauer an

Überprüfen und entscheiden - Schritt 5: Ich überprüfe die möglichen Berufe oder Schulen und entscheide mich

Lehrstelle finden – Schule anmelden - Schritt 6: Ich setze meine Entscheidung um, suche eine Lehrstelle oder melde mich bei einer Schule an

Vorbereiten auf die Zukunft - Schritt 7: Ich bereite mich auf die Lehre oder die Mittelschule vor oder ich kläre ein Brückenangebot ab

Arbeitsmappe - Deine Ergebnisse

Einen Moment bitte...

myBerufswahl wird geladen.

Abgemeldet

Ihre Login-Session ist abgelaufen. Sie werden auf die Startseite weitergeleitet. Bitte melden Sie sich erneut an, um Ihr Login fortzusetzen.

Wartungsarbeiten: Aufgrund von Wartungsarbeiten auf den Servern von berufsberatung.ch kann es am Dienstag, 25. September zwischen 18:00 Uhr und 00:00 Uhr zu einzelnen Ausfällen kommen.

Flurist / Flurista AFQ

Fluristas e flurists lavuran en affars da flurs u en centers d’orticultura. Cun flurs e cun autras plantas fan els matgs, arranschaments e tschupels. En l’affar cusseglian els la clientella, ordaifer creeschan els emplantaziuns e decoraziuns.

Lavurs

Flurists e fluristas fan matgs, tschupels ed emplantaziuns. Els dovran latiers flurs da tagl, plantas verdas, puschas e coclas, ma era bindels, chandailas, fildarom e figuras da decoraziun. Sper matgs per il diever da mintgadi fan els era emplenidas da vaschs stagiunalas ed arranschaments ch’èn p. ex. tschertgads da Pasca, da Nadal, da Son Valentin u a chaschun dal di da la mamma. Avant quests firads è la lavur en l’affar da flurs adina spezialmain hectica.

Flurists adempleschan era giavischs individuals. Els fan matgs ed auters ornaments da flurs per occurrenzas sco nozzas, anniversaris u sepulturas. Al lieu decoreschan els salas da festa e baselgias tenor ils giavischs da lur clientella. Els resguardan era il stil da l’occurrenza, las prescripziuns da pretschs sco era l’architectura da la localitad. Per questas lavurs dovri creativitad, sentiment per furmas e colurs sco era empatia.

En l’affar da flurs èn flurists responsabels ch’ils matgs, las plantas ed ils divers tocs en elavuraziun vegnian preschentads a moda e maniera attractiva. Tar quai tutgi era da decorar la vitrina e d’endrizzar bain la stanza da vendita. Els nettegian vasas e reglas, dostan ils ruments e scuan il palantschieu. Els dattan aua e tgiran las plantas, allontaneschan feglia sflurida, prendan davent las spinas e taglian las flurs. La gronda part da las lavurs vegnan exequidas en pe e cun agid da cuntè, forsch e zanga. Sch’igl ha clientella, interrumpan els lur lavur per servir.

Flurists prendan encunter empustaziuns per telefon ed e-mail, cusseglian la clientella ed emplainan scrits da furniziun e quittanzas. Els regleschan lavurs per il servetsch da furniziun da flurs u furneschan sezs ils matgs. Tut tenor affar surprendan els autras lavurs, per exempel la cumpra da las flurs.

Flurists surprendan era incumbensas ordvart la localitad da l’affar: Els tgiran tant emplantaziuns internas da biros, ospitals, galarias e firmas, ma  planiseschan e concepeschan era l’emplantaziun da balcuns, terrassas u exposiziuns.

Scolaziun

Basa legala

Ordinaziun federala 10-10-2007

Durada

3 onns

Furmaziun en la pratica

En in affar da flurs u tar in distribuider a l’engrossa

Furmaziun en scola

1 di per emna a la scola professiunala

Roms professiunals

  • vendita
  • fluristica
  • botanica
  • furmaziun creativa
  • Curs ordaifer il manaschi

    Emprender ed exercitar a moda pratica la basa professiunala

    Maturitad professiunala

    Tar fitg bunas prestaziuns da scola po vegnir frequentada la scola da maturitad professiunala durant la furmaziun da basa.

    Lavuratoris d’emprendissadi

    Kantonale Gartenbauschule Oeschberg (3 onns) u Floristenschule Lullier (3 onns per franzos): scolaziun teoretica e pratica en scola, praticums en affars da flurs; pussaivladad d’abitar en l’internat

    Diplom

    Attestat federal da qualificaziun "flurist / flurista AFQ"

Premissas

Furmaziun preliminara
  • scola populara terminada
Pretensiuns
  • interess vi da la natira, vi da flurs e plantas
  • plaschair vi dal contact cun clients e vi da la vendita
  • empatia e sensori per giavischs da clients
  • sensori per colurs e furmas
  • creativitad
  • inschign manual
  • buna sanadad; naginas allergias
  • fidadadad

Furmaziun supplementara

Curs

purschidas dal Schweizerischer Floristenverband, da scolas professiunalas u da purschiders privats

Examen professiunal (EP)

flurist / flurista cun certificat professiunal federal

Examen professiunal superiur (EPS)

maister flurist / flurista dipl.

Scola spezialisada superiura (SSS)

p. ex. tecnicist / tecnicista dipl. SSS, surveglianza da construcziun cun approfundaziun en construcziun d’orticultura e cuntrada

Scola auta spezialisada (SAS)

en il champ professiunal natira: p. ex. Bachelor of Science (SAS) en inschigneria da l’ambient, en agronomia, en architectura da cuntrada, en il champ professiunal furmaziun creativa: p. ex. Bachelor of Arts (SAS) en architectura interna u en design da products ed industria

Cundiziuns da lavur

Flurists lavuran sco emploiads u sur sasezs en affars da flurs, p. p.  era en centers d’orticultura u tar distribuiders a l’engrossa.

Il temp da lavur sa drizza tenor ils temps d’avertura dals affars. Avant firads èsi spezialmain hectic. Flurists ston lura savens far sururas. Els pon lavurar en temp cumplain u parzial. I dat era relaziuns d’engaschament stagiunalas.

Flurists lavuran savens en localitads fraidas ed umidas. En la lavur dal mintgadi stattan els savens sin pe e ston per il solit purtar chaussas grevas sco vaschs, chistas e sadellas.

Ulteriuras infurmaziuns

Schweizerischer Floristenverband
Förliwiesenstr. 4
8602 Wangen b. Dübendorf
Tel: 044 751 81 81
URL: www.florist.ch

Kantonale Gartenbauschule Oeschberg
Bern-Zürich-Str. 14
3425 Koppigen BE
Tel: 034 413 77 77
URL: www.oeschberg.ch

Centre de Lullier Ecole pour fleuriste
Centre de formation professionelle nature et environnement
150 rte de Presinge
1254 Jussy
Tel: 022 546 67 10
URL: www.lullier.ch
URL: www.geneve.ch/epl

Revista professiunala:
"Florist"



berufsberatung.ch